തമസോ മാ ജ്യോതിര്‍ഗമയ

ബൈബിള്‍ വൈരുദ്ധ്യങ്ങള്‍ - യേശു നല്ലവൻ അല്ലേ?

2012-01-10T03:00:00.000+05:30

മാര്‍ക്കോസ് 10 :17. യേശു വഴിയിലേക്കിറങ്ങിയപ്പോൾ ഒരുവൻ ഓടിവന്ന് അവന്റെ മുമ്പിൽ മുട്ടുകുത്തി ചോദിച്ചു: നല്ലവനായ ഗുരോ, നിത്യജീവൻ അവകാശമാക്കാൻ ഞാൻ എന്തുചെയ്യണം? 18. യേശു അവനോടുചോദിച്ചു: എന്തുകൊണ്ടാണ് നീ എന്നെ നല്ലവൻ എന്നുവിളിക്കുന്നത്? ദൈവം ഒരുവനല്ലാതെ നല്ലവനായി ആരും ഇല്ല.

എന്താണിതിന്റെ അര്‍ത്ഥം. യേശു സ്വയം താന്‍ നല്ലവനല്ല എന്നു പറയുന്നുവോ? തന്നെ നല്ലവന്‍ എന്ന് വിളിച്ച ഒരു വ്യക്തിയെ തിരുതുകയാണോ ചെയ്യുന്നത്?
അതോ തന്റെ എളിമ പ്രകടിപ്പിക്കുകയാണോ?
അതോ വിളിച്ചവന്റെ ഉദ്ദേശ്യശുദ്ധി ചോദ്യം ചെയ്യുകയാണോ?

ഒരു സംഭാഷണ ശലകം കേട്ടാല്‍ നമുക്ക്‌ മനസിലാകും എവിടെയാണ് ഊന്നല്‍ കൊടുത്തതെന്ന്. പക്ഷെ അത് എഴുതി കണ്ടാല്‍ നമ്മുക്ക് മനസിലാകില്ല എവിടെയാണ് ഊന്നല്‍ കൊടുക്കേണ്ടത് എന്ന്.

"എന്തുകൊണ്ടാണ് നീ എന്നെ നല്ലവൻ എന്നുവിളിക്കുന്നത്? "
"എന്തുകൊണ്ടാണ് നീ എന്നെ നല്ലവൻ എന്നുവിളിക്കുന്നത്? "
"എന്തുകൊണ്ടാണ് നീ എന്നെ നല്ലവൻ എന്നുവിളിക്കുന്നത്? "

എന്നിങ്ങനെ പല സ്ഥലങ്ങളില്‍ ഊന്നല്‍ കൊടുത്താല്‍ വാക്യത്തിന്റെ അര്‍ത്ഥം മാറിപോകും. രണ്ടാമത്തെ തരത്തില്‍ ഊന്നാല്‍ കൊടുത്താല്‍ ആദ്യം പറഞ്ഞ കണ്ഫ്യൂഷന്‍ കിട്ടും.

കൂടുതല്‍ അറിയണമെങ്കില്‍ അതിന്റെ പശ്ചാത്തലം അറിയുന്നത് നല്ലതാണ്.

ശിശുക്കളെ അനുഗ്രഹിച്ചു കൊണ്ട് യേശു പറഞ്ഞു ദൈവരാജ്യം ലഭിക്കാന്‍ ശിശുക്കളെ പോലെ ആകണം എന്ന്. അപ്പോള്‍ ഒരുവന്‍ ഓടി വന്നു ചോദിക്കുന്നു. നിത്യജീവന്‍ ലഭിക്കാന്‍ എന്ത് ചെയ്യണം എന്ന്? യേശു പറഞ്ഞു തെറ്റുകള്‍ ഒന്നും ചെയ്യരുത് , ദൈവകല്പനകള്‍ പാലിക്കണം എന്നൊക്കെ. അയാള്‍ പറഞ്ഞു അതൊക്കെ ഞാന്‍ ചെയ്യുന്നുണ്ട് എന്ന്. അപ്പോള്‍ യേശു പറഞ്ഞു : " നിനക്ക് ഒരു കുറവുണ്ട്. പോയി നിനക്കുള്ളതെല്ലാം വിറ്റ് ദരിദ്രർക്കു കൊടുക്കുക. അപ്പോൾ സ്വർഗത്തിൽ നിനക്കു നിക്ഷേപമുണ്ടാകും. പിന്നെ വന്ന് എന്നെ അനുഗമിക്കുക. ". അത് കേട്ടപ്പോള്‍ ആ പയ്യന്‍ അവിടെ നിന്ന് സങ്കടത്തോടെ വിട്ടു പോയി. അയാള്‍ക്ക്‌ വളരെയധികം സ്വത്തു ഉണ്ടായിരുന്നു.

അപ്പോള്‍ ആ യുവാവിന്റെ ഉദ്ദേശം മനസിലായല്ലോ? കുറുക്കു വഴിക്ക് ദൈവരാജ്യം ലഭിക്കണം. അതിനു വേണ്ടിയുള്ള വഴി തേടിയാണ് യേശുവിന്റെ അടുത്ത് വന്നത്. കാര്യസാധ്യത്തിനായി വരുന്നവര്‍ പൊതുവേ 'രാജാവി'നെ പുകഴ്ത്തി കൊണ്ടാണ് തുടങ്ങുക. ആദ്യമേ തന്നെ യേശുവിനെ പുകഴത്തുന്നു. ( അങ്ങിനെ ഒരു പുകമറ സൃഷ്ടിച്ചാല്‍ തനിക്ക്‌ എളുപ്പമുള്ള വല്ല കാര്യവും യേശു പറഞ്ഞു കിട്ടിയാല്‍ രക്ഷപ്പെട്ടു എന്ന തോന്നലായിരിക്കാം ഈ പുകഴ്ത്തലിന്റെ പിന്നില്‍ )

17. യേശു വഴിയിലേക്കിറങ്ങിയപ്പോൾ ഒരുവൻ ഓടിവന്ന് അവന്റെ മുമ്പിൽ മുട്ടുകുത്തി ചോദിച്ചു: നല്ലവനായ ഗുരോ, നിത്യജീവൻ അവകാശമാക്കാൻ ഞാൻ എന്തുചെയ്യണം?

അവന്റെ മണിയടി കേട്ടപ്പോള്‍ തന്നെ യേശു അവനെ നിരുത്സാഹപ്പെടുത്തി.

18. യേശു അവനോടുചോദിച്ചു: എന്തുകൊണ്ടാണ് നീ എന്നെ നല്ലവൻ എന്നുവിളിക്കുന്നത്? ദൈവം ഒരുവനല്ലാതെ നല്ലവനായി ആരും ഇല്ല.19. പ്രമാണങ്ങൾ നിനക്കറിയാമല്ലോ: കൊല്ലരുത്, വ്യഭിചാരം ചെയ്യരുത്, മോഷ്ടിക്കരുത്, കള്ളസാക്ഷ്യം നൽകരുത്, വഞ്ചിക്കരുത്, പിതാവിനെയും മാതാവിനെയും ബഹുമാനിക്കുക.

Why O' Why do you call me good? സുഖിപ്പിക്കല്ലേ എന്ന് ചുരുക്കം. ഊന്നല്‍ നോക്കുക . "എന്തുകൊണ്ട് " നീ എന്നെ നല്ലവന്‍ എന്ന് വിളിക്കുന്നു. "നിനക്ക് " ദൈവരാജ്യം കിട്ടുവാന്‍ "എന്നെ" നല്ലവന്‍ എന്ന് വിളിക്കുകയോന്നും വേണ്ട പ്രമാണങ്ങള്‍ അനുസരിച്ചാല്‍ മതി എന്ന് ചുരുക്കം.

ആ യുവാവിന്റെ മര്‍മ്മത്തില്‍ പിടിക്കുകയാണ് യേശു ചെയ്തത്.

21. യേശു സ്നേഹപൂർവം അവനെ കടാക്ഷിച്ചുകൊണ്ടു പറഞ്ഞു: നിനക്ക് ഒരു കുറവുണ്ട്. പോയി നിനക്കുള്ളതെല്ലാം വിറ്റ് ദരിദ്രർക്കു കൊടുക്കുക. അപ്പോൾ സ്വർഗത്തിൽ നിനക്കു നിക്ഷേപമുണ്ടാകും. പിന്നെ വന്ന് എന്നെ അനുഗമിക്കുക.

അവനു രണ്ടിലും താത്പര്യമുണ്ടായിരുന്നില്ല. യേശു എളുപ്പപണിയല്ല അവനു പറഞ്ഞു കൊടുത്തത്.

ഇനി വായിച്ചു നോക്കിയാല്‍ ആദ്യം തോന്നിയ സംശയം ഉണ്ടാകുകയില്ല.
മാര്‍ക്കോസ് 10 :17. യേശു വഴിയിലേക്കിറങ്ങിയപ്പോൾ ഒരുവൻ ഓടിവന്ന് അവന്റെ മുമ്പിൽ മുട്ടുകുത്തി ചോദിച്ചു: നല്ലവനായ ഗുരോ, നിത്യജീവൻ അവകാശമാക്കാൻ ഞാൻ എന്തുചെയ്യണം? 18. യേശു അവനോടുചോദിച്ചു: എന്തുകൊണ്ടാണ് നീ എന്നെ നല്ലവൻ എന്നുവിളിക്കുന്നത്? ദൈവം ഒരുവനല്ലാതെ നല്ലവനായി ആരും ഇല്ല.19. പ്രമാണങ്ങൾ നിനക്കറിയാമല്ലോ: കൊല്ലരുത്, വ്യഭിചാരം ചെയ്യരുത്, മോഷ്ടിക്കരുത്, കള്ളസാക്ഷ്യം നൽകരുത്, വഞ്ചിക്കരുത്, പിതാവിനെയും മാതാവിനെയും ബഹുമാനിക്കുക. 20. അവൻ പറഞ്ഞു: ഗുരോ, ചെറുപ്പം മുതൽ ഞാൻ ഇവയെല്ലാം പാലിക്കുന്നുണ്ട്. 21. യേശു സ്നേഹപൂർവം അവനെ കടാക്ഷിച്ചുകൊണ്ടു പറഞ്ഞു: നിനക്ക് ഒരു കുറവുണ്ട്. പോയി നിനക്കുള്ളതെല്ലാം വിറ്റ് ദരിദ്രർക്കു കൊടുക്കുക. അപ്പോൾ സ്വർഗത്തിൽ നിനക്കു നിക്ഷേപമുണ്ടാകും. പിന്നെ വന്ന് എന്നെ അനുഗമിക്കുക. 22. ഈ വചനം കേട്ട് അവൻ വിഷാദിച്ച് സങ്കടത്തോടെ തിരിച്ചുപോയി. കാരണം, അവന് വളരെയേറെ സമ്പത്തുണ്ടായിരുന്നു.

എന്റെ ദൈവമേ, എന്റെ ദൈവമേ, എന്നെ ഉപേക്ഷിച്ചതെന്തുകൊണ്ട്!! -2

2011-12-25T17:55:00.004+05:30

ആദ്യഭാഗത്തില്‍ ഒരു ചെറിയ അവലോകനത്തില്‍ ഒതുക്കി. ഇനി കുറച്ചു ആഴത്തിലേക്ക് പോകാം.

ഇവിടെ ചോദ്യം ഇതാണ് , യേശുവിനു സ്വന്തം ആഗമനോദേശം അറിയാമെന്കില്‍ , കുരിശില്‍ മരിക്കാനാണ് വന്നതെന്ന് അറിയാമെങ്കില്‍ , എന്തിനാണ് ദൈവത്തോട് എന്നെ കൈവിട്ടത് എന്തുകൊണ്ട് എന്ന് പരിതപിക്കേണ്ടി വന്നത്?

എന്തിനാണ് താന്‍ വന്നത് , എങ്ങിനെയാണ് താന്‍ മരിക്കാന്‍ പോകുന്നത് എന്നൊക്കെ യേശു മുന്‍കൂട്ടി പറഞ്ഞിട്ടുണ്ട്.(മത്തായി - 17:22, മത്തായി - 27:63, മത്തായി - 17:12, മത്തായി - 20:28,

മത്തായി - 20:28
മനുഷ്യപുത്രൻ ശുശ്രൂഷ ചെയ്യിപ്പാനല്ല ശുശ്രൂഷിപ്പാനും അനേകർക്കു വേണ്ടി തന്റെ ജീവനെ മറുവിലയായി കൊടുപ്പാനും വന്നതുപോലെ തന്നേ” എന്നു പറഞ്ഞു.

മത്തായി - 26:2
“രണ്ടു ദിവസം കഴിഞ്ഞിട്ടു പെസഹ ആകുന്നു എന്നു നിങ്ങൾ അറിയുന്നുവല്ലോ; അന്നു മനുഷ്യ പുത്രനെ ക്രൂശിപ്പാൻ ഏല്പിക്കും” എന്നു പറഞ്ഞു.

മർക്കൊസ് - 9:31
അവൻ തന്റെ ശിഷ്യന്മാരെ പഠിപ്പിച്ചു അവരോടു: മനുഷ്യപുത്രൻ മനുഷ്യരുടെ കയ്യിൽ ഏല്പിക്കപ്പെടും; അവർ അവനെ കൊല്ലും; കൊന്നിട്ടു മൂന്നു നാൾ കഴിഞ്ഞ ശേഷം അവൻ ഉയിർത്തെഴുന്നേല്ക്കും എന്നു പറഞ്ഞു.

യേശു പിതാവിനോട് സംസാരിക്കുന്നമറ്റു സന്ദര്‍ഭങ്ങളും ബൈബിളില്‍ കാണാം.പിതാവിന്റെ ഹിതം നിറവേറ്റുവാനാണ് യേശു വന്നത്. അപ്പോള്‍ ആ ഹിതം അറിയാന്‍ കൂടിയാണ് മനുഷ്യനായ പുത്രനായ ദൈവം പ്രാര്‍ഥിക്കുന്നത്.

ഇനി നമുക്ക് ബൈബിള്‍ വചനങ്ങളിലേക്ക് ശ്രദ്ധയോടെ വീക്ഷിക്കാം.

മത്തായി 27:45. ആറാം മണിക്കൂർ മുതൽ ഒമ്പതാം മണിക്കൂർവരെ ഭൂമിയിലെങ്ങും അന്ധകാരം വ്യാപിച്ചു. 46. ഏകദേശം ഒമ്പതാം മണിക്കൂറായപ്പോൾ യേശു ഉച്ചത്തിൽ നിലവിളിച്ചു. ഏലി, ഏലി, ല്മാ സബക്ഥാനി. അതായത്, എന്റെ ദൈവമേ, എന്റെ ദൈവമേ, എന്തുകൊണ്ടു നീ എന്നെ ഉപേക്ഷിച്ചു?

(മത്തായിയുടെ ആറാം മണിക്കൂര്‍ എന്ന് പറഞ്ഞാല്‍ നട്ടുച്ച, ഒമ്പതാം മണിക്കൂര്‍ എന്ന് പറഞ്ഞാല്‍ 3PM)

പിതാവിന്റെ ശൈലി അറിയാന്‍ പഴയനിയമത്തിലേക്ക് കണ്ണോടിക്കുക...

ഈജിപ്തിനെ ശിക്ഷിക്കുന്ന ഭാഗം...

പുറപ്പാട് 10: 21. കർത്താവ് മോശയോടു പറഞ്ഞു: നിന്റെ കൈ ആകാശത്തേക്കു നീട്ടുക. ഈജിപ്തിൽ ഇരുട്ടുണ്ടാകട്ടെ; തൊട്ടറിയാവുന്ന ഇരുട്ട്. 22. മോശ ആകാശത്തിലേക്കു കൈ നീട്ടി. ഈജിപ്തു മുഴുവൻമൂന്നു ദിവസത്തേക്കു കൂരിരുട്ടു വ്യാപിച്ചു. 23. അവർക്കു പരസ്പരം കാണാനോയഥേഷ്ടം നീങ്ങാനോ സാധിച്ചില്ല...

ആമോസ് 8:9. ദൈവമായ കർത്താവ് അരുളിച്ചെയ്യുന്നു: അന്നു മധ്യാഹ്നത്തിൽ സൂര്യൻ അസ്തമിക്കും. നട്ടുച്ചയ്ക്കു ഞാൻ ഭൂമിയെ അന്ധകാരത്തിൽ ആഴ്ത്തും.

10. നിങ്ങളുടെ ഉത്സവദിനം മരണ ദിനമായും ഗാനങ്ങൾ വിലാപമായും ഞാൻ മാറ്റും. സകലരെയും ഞാൻ ചാക്കുടുപ്പിക്കും. എല്ലാ ശിരസ്സും കഷണ്ടിയാക്കും. അത് ഏകജാതനെക്കുറിച്ചുള്ള വിലാപംപോലെയാകും. ആദിനം അവസാനംവരെ തിക്തമായിരിക്കും.

അപ്പോള്‍ പശ്ചാത്തല സംഗീതം മനസിലായല്ലോ? മറുവിലയായി തന്‍റെ ജീവന്‍ ബലിയായി അര്‍പ്പിക്കാന്‍ യേശു ബാലിപീഠത്തില്‍ ! യേശു പാപികള്‍ക്ക് വേണ്ടി ശിക്ഷ അനുഭവിക്കുന്നു. മൂന്നു മണിക്കൂര്‍ അന്ധകാരം. ഏകജാതനെ കുറിച്ചുള്ള വിലാപം പോലെയാകും എന്ന് ആമോസിന്റെപുസ്തകം.

ഇനി നമുക്ക് സങ്കീര്‍ത്തകന്‍ എന്ത് പറയുന്നു എന്ന് നോക്കാം.

സങ്കീര്‍ത്തനങ്ങള്‍ 22:1. എന്റെ ദൈവമേ, എന്റെ ദൈവമേ,എന്തുകൊണ്ട് അങ്ങ് എന്നെ ഉപേക്ഷിച്ചു! എന്നെ സഹായിക്കാതെയും,എന്റെ രോദനം കേൾക്കാതെയും, അകന്നു നിൽക്കുന്നതെന്തുകൊണ്ട്? 2. എന്റെ ദൈവമേ, പകൽമുഴുവൻഞാൻ അങ്ങയെ വിളിക്കുന്നു;അങ്ങു കേൾക്കുന്നില്ല; രാത്രിയിലും വിളിച്ചപേക്ഷിക്കുന്നു;എനിക്ക് ആശ്വാസം ലഭിക്കുന്നില്ല.

ആഹാ ... അതെ വചനങ്ങള്‍ ! ഇതിനെ പറ്റി കൂടുതല്‍ അറിയണമെങ്കില്‍ അതിന്റെ തലേ ദിവസം എന്താണ് യേശുവിന്റെ ജിവിതത്തില്‍ നടന്നത് എന്ന് കൂടി കാണണം.

ലൂക്കാ 22:44. അവൻ തീവ്രവേദനയിൽ മുഴുകി കൂടുതൽ തീക്ഷ്ണമായി പ്രാർഥിച്ചു. അവന്റെ വിയർപ്പു രക്തത്തുള്ളികൾപോലെ നിലത്തുവീണു.

രക്തം പൊടിയാന്‍ തക്കവണ്ണം ഉയിര്‍ന്ന രക്ത സമ്മര്‍ദ്ദം യേശു തലേന്ന്‍ അനുഭവിച്ചു എന്ന് സുവിശേഷകര്‍ .

ജറൂസലേം ദേവാലയത്തില്‍ ഒരുക്കി നിറുത്തിയ പെസഹാ കുഞ്ഞാടിനെ പെസഹാ ദിവസം ബാലിയര്‍പ്പിക്കുന്നത് ഉച്ചക്ക് രണ്ടാരയ്ക്കും മൂന്നരയ്ക്കും ഇടയില്‍ ആണെന്ന് യഹൂടമാരുടെ പുസ്തകങ്ങള്‍ പറയുന്നു. ഇവിടെ യേശുവെന്ന പെസഹാ കുഞ്ഞാട് ബലിയായി ജീവന്‍ വെടിഞ്ഞതുംആ സമയത്തു തന്നെ.

വിഷയത്തിലേക്ക് വന്നാല്‍ പുത്രനായ ദൈവം പിതാവിനോട് വിളിച്ചു കരയുന്ന ഭാഗമാണ് ഇവിടെ കണ്ടത്. എന്തുകൊണ്ടാണ് എന്നെ കുരിശില്‍ നിന്ന് രക്ഷിക്കാത്തത് എന്നല്ല യേശു പരിതപിച്ചത്. എന്തുകൊണ്ടാണ് തന്നെ ആശ്വസിപ്പിക്കാത്തത് എന്നാണു യേശുവിന്റെ പരാതി.

യേശുവിന്റെ ജനനം. (ചരിത്ര വൈരുദ്ധ്യം?)

2011-12-15T05:00:00.000+05:30

രണ്ടു സുവിശേഷകര്‍ ആണ് യേശുവിന്റെ ജനനം ചരിത്രത്തിന്റെ ഭാഗമായി രേഖപെടുതിയിരിക്കുന്നത്. മത്തായി പറയുന്നു ഹെരോദോസിന്റെ കാലത്താണ് യേശുവിന്റെ ജനനം എന്ന്.ലൂക്കയും പറയുന്നു,യേശു ജനിച്ചത്‌ ഹെരോദോസിന്റെ കാലത്ത്, അഗസ്റ്റസ് സീസര്‍ ചക്രവര്‍ത്തി ആയിരിക്കുമ്പോള്‍ , ക്വിരിനോസ്‌ (Quirinius ) സിറിയ ദേശാധിപതി ആയിരുന്ന കാലത്ത് ആണ് എന്ന്.

ഇവിടുത്തെ ചര്‍ച്ചാ വിഷയം. ഹെരോദോസ് മരിച്ചത് ബി.സി.നാല് . ക്വിരിനോസ്‌ ഗവര്‍ണര്‍ ആയത് എ.ഡി. ആറിന് (Josephus എന്ന ചരിത്രകാരനാണ്‌ ഇത് രേഖപ്പെടുതിയത്.)

ഇത് രണ്ടും തമ്മില്‍ പത്തു വര്‍ഷം വ്യത്യാസം ! അതുകൊണ്ട് യേശുവിന്റെ ജനനത്തില്‍ ചരിത്രപരമായ വൈരുദ്ധ്യം ആരോപിക്കുന്നു. വളരെ നല്ല കാര്യം , ചര്‍ച്ച ചെയ്യുവാന്‍ ചില ഡാറ്റയെങ്കിലും ഉണ്ട്.

ശരി. നമ്മുക്ക് ചില കാര്യങ്ങള്‍ പരിശോധിക്കാം.

പണ്ട് പണ്ടൊരു രാജാവുണ്ടായിരുന്നു എന്നാണ് പഴംകഥകള്‍ തുടങ്ങുക.പക്ഷെ ഇവിടെ ലൂക്ക ചരിത്രപരമായ ഭരണാധികാരികളുടെ പേര് പറഞ്ഞു കൊണ്ടാണ് യേശുവിന്റെ കാലത്തെ പറ്റി പറയുന്നത്.ലൂക്ക പറഞ്ഞിരിക്കുന്ന പേരുകള്‍ നോക്കുക.

ലൂക്കാ 1:5. ഹേറോദേസ് യൂദയാരാജാവായിരുന്ന കാലത്ത്, അബിയായുടെ ഗണത്തിൽ സഖ റിയാ എന്ന ഒരു പുരോഹിതൻ ഉണ്ടായിരുന്നു. അഹറോന്റെ പുത്രിമാരിൽപ്പെട്ട എലിസബത്ത് ആയിരുന്നു അവന്റെ ഭാര്യ.

ലൂക്കാ 2:1. അക്കാലത്ത്, ലോകമാസകലമുള്ള ജനങ്ങളുടെ പേര് എഴുതിച്ചേർക്കപ്പെടണം എന്ന് അഗസ്റ്റസ് സീസറിൽനിന്ന് കൽപന പുറപ്പെട്ടു. 2. ക്വിരിനിയോസ് സിറിയായിൽ ദേശാധിപതി ആയിരിക്കുമ്പോൾ ആദ്യത്തെ ഈ പേരെഴുത്തു നടന്നു.

ലൂക്കാ 3:1. തിബേരിയൂസ് സീസറിന്റെ പതിനഞ്ചാം ഭരണവർഷം പൊന്തിയൂസ് പീലാത്തോസ് യൂദയായുടെ ദേശാധിപതിയുംഹേറോദേസ് ഗലീലിയുടെയും അവന്റെ സഹോദരൻ പീലിപ്പോസ് ഇത്തൂറിയ, ത്രാക്കോണിത്തിസ് പ്രദേശങ്ങളുടെയും ലിസാനിയോസ് അബിലേനെയുടെയും ഭരണാധിപൻമാരും, 2. അന്നാസും കയ്യാഫാസും പ്രധാനപുരോഹിതൻമാരും ആയിരിക്കേ, സഖറിയായുടെ പുത്രനായ യോഹന്നാന് മരുഭൂമിയിൽവച്ചു ദൈവത്തിന്റെ അരുളപ്പാടുണ്ടായി.

- ഹെരോദോസിന്റെ (Herod the Great) കാലം 74 BCE, died 4 BCE (ലൂക്കാ 1:5, ലൂക്കാ 2:1)

- അഗസ്റ്റസ് സീസറിന്റെ കാലം.   27 BC - AD 14 (ലൂക്കാ 2:1)
- ക്വിരിനോസ്‌(Quirinius) ജീവിത കാലഘട്ടം. 51 BC - AD 21 (ലൂക്കാ 2:1)
- Pontius Pilate (no specific dates. but referred by Josephus) ലൂക്കാ 3:1
- Tiberius Caesar 42 BC – 37 AD (was Emperor from 14 AD to 37 AD) ലൂക്കാ 3:1
- Herod Antipas    ലൂക്കാ 3:1
   (Marry Herodias after divorcing his first wife)
- Philip the Tetrarch ലൂക്കാ 3:1
-John the baptists   ലൂക്കാ 3:2
(Referred by Josephus)

ഈ പറഞ്ഞ വ്യക്തികള്‍ യേശു ജനിച്ചു എന്ന് പറയുന്ന കാലത്ത് ജീവിച്ചിരുന്നു. അത് എല്ലാവരും അംഗീകരിക്കുകയും ചെയ്യുന്നു.

നമ്മുക്ക് കുറച്ചു കൂടുതല്‍കാര്യങ്ങള്‍ പരിശോധിക്കാം.

1. ബി.സി 44 മുതലേ യാഹൂദന്മാരില്‍ നിന്ന് റോമാ സാമ്രാജം നികുതി പിരിക്കുന്നുണ്ടായിരുന്നു. (by Josephus).ഹെരോദോസ് (Herod the Great) സീസറിനു ചുങ്കം കൊടുത്തിരുന്നു. (ജനങ്ങളില്‍ നിന്ന് പിരിച്ചിട്ടാണല്ലോ ഈ ചുങ്കം സീസറിന് കൊടുക്കുന്നത്) പലപ്പോഴും അവര്‍ തമ്മില്‍ തെറ്റിയിരുന്നു. കപ്പം കൊടുക്കുന്ന രാജാവും ചക്രവര്‍ത്തിയും തെറ്റിയില്ലെങ്കിലേ സ്വാഭാവികമായും അത്ഭുതമുള്ളൂ. അതുകൊണ്ട് തന്നെ ഹേറോദേസിന്റെ അധികാരസീമ ലംഘിക്കാന്‍ സീസറിന് ഒരു മനപ്രയാസവും അനുഭവപ്പെടില്ല.

2. തലയെണ്ണല്‍ നടത്തിയിരുന്നത് നികുതി വരുമാനം അറിയാന്‍ കൂടി ആയിരുന്നു. കണക്കെടുപ്പ് നടത്തുന്നത് മിക്കവാറും പട്ടാളക്കാര്‍ ആയിരുന്നു.

3. അഗസ്റ്റസ് സീസറിന്റെ കാലത്ത് മൂന്നു തവണ ഈ കണക്കെടുപ്പ് നടത്തിയിട്ടുണ്ട്.

28 BC, 8 BC and AD 14. (By Deeds of the Divine Augustus)

4. Tacitus എന്ന ചരിത്ര കാരന്‍ രേഖപ്പെടുതിയിരിക്കുന്നത് ഹെരോദോസിന്റെ മരണകാലത്ത് Quirinius ‌കിഴക്കന്‍ റോമാ സാമ്രാജത്തില്‍ സൈനിക മേധാവി ആയിരുന്നു എന്ന്. (അതായത് സിറിയ ഉള്‍പെടുന്ന സ്ഥലത്ത് സൈനിക സേവനത്തിനു Quirinius ഉണ്ടായിരുന്നു. Army commander! )

5. അഗസ്റ്റസ് സീസരുടെ ഹോബിയായിരുന്നു എന്ന് തോന്നുന്നു തലയെണ്ണല്‍ ! ഈജിപ്തില്‍ ബി.സി.10 ല്‍ , പതിനാലു വര്ഷം കൂടുമ്പോള്‍ തലയെണ്ണല്‍ നടത്താന്‍ പുള്ളി ഉത്തരവിട്ടിരുന്നു.

6. ക്വിരിനോസ്‌ സിറിയയുടെ ഗവര്‍ണര്‍ ആയത് എ.ഡി. ആറിന് (by Josephus)

7. ക്വിരിനോസ്‌ തന്റെ പട്ടാളം ശക്തിപ്പെടുത്തുവാന്‍ സിറിയയില്‍ പുതിയ ടാക്സ്‌ കണക്കെടുപ്പ് കൊണ്ട് വരുന്നു. (by Josephus)

ഇതില്‍ അവസാന രണ്ടു സ്റ്റേറ്റ്മെന്‍റ്കള്‍ ആണ് പത്തു വര്‍ഷത്തെ വൈരുദ്ധ്യം എന്ന കണക്കിലേക്ക് എത്തിച്ചത്. ഈ തെറ്റിധാരണ വരുത്തുവാന്‍ ഒരു കാരണം "ക്വിരിനിയോസ് സിറിയായിൽ ദേശാധിപതി ആയിരിക്കുമ്പോൾ ആദ്യത്തെ ഈ പേരെഴുത്തു നടന്നു. " എന്നലൂക്കയുടെ പ്രസ്താവനയാണ്.ക്വിരിനിയോസ് ഗവര്‍ണര്‍ ആയത് എ.ഡി. ആറിന് ആണല്ലോ. തെറ്റിദ്ധരിക്കാന്‍ വളരെ എളുപ്പം. പക്ഷെ ഒന്നാമതായി ഗവര്‍ണറെ മാത്രമല്ല ലൂക്ക ദേശാധിപതി എന്ന് വിശേഷിപ്പിച്ചിരിക്കുന്നത്. അദ്ദേഹം ഉപയോഗിച്ചിരിക്കുന്നത് hegemon എന്ന ഗ്രീക്ക്‌ പദമാണ്.
http://net.bible.org/#!bible/Luke+2 footnote 7 നോക്കുക. governorOr “was a minister of Syria.” This term could simply refer to an administrative role Quirinius held as opposed to being governor

Google Translation ηγεμονευοντοϲ τηϲ ϲυριαϲ κυρηνι => prince of Kyrene syrias എന്നാണ് !
ഗ്രീക്ക് പദങ്ങള്‍ കിട്ടുവാന്‍ ഗ്രീക്ക് മാനുസ്ക്രിപ്റ്റ് നോക്കുക.

ക്രിസ്ത്യന്‍ വിശ്വാസിയായ Justin Martyr's (second century) ആദേഹത്തിന്റെ പുസ്തകത്തില്‍ പറയുന്നത് ...
Now there is a village in the land of the Jews, thirty-five stadia from Jerusalem, in which Jesus Christ was born, as you can ascertain also from the registers of the taxing made under Cyrenius, your first procurator in Judæa.

ഇദ്ദേഹവും പറയുന്നത് ഒരു അധികാരി മാത്രമാണ് Quirinius എന്ന് . മുകളില്‍ കൊടുത്ത നാലാമത്തെ പോയിന്റ് വായിക്കുക. അതില്‍ പറയുന്നത് ഹെരോദോസിന്റെ മരണകാലത്ത് Quirinius ‌കിഴക്കന്‍ റോമാ സാമ്രാജത്തില്‍ സൈനിക മേധാവി ആയിരുന്നുഎന്നാണ്. അതായത് AD 6 ല്‍ നടന്ന കണക്കെടുപ്പിനെ പറ്റിയല്ല ലൂക്ക തന്‍റെ സുവിശേഷത്തില്‍ (Luke 2:1) പറയുന്നത്.

ലൂക്ക പറഞ്ഞത് അവിടെ നില്‍ക്കട്ടെ. ബാക്കിയുളവര്‍ പറഞ്ഞത് ചേര്‍ത്തുവായിച്ചാല്‍ തന്നെ, സീസറിന്റെ ഉത്തരവ്‌ പ്രകാരം 8 BC (മുതല്‍ തുടങ്ങിയ) കണക്കെടുപ്പില്‍ സിറിയയുടെ മേല്‍നോട്ടം വഹിച്ചത് ഒരു പട്ടാള മേധാവി എന്ന നിലയില്‍ ക്വിരിനോസ്‌ ആകുവാന്‍ എല്ലാ സാധ്യതയും ഉണ്ട്. സിറിയയുടെ മേല്‍നോട്ടം മുന്നേ നടത്തിയത് കൊണ്ട് കൂടിയാവണം അവിടെ ഗവര്‍ണര്‍ ആയി അദ്ദേഹത്തെ നിയമിക്കാന്‍ സീസര്‍ മുതിരുന്നത്. കൂടാതെ ഇതിനു സമാനമായി BC10 ല്‍ റോമന്‍ പ്രവശ്യ ആയിരുന്ന ഈജിപ്തിലും സീസര്‍ കണക്കെടുപ്പ് നടത്തിയിരുന്നു. അതായത് ലൂക്ക പറഞ്ഞ പോലെ റോമാ സാമ്രാജ്യം മുഴുവനും കണക്കെടുക്കുന്ന ആദ്യ അവസരം ആയിരിക്കും അത്. A.D 6 ല്‍ അങ്ങിനെ ഒരു കണക്കെടുപ്പ് റോമാ സാമ്രാജ്യം ആകെ നടന്നിട്ടില്ല എന്നത് ആ വാദത്തിനു ശക്തി പകരും.

The conclusion : Josephus പറഞ്ഞ പോലെ സിറിയയുടെ ഗവര്‍ണര്‍ ആയി ക്വിരിനോസ്‌ അവരോധിതന്‍ ആയത് A.D 6 നു ആയിരിക്കും. പക്ഷെ ലൂക്ക പറഞ്ഞ പോലെ ഉള്ള ഒരു കണക്കെടുപ്പ് BC 10-8 കാലഘട്ടത്തില്‍ റോമാ സാമ്രാജത്തില്‍ നടത്തിയിട്ടുണ്ട്. കണക്കെടുപ്പ് എന്ന് പറയുമ്പോള്‍ അത് രണ്ടോ മൂന്നോ വര്ഷം നീണ്ടു നില്‍ക്കുന്നതാകാം. അത് സിറിയയില്‍ അത് ഉള്‍പെടുന്ന പ്രദേശത്തിന്റെ സൈനിക മേധാവി ആയിരുന്ന ക്വിരിനോസ്‌ നയിച്ചു എന്ന് കരുതുന്നതില്‍ തെറ്റില്ല.

ഇനി AD 6 ല്‍ നടന്ന സെന്‍സസ്‌ ലൂക്കയ്ക്ക് അറിയുമായിരുന്നോ എന്നാണു ചോദ്യം?

വായിക്കുക. http://en.wikipedia.org/wiki/Census_of_Quirinius
ഈ ലേഖനത്തിന്റെ ഒരു ഭാഗം കൌതുകകരമാണ്. അത് ഇപ്രകാരമാണ്.

"Josephus links the census to an uprising led by Judas of Galilee. Most likely the imposition of taxation associated with it was the main cause"

ഇതേ കാര്യം തന്നെ ലൂക്കയും പറയുന്നുണ്ട്, അപ്പസ്തോല പ്രവര്‍ത്തികളില്‍ !

Acts 5:37 അനന്തരം കാനേഷുമാരിയുടെ കാലത്തു ഗലീലിയനായ യൂദാസ് പ്രത്യക്ഷപ്പെട്ട്, കുറെപ്പേരെ ആ കർഷിച്ച് അനുയായികളാക്കി. അവനും ന ശിച്ചുപോയി; അനുയായികൾ തൂത്തെറിയപ്പെടുകയും ചെയ്തു.

എന്തായാലും മെനക്കെട്ടതല്ലേ.
കൂട്ടത്തില്‍ കിട്ടിയ ചില കാര്യങ്ങള്‍ കൂടി പറയാം.

വേറൊരു കാര്യം കൂടി ലുക്ക പറഞ്ഞു വയ്ക്കുന്നു.
ലൂക്കാ 3:1. തിബേരിയൂസ് സീസറിന്റെ പതിനഞ്ചാം ഭരണവർഷം...

ലൂക്കാ 3:23. പരസ്യജീവിതം ആരംഭിക്കുമ്പോൾ യേശുവിന് ഏകദേശം മുപ്പതു വയസ്സുപ്രായമായിരുന്നു...

യേശുവിനു മുപ്പതു വയസ് (ഏകദേശം) പ്രായമുള്ളപ്പോള്‍ , തിബേരിയൂസ് സീസറിന്റെ പതിനഞ്ചാം ഭരണവർഷം ആയിരുന്നു. ചരിത്രം പറയുന്നത് പ്രകാരം തിബേരിയൂസ് സീസര്‍ ആയത് 14 AD(ഒന്നാം വര്‍ഷം). അവിടെ നിന്ന് 15-ആം വര്‍ഷം AD 28.ബിസി.ഒന്ന് കഴിഞ്ഞാല്‍ AD ഒന്നാണ്. (പൂജ്യം വര്‍ഷം ഇല്ല) അങ്ങിനെ വരുമ്പോള്‍ AD 28 നിന്ന് പുറകിലേക്ക് 30 പോയാല്‍ ബിസി. 3.യേശു ജനിച്ചത്‌ ബിസി. മൂന്നിനാകും !! ഹെരോദോസ് മരിച്ചത് ബിസി. നാലിന്. ചുരുക്കി പറഞ്ഞാല്‍ കേവലം ഒരു വര്‍ഷത്തിന്റെ വൈരുദ്ധ്യം മാത്രമേ ഞാന്‍ കാണുന്നുള്ളൂ. നമ്മള്‍ ഏകദേശ കണക്കുകള്‍ ആണ് നോക്കിയിരിക്കുന്നത്. പോരാത്തതിന് എന്റെ കണക്ക് എവിടൊക്കെ തെറ്റിയിട്ടുണ്ടാകുമോ ആവോ!

ഒരു കാര്യം കൂടി ആലോചിക്കണം. യേശുവിന്റെ വയസിനോ അന്ന് ഭരിച്ചിരുന്ന ഭരണാധികാരികളുടെ പേരിനോ വിശ്വാസപരമായി ഒരു പ്രാധാന്യവും ഇല്ല.എന്നിട്ടും ലൂക്ക പറഞ്ഞതില്‍ കേവലം ഒരു വര്‍ഷത്തെ വ്യത്യാസമേ കാണുന്നുള്ളൂ.

താത്പര്യമുള്ളവര്‍ക്ക് ഇതുകൂടി വായിക്കാം.
(ഇതേ വിഷയത്തില്‍ ഉള്ള മറ്റു ചില കാര്യങ്ങള്‍ കൂടി അതിലുണ്ട്. )
http://www.ankerberg.com/Articles/editors-choice/EC1205W3C.htm

കുട്ടികളുടെ കൂട്ടകൊല ചരിത്ര സംഭവം ആണോ?
യേശുവിന്റെ പേര് തന്‍റെ ഗ്രന്ഥത്തില്‍ സൂചിപ്പിച്ച Josephus എന്ന ചരിത്രകാരന്‍ പോലും ലൂക്ക പറഞ്ഞ കൂട്ടകൊലയെ പറ്റി ഒന്നും പറഞ്ഞിട്ടില്ല എന്നതാണ് ഈ സംഭവം ചരിത്ര പരമല്ല എന്ന്‍ വാദിക്കാനുള്ള പ്രധാന കാരണം. പക്ഷെ ക്രിസ്ത്യാനിയല്ലാത്ത ഒരു ചരിത്രകാരന്‍ ഈ കൂട്ട കൊലയെ പറ്റി രേഖപ്പെടുതിയിട്ടുണ്ട്.

http://en.wikipedia.org/wiki/Massacre_of_the_Innocents
The first non-Christian reference to the massacre is recorded four centuries later by Macrobius (c. 395-423), who writes in his Saturnalia:

"When he [emperor Augustus] heard that among the boys in Syria under two years old whom Herod, king of the Jews, had ordered to kill, his own son was also killed, he said: it is better to be Herod's pig, than his son."

തികച്ചും വ്യത്യസ്തമായ മറ്റൊരു സംഭവം സൂചിപ്പിക്കുന്നതിന്റെ ഇടയില്‍ വന്നു പെട്ടകാര്യം! ഈ ചരിത്രകാരന്‍ യേശുവിനെ പറ്റി പറഞ്ഞിട്ടില്ല എന്ന് തോന്നുന്നു. എന്നിട്ടും അദ്ദേഹത്തിന്റെ എഴുത്തില്‍ അന്നത്തെ കൂട്ടകൊല വന്നു.

ആദിമകാല ക്രിസ്ത്യാനികള്‍ ഈ കുഞ്ഞുങ്ങളെയാണ് ക്രിസ്തുവിന്റെ ആദ്യ രക്ത സാക്ഷികളായി കാണുന്നത്. അവരുടെ ഫീസ്റ്റ് 485 AD മുതല്‍ ആചരിച്ചിരുന്നതായി കാണുന്നു.

പറഞ്ഞു വരുന്നത് മറ്റു ചരിത്ര പുസ്തകങ്ങളില്‍ ലൂക്ക എഴുതിയതിനെ സാധൂകരിക്കാന്‍ വേണ്ടതൊക്കെയുണ്ട്. ഏകനല്ല ലൂക്ക! (അപ്പോള്‍ ത്രിത്വമാണോ ലൂക്ക എന്ന് ചോദിക്കരുത് ;-)

ക്രിസ്ത്യാനികളും പന്നി മാംസവും

2011-12-04T10:13:00.001+05:30

പഴയ നിയമം പറയുന്നത് പന്നി മാംസം അശുദ്ധമാണ് . അത് ഭക്ഷിക്കരുത് എന്ന്. Leviticus 11:7-8
എന്നിട്ടും ക്രിസ്ത്യാനികള്‍പന്നി മാംസം ഭക്ഷിക്കുന്നു. ദൈവ വചനത്തിന് പുല്ലു വില കൊടുക്കുന്നവരാണോ ക്രിസ്ത്യാനികള്‍ . സക്കീര്‍ നായിക്‌ അടക്കം പല മുസ്ലീമുകളും ഈ ചോദ്യം ചോദിക്കുന്നു.

എന്തുകൊണ്ടാണ് ക്രിസ്ത്യാനികള്‍ പന്നി മാംസം കഴിക്കുന്നത്‌?

Acts Chapter 10:11 ല്‍ പത്രോസ് പ്രഖ്യാപിച്ചു എല്ലാ തരം ഭക്ഷണവും ശുദ്ധതയുള്ളതാണ് എന്ന്. പത്രോസ് ആരാണ് ദൈവ വചനം തിരുത്താന്‍ എന്നാണു സക്കീര്‍ നായിക്‌ ചോദിക്കുന്നത്.

യേശു പത്രോസിനു അതിനുള്ള അധികാരം കൊടുത്തിട്ടുണ്ട്‌ എന്ന് ബൈബിളില്‍ നമുക്ക് കാണാം. എന്തിനു അതിലേക്കു കടക്കുന്നു.യേശു തന്നെ പറഞ്ഞിട്ടുണ്ട്.... ഒരുവനെ അശുദ്ധനാക്കുന്നത് ഏതെങ്കിലും ഭക്ഷണമല്ല, അവന്റെ ഹൃദയ വിചാരങ്ങളാണ്.

"Are you so dull?" he (Jesus) asked, "Don't you see that nothing that enters a man from the outside can make him unclean? For it doesn't go into his heart but into his stomach, and then out of his body." "What comes out of a man is what makes him 'unclean.' For from within, out of men's hearts come evil thoughts, sexual immorality, theft, murder, adultery, greed, malice, deceit, lewdness, envy, slander, arrogance, and folly. All these evils come from inside and make a man 'unclean'."
Mark 7:18-23

കണ്ടോ... യേശു തന്നെ പറഞ്ഞിട്ടുണ്ട് ഏതൊരു ഭക്ഷണവും ശുദ്ധിയുള്ളതാണ് എന്ന് . പത്രോസ് അത് എടുത്തു പറഞ്ഞു എന്ന് മാത്രം.

ക്രിസ്ത്യാനികള്‍ പന്നി മാംസം കഴിക്കുന്നത്‌ ഏറ്റവും അധികം വിമര്‍ശിക്കുന്നത് മുസ്ലീമുകലാണ്. അവരുടെ വിശ്വാസ പുസ്തകം എന്ത് പറയുന്നു എന്ന് നോക്കാം.

3:50 എന്‍റെ മുമ്പിലുള്ള തൌറാത്തിനെ സത്യപ്പെടുത്തുന്നവനായിക്കൊണ്ടും നിങ്ങളുടെ മേല്‍ നിഷിദ്ധമാക്കപ്പെട്ട കാര്യങ്ങളില്‍ ചിലത്‌ നിങ്ങള്‍ക്ക്‌ അനുവദിച്ചു തരുവാന്‍ വേണ്ടിയുമാകുന്നു ( ഞാന്‍ നിയോഗിക്കപ്പെട്ടിട്ടുള്ളത്‌ )...

അപ്പോള്‍ ബൈബിളിന്റെ വെളിച്ചത്തില്‍ യേശു തന്റെ ശിഷ്യന്മാര്‍ക്ക് നിഷിദ്ധമായിരുന്ന പന്നി മാംസം അനുവദിച്ചു തന്നു എന്ന് കരുതിയാല്‍ മതി. ദയവു ചെയ്തു ഇനി ഈ ചോദ്യം ചോദിച്ചു ക്രിസ്ത്യാനികളുടെ ശല്യപ്പെടുത്തില്ല എന്ന് കരുതുന്നു.

ഇനി തരിച്ചു ചോദിക്കാം..
പിന്നെ പഴയം നിയമത്തില്‍ അതെ ഭാഗത്തില്‍ പറയുന്നത് ഒട്ടകവും അശുദ്ധ ഭക്ഷണമാണ് എന്നാണു. നബിയും അനുയായികളും ഒട്ടകത്തെ ബലിയര്‍പ്പിച്ചിരുന്നു, ഭക്ഷിച്ചിരുന്നു. എന്തെ ദൈവത്തിന്റെ നിയമം നബി തെറ്റിച്ചത് ? പഴയ നിയമത്തിലെ യഹോവ ഒട്ടകത്തെ പറ്റി പറഞ്ഞത് ഖുറാനിലെ അല്ലാഹു കണ്ടില്ലേ?

കൊഴുപ്പിച്ച കാളകുട്ടി

2011-11-23T08:20:00.001+05:30

ധൂര്‍ത്ത പുത്രന്റെ കഥ എല്ലാവരും കേട്ടിരിക്കും. ഞാനും വായിച്ചിട്ടുണ്ട്. അതില്‍ ശ്രദ്ധിക്കാത്ത ഒരു ഭാഗം.

പിതാവിന്റെ കൈയ്യില്‍ നിന്ന് ഭാഗം വാങ്ങി, രണ്ടാമത്തെ മകന്‍ വീട് വിട്ടു പോകുന്നു. അന്യ ദേശത്തു പോയി ധൂര്‍ത്തടിച്ചു കളയുന്നു. പണം കൈയ്യിലില്ലാതെ വിശന്നു വലയുന്നു.മനസ്താപം ഉണ്ടാകുന്നു. തിരിച്ചു ചെയ്യുന്നു. പിതാവ്‌ അവനെ സ്വീകരിക്കുന്നു .പിതാവിനോട് മാപപേക്ഷിക്കുന്നു. ഇത്രയുമാണ് ഉപമ.

ഇതില്‍ പരിഭാഷയുടെ പോരായ്മ കാരണം ഭംഗി നഷ്ടപ്പെട്ട ഒരു ഭാഗമുണ്ട്. പുത്രന്‍ തിരിച്ചു വരുന്നത് അകലെ നിന്നെ പിതാവ്‌ കാണുന്നു. ഓടി ചെന്ന് അവനെ സ്വീകരിക്കുന്നു. അവന്റെ വസ്ത്രങ്ങള്‍ മാറ്റി പുതിയത് കൊടുക്കുവാനും മോതിരം അണിയിക്കാനും കൊഴുത്ത കാളകുട്ടിയെ കൊന്നു ആഘോഷിക്കാനും ആ പിതാവ്‌ പറയുന്നു. ഇതില്‍ കൊഴുത്ത കാളകുട്ടി എന്നാണു മലയാള പരിഭാഷകളില്‍ കാണുന്നത്. അതായത് തനിക്കുള്ള കാളകളില്‍ ഏറ്റവും മുന്തിയ ഒരെണ്ണത്തെ എടുക്കുവാന്‍ എന്നാണു അതിന്റെ ഉദ്ദേശം. പക്ഷെ അതല്ല അതിന്റെ മൂല കൃതി പറയുന്നത്. കൊഴുപ്പിച്ച കാളകുട്ടിയെ കൊന്നു വിരുന്നോരുക്കന്നാണ്. എന്താണ് കൊഴുത്ത കാളകുട്ടിയും കൊഴുപ്പിച്ച കാളകുട്ടിയും തമ്മിലുള്ള വ്യത്യാസം?

ഒരു ഉദ്ദേശം വച്ചാണ് ഒരു കാളകുട്ടിയെ കൊഴുപ്പിക്കുക. ഉദാഹരണംഓണം വരുമ്പോള്‍ നേത്രപ്പഴം കൊഴുപ്പിച്ചെടുക്കും. (കച്ചവടക്കാര്‍ ). ക്ഷേത്രങ്ങളില്‍ കാണിക്ക സമര്‍പ്പിക്കുന്നതും കൊഴിപ്പിച്ച , മുന്തിയ നിലയില്‍ വളര്‍ത്തിയെടുത്ത വാഴ കുലകളായിരിക്കും. പണ്ടൊക്കെ വലിയ കൂട്ട് കുടുംബങ്ങളില്‍ ക്രിസ്തുമസ്സിനു അറക്കാം എന്ന് പറഞ്ഞു മാറ്റി വച്ച മാടുകളെ കാണാം. മുന്തിയ ഒരെണ്ണത്തിനു മാസങ്ങള്‍ക്ക് മുമ്പേ തിരഞ്ഞെടുത്തു ക്രിസ്തുമസ്സിനു അറക്കാന്നായി തീറ്റ കൊടുത്തു വളര്‍ത്തിയ മൃഗം. അതിനു തീറ്റ കൊടുക്കുമ്പോഴേ വീടുക്കാരനറിയാം അത്ആ വരുന്ന ക്രിസ്തു മസ് വരെയേ ഉള്ളൂ എന്ന്.

അങ്ങിനെ കൊഴുപ്പിച്ചെടുത്ത കാളകൂറ്റനെ അറക്കുവാനാണ് പിതാവ്‌ പറയുന്നത്. അതായത് മകന്‍ തിരിച്ചു വരും എന്ന് ഏറ്റവും പ്രതീക്ഷിച്ചിരുന്നത് ആ പിതാവായിരുന്നു. അവനെ നഷ്ടപ്പെട്ട അന്ന് മുതല്‍ ആ പിതാവ്‌ തിരഞ്ഞെടുത്തു ഒരുക്കി നിറുത്തിയ കാളകുട്ടിയെയാണ് , അവന്‍ തിരിച്ചു വന്നപ്പോള്‍ അറക്കാന്‍ പറയുന്നത്. അതാണ്‌ ആ സ്നേഹത്തിന്റെ ഔന്നത്യം വിളിച്ചു കാണിക്കുന്നത്. അതാണ്‌ കൊഴുത്ത കാളകുട്ടിയും കുഴുപ്പിച്ച കാളകുട്ടിയും തമ്മിലുള്ള വ്യത്യാസം !

ഈ ഉപമയില്‍ ആ പിതാവിനെ യേശു ഉപമിച്ചിരിക്കുന്നത്‌ സ്വര്‍ഗസ്ഥനായ തന്റെ പിതാവിനോടാണ്.മനുഷ്യ കുലത്തെ പ്രതിനിധാനം ചെയ്യുന്ന മക്കള്‍ . അവരുടെ തിരിച്ചു വരവിനായി കാത്തിരിക്കുന്ന ദൈവം. അങ്ങിനെ നോക്കുമ്പോള്‍ കൊഴുപ്പിച്ചെടുത്ത കാളകുട്ടിക്ക് സമമായിരുന്നില്ലേ യേശുവിന്റെ റോള്‍ എന്ന് കൂടി ചിന്തിക്കുന്നത് നല്ലതായിരിക്കും.

(പ്രചോദനം : Fr. Bobby Jose Kattikad )

കത്തോലിക്കര്‍ വിഗ്രഹാരാധകര്‍ ആണോ?

2011-11-18T11:24:00.000+05:30

വിഗ്രഹാരാധനയെ പറ്റി പറയുമ്പോള്‍ ആദ്യം വരുന്ന ബൈബിള്‍ വാക്യം നോക്കാം.

പുറപ്പാട് 20:3. ഞാനല്ലാതെ വേറെദേവൻമാർ നിനക്കുണ്ടാകരുത്. 4. മുകളിൽ ആകാശത്തിലോ താഴെ ഭൂമിയിലോ ഭൂമിക്കടിയിലോ ജലത്തിലോ ഉള്ള ഒന്നിന്റെയും പ്രതിമയോ സ്വരൂപമോ നീ നിർമിക്കരുത്;5. അവയ്ക്കു മുൻപിൽ പ്രണമിക്കുകയോ അവയെ ആരാധിക്കുകയോ ചെയ്യരുത്.

ദൈവം മോശയ്ക്ക് കൊടുത്ത പത്തു കല്പനകളില്‍ ഒന്നാണത്. എന്നാല്‍ ക്രൈസ്തവ പള്ളികളില്‍ (റോമന്‍ കത്തോലിക്കരുടെ പള്ളികളില്‍ പ്രത്യേകിച്ചും) ആദ്യം കാണുന്നത് ഒരു ക്രൂശിത രൂപമായിരിക്കും. പിന്നെ യേശുവിന്റെ ഉയിപ്പിന്റെ ഒരു രൂപം, അനുഗ്രഹിച്ചു കൊണ്ട് നില്‍ക്കുന്ന രൂപം , മാതാവിന്റെ രൂപം , വിശുദ്ധന്മാരുടെ രൂപം,... എന്നിങ്ങനെ പല രൂപങ്ങളും കാണും. അതിന്റെ തൊട്ടു മുത്തുന്നവര്‍ , കുമ്പിട്ടു ആരാധിക്കുന്നവര്‍ തുടങ്ങിയവരെയും കാണാം. എന്താണിങ്ങനെ ? ദൈവ കല്പനയുടെ നഗ്നമായ ലഘനമല്ലേ ഇത്?

ഇതിനെ പറ്റി പലര്‍ക്കും (ക്രിസ്ത്യാനികള്‍ക്കടക്കം) തെറ്റിധാരണയുണ്ട്.

ശ്രദ്ധിച്ചു നോക്കൂ. ക്രിസ്ത്യാനികള്‍ ഈ രൂപങ്ങളെയാണോ ആരാധിക്കുന്നത് / ആദരിക്കുന്നത്? രൂപങ്ങളെയാണ്‌ ആരാധിക്കുന്നത് എങ്കില്‍ ഈ ലോകത്ത് ഒരു ക്രിസ്തു രൂപമേ കാണുവാന്‍ പാടുകയുള്ളൂ. വേണമെങ്കില്‍ സെന്റ്‌ പീറ്റേഴ്സ് ബസിലക്കയില്‍ ഒരെണ്ണം സ്ഥാപിക്കാം. ആ രൂപത്തെ നോക്കി ആരാധിക്കുന്നവരെയും കാണും. എന്നാല്‍ ഇവിടെ പള്ളിയിലും കൈസ്തവ ഭവനങ്ങളിലും കുരിശു കാണാം. ഒരു കുരിശു രൂപത്തിന് മറ്റൊരു കുരിശു രൂപത്തേക്കാള്‍ പ്രത്യേകത ആരെങ്കിലും കൊടുക്കുന്നത് കണ്ടിട്ടുണ്ടോ? അപ്പോള്‍ അത് രൂപത്തിനെയല്ല ആരാധിക്കുന്നത് എന്ന് മനസിലാക്കാം.

പഴയ നിയമത്തില്‍ എന്താണ് പറഞ്ഞത്. ആശയമാറ്റം ഇല്ലാതെ അത് ഇങ്ങനെ സംഗ്രഹിക്കാം.
"ഞാനല്ലാതെ മറ്റൊരു ദൈവം നിനക്കുണ്ടാകരുത് ; മറ്റു വസ്തുക്കളെ നീ ആരാധിക്കരുത്"

രൂപം ഉണ്ടാക്കരുത് , അവയെ ആരാധിക്കരുത് എന്നും പറയുന്നുണ്ട്. അതായത് രൂപത്തെ വിഗ്രഹമായി കാണരുത് എന്ന്.എന്താണ് വിഗ്രഹം ? പഴയ നിയമത്തില്‍ അത് വ്യക്തമായി കാണാം.

പുറപ്പാട് 32:1. മോശ മലയിൽ നിന്നിറങ്ങിവരാൻ താമസിക്കുന്നുവെന്നു കണ്ടപ്പോൾ, ജനം അഹറോന്റെ ചുറ്റും കൂടി പറഞ്ഞു: ഞങ്ങളെ നയിക്കാൻ വേഗം ദേവൻമാരെ ഉണ്ടാക്കിത്തരുക. ഞങ്ങളെ ഈജിപ്തിൽനിന്നു കൊണ്ടുവന്ന മോശ എന്ന മനുഷ്യന് എന്തു സംഭവിച്ചുവെന്നു ഞങ്ങൾക്കറിവില്ല. 2. അഹറോൻ പറഞ്ഞു: നിങ്ങളുടെ ഭാര്യമാരുടെയും പുത്രൻമാരുടെയും പുത്രിമാരുടെയും കാതിലുള്ള സ്വർണവളയങ്ങൾ ഊരിയെടുത്ത് എന്റെ അടുത്തു കൊണ്ടുവരുവിൻ. 3. ജനം തങ്ങളുടെ കാതുകളിൽനിന്നു സ്വർണ വളയങ്ങളൂരി അഹറോന്റെ മുൻപിൽ കൊണ്ടുചെന്നു. 4. അവൻ അവ വാങ്ങി മൂശയിലുരുക്കി ഒരു കാളക്കുട്ടിയെ വാർത്തെടുത്തു. അപ്പോൾ അവർ വിളിച്ചുപറഞ്ഞു: ഇസ്രായേലേ, ഇതാ ഈജിപ്തിൽനിന്നു നിന്നെ കൊണ്ടുവന്ന ദേവൻമാർ. 5. അതു കണ്ടപ്പോൾ അഹറോൻ കാളക്കുട്ടിയുടെ മുൻപിൽ ഒരു ബലിപീഠം പണിതിട്ട് ഇപ്രകാരം പ്രഖ്യാപിച്ചു: നാളെ കർത്താവിന്റെ ഉത്സവദിനമായിരിക്കും. 6. അവർ പിറ്റേന്ന് അതിരാവിലെ ഉണർന്ന് ദഹനയാഗങ്ങളും അനുരഞ്ജനയാഗങ്ങളും അർപ്പിച്ചു; ജനം തീനും കുടിയും കഴിഞ്ഞ് വിനോദങ്ങളിലേർപ്പെട്ടു.

ഇതാണ് വിഗ്രഹം എന്ന് പറഞ്ഞാല്‍! ഒരു കാളകുട്ടിയെ ഉണ്ടാക്കി അതിനെ ആരാധിച്ചു. ഒറിജിനല്‍ വിഗ്രഹാരാധന . ദൈവമല്ലാതെ മറ്റൊരു വസ്തുവിനെ ദൈവമായി കണക്കാക്കി ആരാധിച്ചു. കാളകുട്ടിയുടെ രൂപം ഉണ്ടാക്കിയതിനല്ല ദൈവം കോപിച്ചത് അതിനെ തനിക്ക് പകരമായി കണ്ടു ആരാധിച്ചു. അതാണ്‌ തെറ്റ്.

ദൈവം തന്നെ രൂപങ്ങള്‍ ഉണ്ടാക്കുവാന്‍ മോശയോടും സോളമനോടും ആവശ്യപ്പെടുന്നതായി പഴയനിയമത്തില്‍ കാണുവാന്‍ കഴിയും.

സംഖ്യ 21:8. കർത്താവ് മോശയോട് അരുളിച്ചെയ്തു: ഒരു പിച്ചള സർപ്പത്തെ ഉണ്ടാക്കി വടിയിൽ ഉയർത്തി നിർത്തുക. ദംശനമേൽക്കുന്നവർ അതിനെ നോക്കിയാൽ മരിക്കുകയില്ല. 9. മോശ പിച്ചളകൊണ്ട് ഒരു സർപ്പത്തെ ഉണ്ടാക്കി അതിനെ വടിയിൽ ഉയർത്തി നിർത്തി; ദംശനമേറ്റവർ പിച്ചളസർപ്പത്തെ നോക്കി; അവർ ജീവിച്ചു.

ഇവിടെ ദൈവം പിച്ചള സര്‍പ്പത്തെ ഉണ്ടാക്കുവാന്‍ പറയുന്നുണ്ട് ; പക്ഷെ ആരാധിക്കുവാന്‍ പറയുന്നില്ല. നോക്കുവാന്‍ മാത്രമേ പറയുന്നുള്ളൂ. അതൊരു അടയാളമായി ദൈവം ഉയിര്‍ത്തി.

ഇതേ രൂപത്തെ തെന്നെ പിന്നീട് തകര്‍ക്കുന്നതായി കാണുന്നു. എപ്പോള്‍ അതിന്റെ മുമ്പില്‍ ആരാധന നടത്തിയപ്പോള്‍ !

2രാജാക്കന്‍മാര്‍ 18:4. അവൻ പൂജാഗിരികൾ നശിപ്പിക്കുകയും സ്തംഭങ്ങളും അഷേരാപ്രതിഷ്ഠകളും തകർക്കുകയും ചെയ്തു.മോശ ഉണ്ടാക്കിയ നെഹുഷ്താൻ എന്നു വിളിക്കപ്പെടുന്ന ഓട്ടു സർപ്പത്തിന്റെ മുൻപിൽ ഇസ്രായേൽ ധൂപാർച്ചന നടത്തിയതിനാൽ അവൻ അതു തകർത്തു. 5. ഇസ്രായേലിന്റെ ദൈവമായ കർത്താവിൽ അവൻ വിശ്വസിച്ചു...

കണ്ടോ? രൂപം ഉണ്ടാക്കിയാല്‍ അത് വിഗ്രഹമാകില്ല. അതിനെ, അതാണ്‌ ദൈവം എന്ന് കരുതി ആരാധിക്കുമ്പോള്‍ ആണ് അത് വിഗ്രഹമാകുന്നത്.

ഇത് മാത്രമോ? ജറൂസലം ദേവാലയത്തില്‍ രണ്ടു കെരുബുകളുടെ(മാലാഖമാരുടെ) രൂപം സോളമന്‍ സ്ഥാപിക്കുന്നുണ്ട്;

1രാജാക്കന്‍മാര്‍ 6:23 പത്തു മുഴം ഉയിരമുള്ള രണ്ടു കെരൂബുകളെ ഒലിവുതടി കൊണ്ട് നിര്‍മിച്ചു അവന്‍ ശ്രീകോവിലില്‍ സ്ഥാപിച്ചു.24കെരൂബിന്റെ ഇരു ചിറകുകള്‍ക്കും അഞ്ചു മുഴം നീളമുണ്ടായിരുന്നു...28അവന്‍ കെരൂബുകളെ സ്വര്‍ണ്ണം കൊണ്ട് പൊതിഞ്ഞു.... 38.പതിനൊന്നാം വര്ഷം എട്ടാം മാസം , അതായത്‌, ബൂല്‍മാസം ദേവാലയത്തിന്റെ എല്ലാ ഭാഗങ്ങളും യഥാവിധി പൂര്‍ത്തിയായി.

ഇനിടെ അരൂപികളായ മാലാഖമാരുടെ രൂപം ദേവാലയത്തില്‍ സ്ഥാപിക്കുന്നു. ആ രൂപം ഉള്ള ദേവാലയത്തില്‍ തന്നെയാണ് യേശു തിരുന്നാളിനും പോയിരുന്നത്. ഒരു പരാതിയും യേശു പറഞ്ഞതായി കാണുന്നില്ല. ദേവാലയം പുതിക്കി പണിതപ്പോള്‍ ഇനി ആ രൂപങ്ങള്‍ അവിടെ തന്നെ ഉണ്ടായിരുന്നോ എന്നറിയില്ല. എന്ന് വരികലും ആ രൂപം അവിടെ വച്ചത് കൊണ്ട് ദൈവം കോപിച്ചതായി കാണുന്നില്ല. അപ്പോള്‍ പറഞ്ഞു വരുന്ന ആശയം ഇത്രയേയുള്ളൂ. രൂപം ഉണ്ടാക്കുന്നത്‌ കൊണ്ട് മാത്രം എന്തെങ്കിലും കുഴപ്പം ഉള്ളതായി പഴയനിയമത്തില്‍ കാണുന്നില്ല. അതിനെ ദൈവമായി കണ്ടു ആരാധിച്ചാലാണ് അത് വിഗ്രഹാരാധനയാവുക.

യേശുവിനെ ദൈവമായി കാണുന്നവര്‍ യേശുവിന്റെ മുമ്പില്‍ മാത്രമേ ആരാധിക്കുന്നുള്ളൂ. രൂപം/പ്രതിമ യേശുവിനെ പ്രതിനിധാനം ചെയ്യുന്നു എന്ന് മാത്രം. വിശുദ്ധരുടെ പ്രതിമകള്‍ ഉണ്ട്; അവയെ ആരും ആരാധിക്കുന്നില്ല. അവരുടെ മഹനീയ മാതൃക സ്വന്തം ജീവിതത്തില്‍ പകര്‍ത്തുവാന്‍ മറ്റുള്ളവര്‍ക്ക് പ്രചോദനമാകുവാന്‍ ദേവാലയത്തില്‍ വയ്ക്കുന്നു. അവരുടെ ജിവിത മാതൃക ദേവാലയത്തിനു ഒരു അലങ്കാരമായി കാണുന്നു. അവരെ ആദരിക്കുന്നു. ഇനി പറയൂ, കത്തോലിക്കര്‍ വിഗ്രഹാരാധകര്‍ ആണോ? പഴയ നിയമത്തിനെ ഏതെങ്കിലും വിധത്തില്‍ ലഘിക്കുന്നുണ്ടോ? (പിച്ചള സര്‍പ്പം യഹൂദര്‍ക്ക് എങ്ങിനെ രക്ഷയുടെ അടയാളമായോ അതുപോലെ കുരിശു ക്രിസ്ത്യാനികളുടെ അടയാളമായി കരുതുന്നു.)

യോഹന്നാനിന്റെ ആറാം മണിക്കൂര്‍

2011-02-07T06:14:00.001+05:30

സുവിശേഷത്തില്‍ യോഹാന്നാന്‍ പലയിടത്തായി സമയം പറഞ്ഞിട്ടുണ്ട്. അതിനെ പറ്റിയുള്ള ഒരു വിശകലനം. എന്താണ് യോഹന്നാനിന്റെ സമയത്തിന് പ്രത്യേകത. സമാന്തര സുവിശേഷങ്ങളിലും സമയം പറയുന്നുണ്ടല്ലോ? അവര്‍ യഹൂദന്മാരുടെ സമയ ക്രമമാണ് ഉപയോഗിക്കുന്നത് എന്ന് എല്ലാവരും സമ്മതിക്കും . എന്നാല്‍ യോഹന്നാന്‍ റോമന്‍ സമയ ക്രമം ആണ് ഉപയോഗിക്കുന്നത് എന്ന് തെളിയിക്കുവാന്‍ ആണ് ഈ ബ്ലോഗ്‌. അത് ദുര്‍വ്യാഖ്യാനം ആണോ അല്ലയോ എന്ന് വ്യക്തമാക്കുവാന്‍ .

ഒന്ന്) 19:14. അന്നു പെസഹായുടെ ഒരുക്കത്തിനുള്ള ദിവസമായിരുന്നു. അപ്പോൾ ഏകദേശം ആറാം മണിക്കൂറുമായിരുന്നു. അവൻ യഹൂദരോടു പറഞ്ഞു: <(പീലാത്തോസിന്റെ വിധി വാചകം)>
ഈ സമയം 6AM ആണോ 12NOON ആണോ എന്നതാണ് നമുക്ക്‌ പരിശോധിക്കേണ്ടത് . ഈ വചനത്തിന് മുമ്പ്‌ നടന്ന ഒരു വചനം കൂടി നോക്കാം. അപ്പോള്‍ കൂടുതല്‍ വ്യക്തത വരും.

യോഹന്നാന്‍ 18:28 യേശുവിനെ അവര്‍ കയ്യാഫാസിന്റെ അടുത്തുനിന്ന് പ്രത്തോറിയത്തിലേക്കു കൊണ്ടുപോയി. അപ്പോള്‍ പുലര്‍ച്ചയായിരുന്നു. അശുദ്ധരാകാതെ പെസഹാ ഭക്ഷിക്കേണ്ടതിനാല്‍ അവര്‍ പ്രത്തോറിയത്തില്‍ പ്രവേശിച്ചില്ല.29 അതിനാല്‍ പീലാത്തോസ് പുറത്ത് അവരുടെ അടുക്കല്‍ വന്നു ചോദിച്ചു

പിലാത്തോസിന്റെ വിചാരണയ്ക്ക് പ്രത്തോരിയത്തില്‍ വരുന്നതു പുലര്‍ച്ചയോടെയാണ്. ഏകദേശം 5AM എന്ന് കരുതുന്നതില്‍ തെറ്റില്ല. യേശുവിന്റെ വിചാരണ രണ്ടു മണിക്കൂറിലും കുറവേ എടുക്കൂ. കൂടി പോയാല്‍ മൂന്ന്‍ മണിക്കൂര്‍ . ആ സമയം എങ്ങിനെ വലിച്ചു നീട്ടിയാലും ഉച്ചയാകില്ല.

കൂടുതല്‍ വചനങ്ങള്‍ പരിശോധിക്കുന്നത് നല്ലതാണ്.
-------------------------------------------

രണ്ട്)
John 4:3. അവൻ യൂദയാ വിട്ട് വീണ്ടും ഗലീലിയിലേക്കു പുറപ്പെട്ടു. 4. അവനു സമരിയായിലൂടെ കടന്നുപോകേണ്ടിയിരുന്നു. 5. സമരിയായിലെ സിക്കാർ എന്ന പട്ടണത്തിൽ അവൻ എത്തി. യാക്കോബ് തന്റെ മകൻ ജോസഫിനു നൽകിയ വയലിനടുത്താണ് ഈ പട്ടണം. 6. യാക്കോബിന്റെ കിണർ അവിടെയാണ്. യാത്രചെയ്തു ക്ഷീണിച്ച യേശു ആ കിണറിന്റെ കരയിൽ ഇരുന്നു. അപ്പോൾ ഏകദേശം ആറാം മണിക്കൂറായിരുന്നു. 7. ആ സമയം ഒരു സമരിയാക്കാരി അവിടെ വെളളം കോരാൻ വന്നു. യേശു അവളോട് എനിക്കു കുടിക്കാൻ തരുക എന്നു പറഞ്ഞു.
രണ്ട് സ്ഥലത്തും ഏകദേശം ആറാം മണിക്കൂറായിരുന്നു എന്നേ പറയുന്നുള്ളൂ. (ഇത് രാവിലെ 6AM-8AM വരെ എപ്പോള്‍ വേണമെങ്കിലും ആകാം.) ഗ്രാമത്തില്‍ ഉള്ള സ്ത്രീകള്‍ സാധാരണ പുലര്‍ച്ച തന്നെ വെള്ളം കോരുവാന്‍ വരും. തികച്ചും ബഹളമായിരിക്കും അവിടെ. പക്ഷെ യേശു അവിടെ വന്നപ്പോള്‍ ഒരു സ്ത്രീയെ മാത്രമേ കണ്ടുള്ളൂ. അതിന്റെ അര്‍ത്ഥം ആ സമയം ഉച്ചയാണ് എന്നാണോ? അങ്ങിനെ കരുതുന്നതില്‍ തെറ്റില്ല. പക്ഷെ, ചില കാര്യങ്ങളിലേക്ക് കൂടി സൂക്ഷ്മമായി ഇറങ്ങി ചെല്ലാം. എന്തുകൊണ്ടാണ് ആ സ്ത്രീ മറ്റുള്ളവരുടെ ഒപ്പം വെള്ളം കൊരുവാന്‍ വരാഞ്ഞത്?

John 4:16. അവൻ പറഞ്ഞു: നീ ചെന്ന് നിന്റെ ഭർത്താവിനെ കൂട്ടിക്കൊണ്ടു വരുക. 17. എനിക്കു ഭർത്താവില്ല എന്ന് ആ സ്ത്രീ മറുപടി പറഞ്ഞു. യേശു അവളോടു പറഞ്ഞു: എനിക്കു ഭർത്താവില്ല എന്നു നീ പറഞ്ഞതു ശരിയാണ്. 18. നിനക്ക് അഞ്ചു ഭർത്താക്കൻമാരുണ്ടായിരുന്നു. ഇപ്പോഴുള്ളവൻ നിന്റെ ഭർത്താവല്ല. നീ പറഞ്ഞതു സത്യമാണ്. 19. അവൾ പറഞ്ഞു: പ്രഭോ, അങ്ങ് ഒരു പ്രവാചകനാണെന്നു ഞാൻ മനസ്സിലാക്കുന്നു.

അവള്‍ ചില്ലറക്കാരി അല്ലായിരുന്നു. ഇപ്പോഴുള്ളവന്‍ അവളുടെ ഭര്‍ത്താവും അല്ല. കിണറ്റില്‍ കരയിലെ സംസാര വിഷയം ആകരുത് എന്ന് കരുതിയാണ് അവള്‍ നേരം വൈകി വന്നത്. അപ്പോള്‍ പിന്നെയും ചോദ്യം. എന്ത് കൊണ്ട് നേരം വൈകി ഉച്ചയ്ക്ക് വന്നു കൂടാ? ചോദ്യം ന്യായം. പക്ഷെ കാലത്തെയും ഉച്ചയിലെയും ഭക്ഷണം തലേ ദിവസം ഉണ്ടാക്കി വക്കേണ്ടി വരും എന്ന് മാത്രം. എന്നാലും രാവിലെ എന്ന് പറയുന്നത് അപ്പോഴും പ്രശ്നം തന്നെ. കാരണം യേശു രാവിലെ തന്നെ കിണറ്റില്‍ കരയിലെത്തി ദാഹിക്കേണ്ട കാര്യം ഉണ്ടോ? മാത്രമല്ല യേശു യാത്ര ചെയ്ത് ക്ഷീണിതനായാണ് അവിടെ എത്തിയത്. അപ്പോള്‍ അത് ഉച്ചയാണോ? തീര്‍ത്തും ന്യായമായ ചോദ്യം തന്നെ. പക്ഷെ, John 4:3 വായിച്ചാല്‍ കാണാം യേശു ഒരു ദീര്‍ഘ യാത്രയുടെ മദ്ധ്യേ ആണ് അവിടെ എത്തുന്നത്‌. ദീര്‍ഘയാത്രകള്‍ പുലര്‍ച്ച തുടങ്ങിയാലാണ് രാത്രിയാകുമ്പോഴേക്കും ഉദ്ദേശിച്ച സ്ഥലത്ത് എത്തുവാന്‍ പറ്റുകയുള്ളൂ. മാത്രവുമല്ല, കഴിയുന്നതും വെയിലിനെ ഒഴിവാക്കുവാന്‍ പുലര്‍ച്ച യാത്ര തിരിക്കുന്നതാണ് നല്ലത്. സുവിശേഷം വായിച്ചാല്‍ രാത്രി വരെ യേശുവും ശിഷ്യന്മാരും സഞ്ചരിച്ചിരുന്നു എന്ന് കാണാം. പിന്നെയാണ് പുലര്‍ച്ച.

Luke 24:13 ആദിവസം തന്നെ അവരിൽ രണ്ടുപേർ ജറുസലെമിൽനിന്ന് ഏകദേശം അറുപതു സ്താദിയോൺ അകലെയുള്ള എമ്മാവൂസ് ഗ്രാമത്തിലേക്കു പോവുകയായിരുന്നു. 14. ഈ സംഭവങ്ങളെക്കുറിച്ചെല്ലാം അവർ സംസാരിച്ചുകൊണ്ടിരുന്നു. ... (യേശു അവരോടൊപ്പം ചേര്‍ന്നു, അവര്‍ യേശുവിനെ തിരിച്ചറിഞ്ഞില്ല).. ... 28. അവർ എത്തേണ്ടിയിരുന്ന ഗ്രാമത്തോടടുത്തു. അവനാകട്ടെ (രാത്രിയില്‍ ) യാത്ര തുടരുകയാണെന്നു ഭാവിച്ചു. 29. അവർ അവനെ നിർബന്ധിച്ചുകൊണ്ടു പറഞ്ഞു: ഞങ്ങളോടുകൂടെ താമസിക്കുക. നേരം വൈകുന്നു; പകൽ അസ്തമിക്കാറായി. അവൻ അവരോടുകൂടെ താമസിക്കുവാൻ കയറി. 30. അവരോടൊപ്പം ഭക്ഷണത്തിനിരുന്നപ്പോൾ, അവൻ അപ്പം എടുത്ത് ആശീർവ്വദിച്ച് മുറിച്ച് അവർക്കുകൊടുത്തു. 31. അപ്പോൾ അവരുടെ കണ്ണു തുറക്കപ്പെട്ടു. അവർ അവനെ തിരിച്ചറിഞ്ഞു. പക്ഷേ, അവൻ അവരുടെ മുമ്പിൽനിന്ന് അപ്രത്യക്ഷനായി. 32. അവർ പരസ്പരം പറഞ്ഞു: വഴിയിൽവച്ച് അവൻ വിശുദ്ധലിഖിതം വിശദീകരിച്ചുകൊണ്ട് നമ്മോടു സംസാരിച്ചപ്പോൾ നമ്മുടെ ഹൃദയം ജ്വലിച്ചിരുന്നില്ലേ? 33. അവർ അപ്പോൾത്തന്നെ എഴുന്നേറ്റ് ജറുസലെമിലേക്കു തിരിച്ചുപോയി;

(ബ്രാക്കറ്റില്‍ കൊടുത്തിരിക്കുന്നത്‌ എന്റെ വിശദീകരണമാണ്). രാത്രി അത്താഴം കഴിഞ്ഞിട്ടാണ് ശിഷ്യന്മാര്‍ തിരിച്ചു പോകുന്നത്. രാത്രി സഞ്ചാരം അസംഭവ്യം അല്ല എന്ന് ചുരുക്കം. അതിന്റെ തൊട്ടു മുമ്പ്‌ പറയുന്നത് , യേശു രാത്രിയിലും സഞ്ചാരം തുടരുന്നതായി ഭാവിച്ചു എന്നാണ്. അപ്പോള്‍ പറഞ്ഞു വന്നത് ഇത്രയേ ഉള്ളൂ. യോഹന്നാന്‍ "ആറാം മണിക്കൂര്‍ " എന്ന് പറഞ്ഞാല്‍ അത് റോമന്‍ സമയ പ്രകാരം രാവിലെ 6 AM ആണെന്ന് മനസിലാക്കുവാന്‍ ബുദ്ധിമുട്ടില്ല എന്നാണ്. മറ്റൊരു സംഭവം ഇതാ.

-------------------------------------------

മൂന്ന്‍ ) (John 1:35-39 NIV) The next day John was there again with two of his disciples. {36} When he saw Jesus passing by, he said, "Look, the Lamb of God!" {37} When the two disciples heard him say this, they followed Jesus. {38} Turning around, Jesus saw them following and asked, "What do you want?" They said, "Rabbi" (which means Teacher), "where are you staying?" {39} "Come," he replied, "and you will see." So they went and saw where he was staying, and spent that day with him. It was about the tenth hour.

ഇതാ മറ്റൊരു സമയം പറയുന്നു. tenth hour! ഈ പറയുന്ന സമയം 10AM ആണോ 4PM ആണോ? രണ്ടു സമയവും ആകാം തെറ്റില്ല. എങ്കിലും സ്നാപകനെ വിട്ടു യേശുവിന്റെ ശിഷ്യരാകുന്നവരുടെ ഉദ്ദേശം യേശുവിന്റെ ഒപ്പം ഒരു ദിവസം ചിലവഴിച്ചു ഗുരുവില്‍ നിന്ന് പലതും പഠിക്കാന്‍ ആണ്. ഈ സംഭവം തുടങ്ങുന്നത് ഒരു പുതിയ പകലാണ് എന്നതും കൂടി കണക്കിലെടുത്താല്‍ ഈ സംഭവം നടന്നത് 10AM നു ആകുവാനാണ് കൂടുതല്‍ സാധ്യത എന്ന് മാത്രം.

-------------------------------------------

എന്തുകൊണ്ടാണ് ഇസ്രായേല്‍ വംശജനായ യോഹന്നാന്‍ റോമന്‍ സമയം ഉപയോഗിച്ചു എന്നതാണ് മറ്റൊരു ചോദ്യം. അദ്ദേഹം സുവിശേഷം എഴുതിയത് ഏഷ്യ മൈനറില്‍ ഉള്ള എഫേസൂസില്‍ വച്ചാണ്. അവര്‍ ഉപയോഗിക്കുന്ന സമയക്രമം തന്നെ യോഹന്നാനും ഉപയോഗിച്ചിരിക്കാം എന്നാണ് ഇതിലെ സൂചന.

സംഗ്രഹം...

യോഹന്നാന്‍ ഉപയോഗിച്ച സമയക്രമം ഇപ്പോഴുള്ളത് പോലെയാണ് എന്ന് മനസിലാക്കുവാന്‍ ദുര്‍വ്യാഖ്യാനം നടത്തേണ്ട ആവശ്യം ഒന്നും ഇല്ല എന്ന് വ്യക്തമാക്കുകയാണ് ഇതിന്റെ ഉദ്ദേശം. മൂന്നു സ്ഥലത്താണ് യോഹന്നാന്‍ സമയം പറയുന്നത്. മൂന്നും റോമന്‍ സമയം ആകുവാനാണ് കൂടുതല്‍ സാധ്യത. പ്രത്യേകിച്ചും ആദ്യത്തേത്. ഒരു തരത്തില്‍ പോയാലും ആറു മണി എന്ന് പറഞ്ഞാല്‍ ഉച്ച എന്ന സാധ്യത അതില്‍ കാണുന്നതേയില്ല, എന്ന് ചുരുക്കം.

ബൈബിള്‍ വൈരുദ്ധ്യങ്ങള്‍ - കുരിശു മരണം വ്യാഴാഴ്ച്ചയോ ?

2011-02-04T10:52:00.003+05:30

ചോദ്യം പൂര്‍ണ്ണമായും ഇവിടെ കാണുക.(എനിക്കത് പൂര്‍ണ്ണമായി മനസില്ലായി എന്ന് തോന്നുന്നില്ല. കാരണം ഞാന്‍ ഉദ്ദേശിച്ചതല്ല അവിടെ വിളംബിയിരിക്കുന്നതു എന്നാണ് ചോദ്യ കര്‍ത്താവ്‌ തന്നെ പറയുന്നത്. അതുകൊണ്ട് പൊതുവേ എനിക്ക് മനസിലായ കാര്യങ്ങള്‍ പറയുന്നു.)
---
മാര്‍ക്കോസ് പറയുന്നു വ്യാഴം പെസഹാ കഴിച്ചതിനു ശേഷം പിറ്റേ ദിവസമാണ് കുരിശു മരണം നടന്നത് എന്ന്. യോഹാന്നാന്‍ പറയുന്നു, പെസഹാ വ്യാഴമാണ് കുരിശു മരണം നടന്നത് എന്ന്. രണ്ടും ശരിയാകുമോ?
---
ആദ്യം തന്നെ എന്താണ് പെസഹാ എന്നറിയണം, യഹൂദരുടെ രീതികള്‍ അറിയണം.

ഇന്നത്തേതില്‍ നിന്ന് വ്യത്യസ്തമായി യഹൂദരുടെ ദിവസം തുടുങ്ങുന്നത് ആറു മണിക്കൂര്‍ മുമ്പാണ്. 6PM to 6PM. അതാണ്‌ ഒരു ദിവസം. (പൂര്‍ണ്ണമായ രാത്രി , പൂര്‍ണ്ണമായ പകല്‍ ) ഏഴു ദിവസം നീളുന്ന ഒരു തിരുന്നാലാണ് പെസഹ. അത് എങ്ങിനെ ഭക്ഷിക്കണം എന്ന് നിയമാവര്‍ത്തനം 16 ല്‍ വിവരിക്കുന്നുണ്ട്. ആദ്യ ദിവസത്തിലെ സായാഹ്നമാണ് അതില്‍ പ്രധാനം. അന്ന് ഭക്ഷിക്കേണ്ട വിധം വരെ ഈ അധ്യായത്തില്‍ ഉണ്ട്. പ്രത്യേക രീതിയുണ്ട് അതിന് . പിറ്റേ ദിവസം പുലര്‍ച്ച വരെയാണ് അതിന്റെ സമയം. അടുത്ത ആറു ദിവസങ്ങളും പെസഹാതിരുന്നാളുകള്‍ തന്നെയാണ്.

എങ്ങിനെ ഭക്ഷിക്കണം?

നിസാന്‍ 14 തുടങ്ങുന്ന രാത്രിയാണ് ഒന്നാം ദിവസം ആരംഭിക്കുന്നത്. പുളിപ്പിലാത്ത അപ്പത്തിന്റെ പെരുന്നാള്‍ ആരംഭിക്കുന്നു. നിസാന്‍ 14 അവസാനിക്കുന്ന പകല്‍ ആണ് ആടിനെ അറക്കുന്നത്.അതായത് നിസാന്‍ 13 സായാഹ്നതിനും നിസാന്‍ 14 സായാഹനതിനും ഇടയ്ക്കുള്ള സമയം. ദേവാലയത്തില്‍ അത് നടത്തുന്നത് ഉദ്ദേശം 3PM നും 5PM നും ഇടയില്‍ . നിസാന്‍ 15 (തുടങ്ങുന്ന രാത്രിയാണ് പെസഹ ഭക്ഷണം കഴിക്കുന്നത്‌) The Passover Meal. നിസാന്‍ 14 മുതല്‍ 20 വരെയാണ് പെസഹാ തിരുന്നാള്‍ . പൊതുവേ പെസഹ എന്ന് പറയും.

ഇതില്‍ പുരോഹിതര്‍ പാലിക്കേണ്ട ശുദ്ധിയെ പറ്റി 2 ദിനവൃത്താന്തം 30 ല്‍ പറയുന്നുണ്ട്. വിധി പ്രകാരം ശുദ്ധിയുള്ള പുരോഹിതര്‍ ഇല്ലാത്തത് മൂലം പെസഹ ആചരണം മാറ്റി വയ്ക്കുന്നതിനെ പറ്റിയാണ് അവിടെ പറയുന്നത്. ആ സായാഹ്നം മുതല്‍ പുലര്‍ച്ച വരെ പുരോഹിതര്‍ക്ക് പിടുത്തത് പണിയുണ്ട്. ബലിയര്‍പ്പണം തന്നെ. അശുദ്ധനായിരിക്കെ ( ഉദാഹരണം ശവത്തെ തോടുക, സമീപിക്കുക,..) ബലിയര്‍പ്പിക്കാന്‍ പാടില്ല എന്നത് ലെവ്യാര്‍ 7 ലും ഉണ്ട്.

ഇത്രയും പഴയ നിയമത്തില്‍ നിന്നുള്ള പശ്ചാത്തലം. ഇനി പുതിയ നിയമത്തില്‍ എവിടെയൊക്കെ പെസഹയെ പറ്റി പറയുന്നുണ്ട്?

ലൂക്കയും പറയുന്നുണ്ട് പെസഹായെ പറ്റി, മറ്റൊരു സന്ദര്‍ഭത്തില്‍
ലൂക്ക 2:41. യേശുവിന്റെ മാതാപിതാക്കൻമാർ ആണ്ടുതോറും പെസഹാത്തിരുനാളിന് ജറുസലെമിൽ പോയിരുന്നു. 42. അവനു പന്ത്രണ്ടു വയസ്സായപ്പോൾ പതിവനുസരിച്ച് അവർ തിരുനാളിനു പോയി. 43. തിരുനാൾ കഴിഞ്ഞ് അവർ മടങ്ങിപ്പോന്നു.
തിരുന്നാള്‍ കഴിഞ്ഞു എന്നതിനു ഗ്രീക്ക്‌ ബൈബിള്‍ പ്രകാരം when the days ended എന്നാണ്. തിരുന്നാളിന്റെ ദിനങ്ങള്‍ കഴിഞ്ഞപ്പോള്‍ എന്നാണ് അര്‍ത്ഥം. ദിവസങ്ങള്‍ നീളുന്ന തിരുന്നാളിനെ പറ്റി ലൂക്കായും പരാമര്‍ശിച്ചിട്ടുണ്ട് എന്നര്‍ത്ഥം.

ഇത്രയും പുതിയ നിയമത്തില്‍ നിന്നുള്ള പശ്ചാത്തലം.

ഇനി വിഷയത്തിലേക്ക് വരാം. മാര്‍ക്കോസിന്റെ സുവിശേഷം വായിക്കുക.

മാര്‍കോസ് 14: 12 പെസഹാബലി അര്‍പ്പിക്കുന്ന പുളിപ്പില്ലാത്ത അപ്പത്തിന്റെ ഒന്നാം ദിവസം , ശിഷ്യന്‍മാര്‍ യേശുവിനോടു ചോദിച്ചു: നിനക്കു ഞങ്ങള്‍ എവിടെ പെസഹാ ഒരുക്കണമെന്നാണ് നീ ആഗ്രഹിക്കുന്നത്?...... 15 സജ്ജീകൃതമായ ഒരു വലിയ മാളികമുറി അവര്‍ കാണിച്ചുതരും. അവിടെ നമുക്കുവേണ്ടി ഒരുക്കുക.

പെസഹ ആചരിക്കുന്നതിന്റെ ഒന്നാം ദിവസം , പെസഹയുടെ ആരംഭം. അന്നാണ് യേശുവിന്റെ അന്ത്യ അത്താഴം. ഭക്ഷണത്തിന് ശേഷം രാത്രി യേശുവിനെ പിടിക്കുന്നു. പിറ്റേ ദിവസം കുരിശില്‍ തറയ്ക്കുന്നു.

മര്‍ക്കോസ് 15 എന്ത് പറയുന്നു. ?
1. അതിരാവിലെതന്നെ, പുരോഹിതപ്രമുഖൻമാർ ജനപ്രമാണികളോടും നിയമജ്ഞരോടുംന്യായാധിപസംഘം മുഴുവനോടും ചേർന്ന് ആലോചന നടത്തി. അവർ യേശുവിനെ ബന്ധിച്ചു കൊണ്ടുപോയി പീലാത്തോസിനെ ഏൽപിച്ചു.

അതായത് പെസഹായുടെ പിറ്റേ ദിവസം യേശുവിനെ കുരിശില്‍ തറയ്ക്കുന്നു, എന്നാണു ചോദ്യത്തില്‍ കാണുന്നത്. പ്രോബ്ലം എന്ന് പറയുന്ന യോഹന്നാനിന്റെ സുവിശേഷം വായിക്കാം.

അന്ത്യ അത്താഴം കഴിഞ്ഞതിനു ശേഷം യേശുവിനെ പിടിച്ചു കെട്ടി. അതിനു ശേഷം...
യോഹന്നാന്‍ 18:28 യേശുവിനെ അവര്‍ കയ്യാഫാസിന്റെ അടുത്തുനിന്ന് പ്രത്തോറിയത്തിലേക്കു കൊണ്ടുപോയി. അപ്പോള്‍ പുലര്‍ച്ചയായിരുന്നു. അശുദ്ധരാകാതെ പെസഹാ ഭക്ഷിക്കേണ്ടതിനാല്‍ അവര്‍ പ്രത്തോറിയത്തില്‍ പ്രവേശിച്ചില്ല.29 അതിനാല്‍ പീലാത്തോസ് പുറത്ത് അവരുടെ അടുക്കല്‍ വന്നു ചോദിച്ചു:

രണ്ടു പേരും പുലര്‍ച്ച പീലോത്തോസിന്റെ അടുത്ത് യേശുവിനെ എത്തിച്ച കാര്യം പറയുന്നുണ്ട്. പക്ഷെ പുലര്‍ച്ചയായിട്ടും പുരോഹിതര്‍ പെസഹ കഴിച്ചിട്ടില്ലേ? അവര്‍ കഴിക്കാന്‍ മറന്നു പോയതാണോ, അതോ യേശുവിന്റെ പണി തീര്‍ത്തിട്ട് കഴിക്കാം എന്ന് കരുതിയിട്ടാണോ? ടോട്ടല്‍ കണ്‍ഫ്യൂഷന്‍ !

യോഹന്നനിന്റെ സുവിശേഷം വായിച്ചാല്‍ കാണാം.
John 19:14 Now it was the day of preparation for the Passover; it was about the sixth hour. And he said to the Jews, ‘Behold, your king!’"[NASB]

അത് മാത്രമല്ല. യോഹന്നാനിന്റെ ഗ്രീക്ക്‌ സുവിശേഷം വായിച്ചാല്‍ വെള്ളിയാഴ്ച എന്ന് തന്നെ അതില്‍ പറയുന്നുണ്ട്. paraskeue എന്ന് പറഞ്ഞാല്‍ ഒരുക്കത്തിന്റെ ദിവസം എന്നര്‍ത്ഥം. അതായത് ഗ്രീക്കില്‍ വെള്ളിയാഴ്ച എന്നര്‍ത്ഥം. ഈ വാചകത്തിന്റെ വിവിധ പരിഭാഷകള്‍ ഇവിടെ കിട്ടും . അതായത് അതിന്റെ അര്‍ഥം രണ്ടെണ്ണം ഉണ്ട്. ഒന്ന്) പെസഹാ തിരുന്നാളിന് (The Passover Meal) മുമ്പുള്ള ഒരുക്കം. രണ്ടു) പെസഹാ തിരുന്നാളില്‍ വന്ന ഒരുക്ക ദിനം. അതായത് ആ സാബതിനു മുമ്പുള്ള ഒരുക്ക ദിനം. രണ്ടും ഒരേ സമയം ശരിയാകുമോ? ശരിയാകും, ഈ രണ്ടു ദിവസവും ഒരേ ദിവസം വന്നാല്‍ . ആ സാബത്ത് വലിയ സാബത്ത് ആയിരുന്നു എന്ന് യോഹന്നാന്‍ തന്നെ പറയുന്നുണ്ട്. (John 19:31). അതായത് യോഹന്നാന്‍ പറയുന്നത് പ്രകാരം യേശു മരിച്ചത് നിസാന്‍ 15 നു മുമ്പ്‌ . വെള്ളിയാഴ്ച രാത്രി 6 മുതല്‍ ശനിയാഴ്ച രാത്രി 6 വരെ യാണ് സാബത്ത് . അതുകൊണ്ടാണ് അതിനുമുമ്പ്‌ യേശുവിനെ അടക്കാന്‍ അവര്‍ തിടുക്കം കൂട്ടിയത്.

John 19:41. അവൻ ക്രൂശിക്കപ്പെട്ട സ്ഥലത്ത് ഒരു തോട്ടം ഉണ്ടായിരുന്നു. ആ തോട്ടത്തിൽ അതുവരെ ആരെയും സംസ്കരിച്ചിട്ടില്ലാത്ത ഒരു പുതിയ കല്ലറയും ഉണ്ടായിരുന്നു.42. യഹൂദരുടെ ഒരുക്കത്തിന്റെ ദിനമായിരുന്നതിനാലും കല്ലറ സമീപത്തായിരുന്നതിനാലും അവർ യേശുവിനെ അവിടെ സംസ്കരിച്ചു.

പക്ഷെ രണ്ടര്‍ത്ഥമേടുത്താലും അതൊന്നും നമ്മുടെ പ്രശ്നത്തിന് പരിഹാരം ആയില്ലല്ലോ? പ്രശ്നം യേശു പെസഹ കഴിച്ചുവോ എന്നാണ്. The Passover Meal !! ഇല്ല. എന്നുത്തരം. കാരണം ക്രിസ്തുവാണല്ലോ ആ വര്‍ഷത്തെ ബലിക്കുള്ള കുഞ്ഞാട്. !!! യോഹന്നാന്‍ പറയുന്നു..

JOHN 13:1 Now before the Feast of the Passover, Jesus knowing that his hour had come that he should depart out of this world to the Father, having loved his own who were in the world, he loved them to the end. 2 And during supper,...
പെസഹാ ഭക്ഷണത്തിന്റെ മുമ്പ് അവര്‍ അത്താഴം കഴിക്കാന്‍ ഇരുന്നു.

JOHN 13:29 For some thought, because Judas had the money box, that Jesus had said to him, "Buy those things we need for the Feast," or that he should give something to the poor.
എല്ലാം ഒരുക്കി ഊണുകഴിക്കുന്നത്തിന്റെ ഇടയില്‍ ഫീസ്റ്റിനുള്ള സാധനങ്ങള്‍ വാങ്ങിക്കുവാന്‍ പോവുകയോ? അതും വലിയ സാബത്തിന്റെ അന്ന്.

അപ്പോള്‍ പിന്നെ മാര്‍ക്കോസ് പറഞ്ഞത് തെറ്റി എന്നായോ? കാരണം പെസഹയ്ക്കുള്ള ഒരുക്കങ്ങള്‍ തകൃതിയായി അവര്‍ നടത്തുന്നത് മാര്‍ക്കോസ് വിവരിക്കുന്നുണ്ട്.. യേശു പറയുന്നു, ശിഷ്യന്മാര്‍ സാധനങ്ങള്‍ വാങ്ങിക്കുന്നു, എല്ലാവരും കൂടി തിന്നുന്നു , മാസ്ററുടെ വക ഗംഭീരമായ സന്ദേശം, ശരിക്കും The Passover Meal നടന്ന പ്രതീതി. പക്ഷെ അത് The Passover Meal അല്ല. കാരണം ?

നിസാന്‍ 15 നു നടക്കേണ്ട പെസഹാഭക്ഷണത്തിന് അതിനു മുമ്പേ ഒരുക്കള്‍ തുടങ്ങും അതുകൊണ്ടാണ് ശിഷ്യന്മാര്‍ തലേ ദിവസം പകല്‍ (നിസാന്‍ 13) ചോദിച്ചത്? പെസഹാ എവിടെ ഒരുക്കും?

MARK 14:12 12. പെസഹാബലി അർപ്പിക്കുന്ന പുളിപ്പില്ലാത്ത അപ്പത്തിന്റെ ഒന്നാം ദിവസം, ശിഷ്യൻമാർ യേശുവിനോടു ചോദിച്ചു: നിനക്കു ഞങ്ങൾ എവിടെ പെസഹാ ഒരുക്കണമെന്നാണ് നീ ആഗ്രഹിക്കുന്നത്? 13. അവൻ രണ്ടു ശിഷ്യൻമാരെ അയച്ചുകൊണ്ടു പറഞ്ഞു: നിങ്ങൾ നഗരത്തിലേക്കുചെല്ലുക. ഒരുകുടം വെള്ളം ചുമന്നുകൊണ്ട് ഒരുവൻ നിങ്ങൾക്കെതിരേ വരും. അവനെ അനുഗമിക്കുക. 14. അവൻ എവിടെ ചെന്നു കയറുന്നുവോ അവിടത്തെ ഗൃഹ നാഥനോടു പറയുക: ഗുരു ചോദിക്കുന്നു, ഞാൻ എന്റെ ശിഷ്യൻമാരുമൊത്തു പെ സഹാ ഭക്ഷിക്കുന്നതിന് എന്റെ വിരുന്നുശാല എവിടെയാണ്? 15. സജ്ജീകൃതമായ ഒരു വലിയ മാളികമുറി അവർ കാണിച്ചുതരും. അവിടെ നമുക്കുവേണ്ടി ഒരുക്കുക. 16. ശിഷ്യൻമാർ പുറപ്പെട്ട് നഗരത്തിലെത്തി, അവൻ പറഞ്ഞിരുന്നതുപോലെ കണ്ടു. 17. അവർ പെസഹാ ഒരുക്കി. സന്ധ്യയായപ്പോൾ അവൻ പന്ത്രണ്ടുപേരുമൊരുമിച്ചു വന്നു.

ഇവിടെയും മാര്‍ക്കോസ് പറയുന്നത് പെസഹ ഒരുക്കി എന്ന് തന്നെയാണല്ലോ? ദിവസങ്ങള്‍ നീളുന്ന തിരുന്നാളിന് പെസഹ എന്ന് തന്നെയാണ് പൊതുവേ പറയുക. നിസാന്‍ 14 രാത്രി അവര്‍ പുളിപ്പിലാത്ത അപ്പം കൂട്ടി ഭക്ഷണം കഴിച്ചു. മാര്‍ക്കോസിന്റെ അതെ ശൈലിയില്‍ സുവിശേഷം എഴുതിയിട്ടുള്ള ലൂക്കയുടെ സുവിശേഷം നോക്കിയാല്‍ കൂടുതല്‍ വ്യക്തത കിട്ടും.

Luke 22: 7. പെസഹാക്കുഞ്ഞാടിനെ ബലികഴിക്കേണ്ടിയിരുന്ന പുളിപ്പില്ലാത്ത അപ്പത്തിന്റെ ദിനം വന്നുചേർന്നു.8. യേശു പത്രോസിനെയും യോഹന്നാനെയും അയച്ചുകൊണ്ടു പറഞ്ഞു: നിങ്ങൾ പോയി നമുക്കു പെസഹാ ഭക്ഷിക്കേണ്ടതിന് ഒരുക്കങ്ങൾ ചെയ്യുവിൻ. 9. അവർ അവനോടു ചോദിച്ചു: ഞങ്ങൾ എവിടെ ഒരുക്കണമെന്നാണ് നീ ആഗ്രഹിക്കുന്നത്? 10. അവൻ പറഞ്ഞു: ഇതാ, നിങ്ങൾ പട്ടണത്തിലേക്കു പ്രവേശിക്കുമ്പോൾ ഒരു കുടം വെള്ളം ചുമന്നുകൊണ്ട് ഒരുവൻ നിങ്ങൾക്കെതിരേ വരും. അവൻ പ്രവേശിക്കുന്ന വീട്ടിലേക്കു നിങ്ങൾ അവനെ പിന്തുടരുക. 11. ആ വീടിന്റെ ഉടമസ്ഥനോടു പറയുക: ഗുരു നിന്നോടു ചോദിക്കുന്നു, എന്റെ ശിഷ്യൻമാരോടുകൂടെ ഞാൻ പെസഹാ ഭക്ഷിക്കുന്നതിനുള്ള വിരുന്നുശാല എവിടെയാണ്? 12. സജ്ജീകൃതമായ ഒരു വലിയ മാളിക മുറി അവൻ നിങ്ങൾക്കു കാണിച്ചുതരും. അവിടെ ഒരുക്കുക. 13. അവർ പോയി അവൻ പറഞ്ഞതുപോലെ കണ്ടു; പെസഹാ ഒരുക്കുകയുംചെയ്തു. 14. സമയമായപ്പോൾ അവൻ ഭക്ഷണത്തിനിരുന്നു; അവനോടൊപ്പം അപ്പസ്തോലൻമാരും. 15. അവൻ അവരോടു പറഞ്ഞു: പീഡയനുഭവിക്കുന്നതിനുമുമ്പ് നിങ്ങളോടു കൂടെ ഈ പെസഹാ ഭക്ഷിക്കുന്നതിന് ഞാൻ അത്യധികം ആഗ്രഹിച്ചു.

ഇതിന്റെ ശരിയായ പരിഭാഷ താഴെ കൊടുക്കുന്നു.

LUKE 22:15 "And he said to them: 'I have longingly desired [epithumia epethumesa] to eat this Passover with you before my suffering; 16 however, I tell you that I shall not eat of it, until it can be administered in the Kingdom of God.'" (The Holy Bible in Modern English)

അന്ത്യ അത്താഴത്തില്‍ യേശു പറയുന്നത് പെസഹഭക്ഷണം കഴിക്കണമെന്ന് അതിയായി ആഗ്രഹിച്ചു എന്ന്. അതായത് സൂക്ഷ്മമായി വായിച്ചാല്‍ യോഹന്നാനിന്റെ സുവിശേഷം മറ്റു സുവിസേഷങ്ങളുമായി യാതൊരു മാറ്റമില്ല എന്നര്‍ത്ഥം. കൂടുതല്‍ വിശദീകരണം ഇവിടെയുണ്ട്.

കുരിശില്‍ തറച്ച സമയം.

ആമുഖം : സാധാരണ രണ്ടു തരം സമയമുണ്ട്. ഒന്ന്) നമ്മള്‍ ഉപയോഗിക്കുന്ന പോലെ അര്‍ദ്ധരാത്രി മുതല്‍ അര്‍ദ്ധ രാത്രി വരെ. രണ്ടു) ഇരുട്ട് വീഴുന്നത് മുതല്‍ അടുത്ത ഇരിട്ടു വീഴുന്നത് വരെ. മാര്‍ക്കോസ് ഉപയോഗിച്ചിരുന്നത് യഹൂദന്മാര്‍ ഉപയോഗിച്ചിരുന്നത് പോലെ രണ്ടാമത്തെ മെത്തേഡ് ആണ്. അപ്പോള്‍ യോഹന്നാന്‍ ഉപയോഗിച്ചിരുന്നത് നമ്മള്‍ ഉപയോഗിക്കുന്നത് പോലെയാണോ? തികച്ചും ശരിയാണ് . അതെന്താണ് യോഹന്നാന്‍ യാഹൂദന്‍ ആല്ലേ? തീര്‍ച്ചയായും ആണ്. പക്ഷെ ബൈബിള്‍ എഴുതിയതു എഫെസോസൂസില്‍ ആയിരുന്നു. റോമന്‍ സമയം ആണ് അവിടെ ഉപയോഗിച്ചിരുന്നത്. ഉം .. ആ പ്രയോഗം ഭാഗികമായി തെറ്റാണ് കാരണം വലിയ സാമ്രാജ്യമായിരുന്ന റോമാക്കാര്‍ രണ്ടു സമയവും ഉപയോഗിച്ചിരുന്നു. അതുകൊണ്ട് അവിടുത്തെ ജനങ്ങളുടെ സമയമാണ് യോഹന്നാന്‍ ഉപയോഗിച്ചിരുന്നത് എന്ന് പറയാം. അത് ഒരു പൊതുവേ അംഗീകരിച്ചിട്ടുള്ള സാധ്യത. കൂടാതെ...

യോഹന്നാന്‍ പറഞ്ഞ ആറാം മണിക്കൂര്‍ നാട്ടുച്ചയല്ല എന്ന് പറയുന്നതിന്റെ കാരണങ്ങളാണ് താഴെ പറയുന്നവ.

ഒന്ന്) യോഹന്നാന്‍ 18:28 ല്‍ പറയുന്നത് യേശുവിനെ പുലര്‍ച്ച പീലാത്തോസിന്റെ അടുക്കല്‍ കൊണ്ട് വന്നു എന്ന്. ആറുമണിക്കൂര്‍ യേശുവിന്റെ വിചാരണയ്ക്ക് എടുക്കില്ല.. കൂടി വന്നാല്‍ രണ്ടു മണിക്കൂര്‍ . യോഹന്നാനും പറയുന്നത് അത്രയേയുള്ളൂ. "ഏകദേശം ആറാം മണിക്കൂര്‍ "

രണ്ടു .) റോമാക്കാരുടെ കുരിശുമരണം ദൈര്‍ഘ്യമേറിയതാണ്.(ചമ്മട്ടിയടി

, കുരിശും ചുമന്നുള്ള ക്ഷീണിതന്റെ യാത്ര, കുരിശു തറയ്ക്കല്‍ , മരിക്കാന്‍ എടുക്കുന്ന സമയം , മരിച്ചു എന്ന് ഉറപ്പു വരുത്താനുള്ള സമയം.) ഉച്ചയ്ക്ക് ശിക്ഷ വിധിച്ച കക്ഷിയെ ആറു മണിക്കൂറില്‍ കല്ലറയില്‍ അടക്കുവാന്‍ കഴിയില്ല. യോഹന്നാനിന്റെ സുവിശേഷ പ്രകാരം അന്ന് വൈകുന്നേരത്തോടെ യേശുവിനെ അടക്കുന്നുണ്ട്. വെറും ആറു മണിക്കൂറിനുള്ളില്‍ കുരിശു മരണം നടക്കുവാന്‍ സാധ്യത കുറവാണ്.

മൂന്നു ) യഹൂദര്‍ ബലിക്കുള്ള കുഞ്ഞാടിനെ അറക്കുന്നത് നിസാന്‍ 14 ന്റെ പകല്‍ മൂന്നിനും അഞ്ചിനും ഇടയ്ക്കാണ്. യേശു ദൈവത്തിന്റെ കുഞാടാണ് എന്ന് യോഹന്നാനിന്റെ സുവിശേഷത്തില്‍ മാത്രമാണ് കാണുവാന്‍ കഴിയുക. അതുകൊണ്ട് ഉച്ചയ്ക്ക് കുരിശുമരണം വിധിക്കപ്പെട്ട ആള്‍ മൂന്നു മണിക്ക് മരിക്കാന്‍ ഒട്ടും സാധ്യതയില്ല (മുകളില്‍ കാണുന്ന ചരിത്ര പരമായ സാധ്യത പ്രകാരം തന്നെ)

നാല്). യേശുവിനെ മരണത്തിലേക്ക്‌ നയിച്ച രാഷ്ട്രീയ കാരണങ്ങളാണ് അടുത്ത കാരണം. വലിയ ജനകൂട്ടത്തെ കൈയ്യിലെടുക്കുവാന്‍ കഴിയുന്നവനാണ് യേശു എന്ന് ഓശാന ഞായര്‍ തെളിയിച്ചതാണ്. രാജാവിനെ വരവേല്‍ക്കുന്നത് പോലെയുള്ള സ്വീകരണം. അതുകൊണ്ടാണ് രാത്രിയില്‍ യേശുവിനെ കെണി വച്ച് പിടിക്കുന്നതും ഉടനടി വിചാരണ നടത്തി, പുലര്‍ച്ചയോടെ റോമന്‍ ഗവര്‍ണറെ ഏല്‍പ്പിക്കുന്നത്. യേശുവിനെ ഒരു പ്രവാചകനായി , ഒരു റബ്ബിയായി അംഗീകരിച്ചവരും ധാരാളം. അതുകൊണ്ട് യഹൂദ പ്രമാണികള്‍ക്ക് എളുപ്പം കൈ കഴുകാം. കുറ്റം റോമാക്കാര്‍ക്കിരിക്കട്ടെ. ലഹള ഉണ്ടായാല്‍ തന്നെ അവര്‍ ഒതുക്കി കൊള്ളും.

ബൈബിളിനെ പറ്റി വിമര്‍ശന പുസ്തകങ്ങള്‍ എഴുതിയിട്ടുള്ള Bart Ehrman ന്റെ അഭിപ്രായത്തില്‍ യേശുവിനെ പിടിച്ചു പന്ത്രണ്ടു മണിക്കൂറിനുള്ളില്‍ (ആളുകള്‍ അറിഞ്ഞും കേട്ടും വരുന്നതിന്റെ മുമ്പ്‌ തന്നെ)ശിക്ഷ നടപ്പാക്കുവാന്‍ യഹൂദര്‍ സ്വാഭാവികമായും തിടക്കും കൂട്ടും എന്നാണ്. കൂടുതല്‍ സമയമെടുത്താല്‍ അത് ലഹളയില്‍ അവസാനിക്കും എന്ന് അവര്‍ ഭയപ്പെടുവാന്‍ സാധ്യതയുണ്ട് എന്നാണ് ഇദ്ദേഹത്തിന്റെ കണ്ടെത്തല്‍ . ഒരു ബൈബിള്‍ പണ്ഡിതന്റെ സാക്ഷ്യത്തെക്കാളും ഇവിടെ പണ്ഡിതനായ ഒരു ബൈബിള്‍ വിരോധിയുടെ സാക്ഷ്യമായിരിക്കും നല്ലെത് എന്ന് തോന്നുന്നു.

As we have seen , several aspects of the Gospel Passion narrates appear to be historically accurate. Jesus offended members of the Sadducees by his apocalyptic actions in the Temple just prior to the Passover feast. They decided to have him taken out of the way. Perhaps they were afraid that his followers would swell as the feast progressed and that the gathering might lead to riot ; or perhaps they simply found his views offensive and considered his attack on the Temple of God blasphemous. In either Case, they appear to arranged with on of his own disciples to betray him. Jesus was arrested and questioned by the a jewish Sanhedrin called for the occession, possibly headed up by the high priest Caiaphas. He was then delivered over to Roman prefect Pontius Pilate, who condemned him to be crucified. The Time between his arrest and his crucifixion may have been NO more than twelve hours. he was sent off to his execution before anyone knew what was happening. - Bart Ehrman പേജ് 228

എഴുതി വന്നപ്പോള്‍ വലിയ ഒരു പോസ്റ്റായി. അതുകൊണ്ട് ഒരു സംഗ്രഹം കൊടുക്കാം.

മാര്‍ക്കോസ് പ്രകാരവും യോഹന്നാന്‍ പ്രകാരവും യേശുവിനെ കുരിശില്‍ തറച്ചത് പെസഹായുടെ ആദ്യ ദിനം തന്നെയാണ്. നിസാന്‍ 14 ആം തിയതി. യഹൂദരുടെ ഒരു ദിവസം തുടങ്ങുന്നത് അര്‍ദ്ധരാത്രിയല്ല, തലേന്ന് വൈകുന്നേരം ആണ്. യേശുവിന്റെ അന്ത്യ അത്താഴം യഹൂദരുടെ പെസഹ ഭക്ഷണത്തിന്റെ സമയത്തല്ല കഴിച്ചത്. യേശു മാനവരാശിയെ രക്ഷിച്ചതിന്റെ അടയാളമായി പുതിയ പെസഹ സ്ഥാപിക്കുകയാണ് വ്യാഴാഴ്ച്ച രാത്രി (യഹൂദര്‍ക്ക്‌ വെള്ളിയ്യാഴ്ച തുടങ്ങുന്ന രാത്രി) ചെയ്തത്. അന്നത്തെ സാബത്ത് ദിവസം തന്നെയാണ് നിസാന്‍ 15 എന്ന് പറയുന്ന വലിയ സാബത്ത്. മാര്‍ക്കോസ് പറയുന്നു മൂന്നു മണിക്കാണ് (3PM) യേശു മരിച്ചത് എന്ന്. യോഹന്നാനിന്റെ സുവിശേഷ പ്രകാരം കുഞ്ഞാടിനെ ദേവാലയത്തില്‍ ബലിയര്‍പ്പിക്കുന്നതും അതെ സമയത്താണ്. "ലോകത്തിന്റെ പാപം നീക്കുന്ന ദൈവത്തിന്റെ കുഞ്ഞാട് "

---
ഈ ലേഖനത്തിലൂടെ സുബൈര്‍ ചോദിച്ച ചോദ്യത്തിന് എനിക്ക് മനസിലായ രീതിയില്‍ ഉത്തരം കൊടുത്തിട്ടുണ്ട്‌ എന്നാണ് വിശ്വാസം. ഇനി സുബൈര്‍ അദ്ദേഹത്തിന് മനസിലായ/അല്ലെങ്കില്‍ മനസിലാകാത്ത കാര്യം പറയട്ടെ. എന്നിട്ട് വേണമെങ്കില്‍ ഇതില്‍ കൂട്ടി ചേര്‍ക്കാം.

അത്തിമരം - യേശു ഇത്ര വകതിരിവില്ലാത്തവനോ?

2011-01-27T17:44:00.006+05:30

മത്തായി 21
18. പ്രഭാതത്തിൽ നഗരത്തിലേക്കു പോകുമ്പോൾ അവനു വിശന്നു. 19. വഴിയരികിൽ ഒരു അത്തിവൃക്ഷം കണ്ട് അവൻ അതിന്റെ അടുത്തെത്തി. എന്നാൽ, അതിൽ ഇലകളല്ലാതെ ഒന്നും കണ്ടില്ല. അവൻ അതിനോടു പറഞ്ഞു: ഇനി ഒരിക്കലും നിന്നിൽ ഫലങ്ങളുണ്ടാകാതിരിക്കട്ടെ. ആ നിമിഷം തന്നെ ആ അത്തിവൃക്ഷം ഉണങ്ങിപ്പോയി.

മര്‍ക്കോസ് 11
12. അടുത്ത ദിവസം അവർ ബഥാനിയായിൽനിന്നു വരുമ്പോൾ അവനു വിശക്കുന്നുണ്ടായിരുന്നു. 13. അകലെ തളിരിട്ടു നിൽക്കുന്ന ഒരു അത്തിമരം കണ്ട് അതിൽ എന്തെങ്കിലും ഉണ്ടാകാം എന്നു വിചാരിച്ച് അടുത്തുചെന്നു. എന്നാൽ, ഇലകളല്ലാതെ മറ്റൊന്നും കണ്ടില്ല. അത് അത്തിപ്പഴങ്ങളുടെ കാലമല്ലായിരുന്നു. 14. അവൻ പറഞ്ഞു: ആരും ഇനിയൊരിക്കലും നിന്നിൽനിന്നു പഴം തിന്നാതിരിക്കട്ടെ!

ഈ സുവിശേഷ ഭാഗം വായിക്കുന്ന ഏതൊരാളും ഒന്ന് നെറ്റി ചുളിക്കാതിരിക്കില്ല. എന്ത് കൊല ചതിയാണ് യേശു ഈ അത്തിമരത്തോട് കാണിച്ചത്. ഒരു അത്തിമരം കരിയിച്ചു കളഞ്ഞിട്ടു ശിഷ്യന്മാരുടെ മുമ്പില്‍ യേശു ഷൈന്‍ ചെയ്തതാണോ? യേശു ദൈവമാണെങ്കില്‍ അത്തിപഴം ഉണ്ടാകുന്ന കാലം അറിയില്ലേ? (ബൈ ദി ബൈ , ഒരു അത്തിമരത്തില്‍ പഴം ഉണ്ടാകേണ്ട കാലം അറിയാന്‍ ഒരാള്‍ ദൈവം ആകേണ്ട കാര്യമൊന്നുമില്ല. ) പഴം ഉണ്ടാകാത്ത കാലഘട്ടത്തില്‍ അതുണ്ടായില്ല എന്നതിന്റെ പേരില്‍ ഒരു പാവം മരത്തിനെ വെറുതെ കരിയിച്ചു കളയണോ? എല്ലാവര്‍ക്കും പൊതുവേ ഉണ്ടാകാവുന്ന ഒരു സംശയം മാത്രം .

(യേശു ദൈവമല്ല എന്നും ആണെങ്കില്‍ തന്നെ ഈ സുവിശേഷ ഭാഗം സത്യമല്ല എന്നും വിശ്വസിക്കുന്നവര്‍ ഉണ്ട്. അവരുടെ അറിവിലേക്കാണ് ഈ ലേഖനം )

അത്തിമരം ബൈബിളില്‍ യഹൂദരെ സൂചിപ്പിക്കുന്നു. ദൈവം വളര്‍ത്തി കൊണ്ട് വന്ന സ്വന്തം ജനം.

അതിനു മുമ്പ് അത്തി മരത്തെ പറ്റി സ്വല്പം അറിഞ്ഞിരിക്കുന്നത് നല്ലതാണ്. അത്തിമരം ചില വര്‍ഷങ്ങളില്‍ മാത്രമേ പൂക്കാറുള്ളൂ. അത് കഴിഞ്ഞു കുറച്ചു നാള്‍ കഴിഞ്ഞാല്‍ ആണ് യഥാര്‍ത്ഥ അത്തിപഴം ഉണ്ടാകുക. അത്തിപഴം ഉണ്ടാകുന്നതിനു മുന്നോടിയായി ഉണ്ടാകുന്ന ഈ പൂക്കളും വിത്തുകളും പോലും ഭക്ഷ്യയോഗ്യമാണ്. പൂവുണ്ടാകുന്ന കാലഘട്ടത്തില്‍ ഇലകള്‍ മാത്രമേ കാണുന്നുവെങ്കില്‍ ആ വര്‍ഷം പിന്നെ ആ മരത്തില്‍ അത്തിപഴം ഉണ്ടാവുകയില്ല എന്നാണര്‍ത്ഥം. ഒരു പ്രതീക്ഷയ്ക്കും വകയില്ലാത്ത വൃക്ഷം !

യേശു അവസാന പെസഹ ആഘോഷിക്കുന്നതിനു മുന്നോടിയായിട്ടു കൂടിയാണ് ഈ സംഭവം. ദൈവ ജനം ഫലം പുറപ്പെടുവിക്കുന്നത് കാണുവാന്‍ ഏറെ കൊതിച്ചിരിന്നു യേശു എന്നത് വ്യക്തം.

മരങ്ങളെയും പഴങ്ങളെയും കുറിച്ച് ധാരാളം ഉപമകള്‍ ബൈബിളില്‍ കാണാം.
മത്തായി 7:15. ആടുകളുടെ വേഷത്തിൽ വരുന്ന വ്യാജപ്രവാചകൻമാരെ സൂക്ഷിച്ചുകൊള്ളുവിൻ. ഉള്ളിൽ അവർ കടിച്ചുചീന്തുന്ന ചെന്നായ്ക്കളാണ്. 16. ഫലങ്ങളിൽനിന്ന് അവരെ മനസ്സിലാക്കാം. മുൾച്ചെടിയിൽ നിന്നു മുന്തിരിപ്പഴമോ ഞെരിഞ്ഞിലിൽ നിന്ന് അത്തിപ്പഴമോ പറിക്കാറുണ്ടോ? 17. നല്ല വൃക്ഷം നല്ല ഫലവും ചീത്ത വൃക്ഷം ചീത്തഫലവും നൽകുന്നു. 18. നല്ല വൃക്ഷത്തിനു ചീത്തഫലങ്ങളോ ചീത്ത വൃക്ഷത്തിനു നല്ല ഫലങ്ങളോ പുറപ്പെടുവിക്കാൻ സാധിക്കുകയില്ല. 19. നല്ല ഫലം കായ്ക്കാത്ത വൃക്ഷമെല്ലാം വെട്ടി തീയിലെറിയപ്പെടും. 20. അവരുടെ ഫലങ്ങളിൽനിന്നു നിങ്ങൾ അവരെ അറിയും.

പഴയ നിയമത്തിലെ ഒരു ഭാഗം ഈ സന്ദര്‍ഭത്തില്‍ പെര്‍ഫെക്റ്റ്‌ ആണ്.

Micah 7
1. എനിക്കു ഹാ, കഷ്ടം! ഗ്രീഷ്മകാല ഫലങ്ങൾ ശേഖരിക്കുകയും മുന്തിരിപ്പഴങ്ങൾ പറിക്കുകയും ചെയ്തതിനുശേഷം കാലാപെ റുക്കുന്നവനെപ്പോലെ ആയിരിക്കുന്നു ഞാൻ. തിന്നാൻ ഒരു മുന്തിരിക്കുലയോ അത്തിയുടെ അഭികാമ്യമായ കടിഞ്ഞൂൽ ഫലങ്ങളോ ഇല്ല. 2. ദൈവഭക്തരായവർ ഭൂമുഖത്തുനിന്ന് അപ്രത്യക്ഷരായിരിക്കുന്നു. മനുഷ്യരുടെയിടയിൽ സത്യസന്ധരായി ആരുമില്ല. അവരെല്ലാവരും രക്തത്തിനുവേണ്ടി പതിയിരിക്കുന്നു. ഓരോരുത്തരും സ്വസഹോദരനെ കുടുക്കാൻ വലവിരിക്കുന്നു. 3. തിൻമ പ്രവർത്തിക്കാൻ അവൻ ഉത്സാഹത്തോടെ കൈനീട്ടുന്നു. രാജാവുംന്യായാധിപനും കൈക്കൂലി ആവശ്യപ്പെടുന്നു. ഉന്നതൻമാർ ദുരാഗ്രഹങ്ങൾ വെളിപ്പെടുത്തുന്നു. അങ്ങനെ അവർ ഒരുമിച്ച് അതു നെയ്തെടുക്കുന്നു. 4. അവരിൽ ഏറ്റവും ഉത്തമൻ ഒരു മുൾച്ചെടിപോലെയും ഏറ്റവും സത്യസന്ധൻ ഒരു മുള്ളുവേലിപോലെയും ആണ്. അവരുടെ കാവൽക്കാർ അ റിയിച്ച ദിനം, ശിക്ഷയുടെ ദിനം, വന്നുകഴിഞ്ഞു. അവർക്കു സംഭ്രാന്തിയുടെ സമയമായി.

മിക്കാ പറഞ്ഞത് എത്ര സത്യം. യേശുവും വന്നു ഫലം അന്വേഷിച്ചു. ഭക്ഷ്യ യോഗ്യമായ , പ്രതീക്ഷയ്ക്ക് വകയുള്ള ഒന്നും തന്നെ കണ്ടില്ല. ദൈവ ജനം എന്ന് അഹങ്കരിച്ചിരുന്നു യഹൂദ വംശം ദുഷിച്ചു പോയതായി കണ്ടു. ദുഷിച്ച മരത്തില്‍ തിന്നു ഫലം പുറപ്പെടുവിക്കുക സാധ്യമല്ല. വളരെ പ്രതീകാത്മകമായി തന്നെ യേശു അത്തിമരത്തെ നശിപ്പിച്ചു കളയുന്നു. വ്യക്തമായ അപകടസൂചനയാണ് ഇതിലൂടെ വരച്ചു കാട്ടുന്നത്. മറ്റൊരു ഉപമ കൂടി ശ്രദ്ധിക്കൂ.

ലൂക്കാ 13
6. അവൻ ഈ ഉപമ പറഞ്ഞു: ഒരുവൻ മുന്തിരിത്തോട്ടത്തിൽ ഒരു അത്തിവൃക്ഷം നട്ടുപിടിപ്പിച്ചു. അതിൽ പഴമുണ്ടോ എന്നുനോക്കാൻ അവൻ വന്നു; എന്നാൽ ഒന്നും കണ്ടില്ല. 7. അപ്പോൾ അവൻ കൃഷിക്കാരനോടു പറഞ്ഞു: മൂന്നു വർഷമായി ഞാൻ ഈ അത്തിവൃക്ഷത്തിൽനിന്ന് ഫലം അന്വേഷിച്ചുവരുന്നു; ഒന്നും കാണുന്നില്ല. അതു വെട്ടിക്കളയുക. എന്തിനു നിലം പാഴാക്കണം?
8. കൃഷിക്കാരൻ അവനോടു പറഞ്ഞു:യജമാനനേ, ഈ വർഷം കൂടെ അതു നിൽക്കട്ടെ. ഞാൻ അതിന്റെ ചുവടുകിളച്ചു വളമിടാം. 9. മേലിൽ അതു ഫലം നൽ കിയേക്കാം. ഇല്ലെങ്കിൽ നീ അതു വെട്ടിക്ക ളഞ്ഞുകൊള്ളുക.

യേശു എന്താണ് ചെയ്തതെന്ന് യേശുവിനു അറിയാം. അത് പോലെ തന്നെ അത് രേഖപെടുത്തിയ സുവിശേഷകര്‍ക്കും. ഒരു അത്തിമരം കരിയിച്ചു കളഞ്ഞിട്ടു ശിഷ്യന്മാരുടെ മുമ്പില്‍ ഷൈന്‍ ചെയ്തതല്ല. ഫലം പുറപ്പെടുവിക്കുന്ന വൃക്ഷങ്ങള്‍ ആക്കൂ. എല്ലാ കാലത്തും എല്ലാ സമയത്തും. അല്ലെങ്കില്‍ വെട്ടി തീയിലെറിയപ്പെടും എന്ന് ഭംഗിയായി കാണിച്ചു തന്നതാണ്.

യേശു ദൈവമാണെന്ന് സ്വയം അവകാശപ്പെട്ടിട്ടുണ്ടോ? -4

2011-01-21T08:15:00.000+05:30

ദൈവത്തിന്റെ ഗുണങ്ങള്‍ യേശുവില്‍ പ്രകടമായി കാണുവാന്‍ കഴിയും. ബൈബിളില്‍ ഉള്ള കാര്യങ്ങളിലേക്ക് ഒരു എത്തി നോട്ടം. (മുന്‍ ലേഖനങ്ങള്‍ ഇവിടെ ഒന്ന്, രണ്ട്, മൂന്ന് )

ഒന്ന്) ദൈവമാണ് മരണത്തിന്റെയും അധിപന്‍

John 10:17. തിരിച്ചെടുക്കുന്നതിനുവേണ്ടി ഞാൻ ജീവൻ അർപ്പിക്കുന്നതിനാൽ പിതാവ് എന്നെ സ്നേഹിക്കുന്നു.18. ആരും എന്നിൽനിന്ന് അതു പിടിച്ചെടുക്കുകയല്ല, ഞാൻ അതു സ്വമനസ്സാ സമർപ്പിക്കുകയാണ്. അതു സമർപ്പിക്കാനും തിരികെ എടുക്കാനും എനിക്കധികാരമുണ്ട്. ഈ കൽപന എന്റെ പിതാവിൽനിന്നാണ് എനിക്കു ലഭിച്ചത്. John 11:25. യേശു അവളോടു പറഞ്ഞു: ഞാനാണ് പുനരുത്ഥാനവും ജീവനും. എന്നിൽ വിശ്വസിക്കുന്നവൻമരിച്ചാലും ജീവിക്കും.

മരിച്ച് സ്വയം ഉയിര്‍ത്തു മരണത്തെയും പാപത്തെയും യേശു പരാജയപ്പെടുത്തി. യേശു മറ്റുള്ളവരെ ഉയിര്‍പ്പിക്കുന്നതും ബൈബിള്‍ ഉണ്ട്.

രണ്ടു) ദൈവത്തോട് ആണ് എല്ലാ പ്രാര്‍ഥനയും വേണ്ടത്.

മത്തായി 18:19. വീണ്ടും ഞാൻ നിങ്ങളോടു പറയുന്നു: ഭൂമിയിൽ നിങ്ങളിൽ രണ്ടുപേർ യോജിച്ചു ചോദിക്കുന്ന ഏതു കാര്യവും എന്റെ സ്വർഗസ്ഥനായ പിതാവ് നിറവേറ്റിത്തരും. 20. എന്തെന്നാൽ, രണ്ടോ മൂന്നോപേർ എന്റെ നാമത്തിൽ ഒരുമിച്ചു കൂടുന്നിടത്ത് അവരുടെ മധ്യേ ഞാൻ ഉണ്ടായിരിക്കും.

മൂന്ന്‍ ) ദൈവമാണ് മാലാഖമാരെ അയയ്ക്കുക.

മത്തായി 24:30. അപ്പോൾ ആകാശത്തിൽ മനുഷ്യപുത്രന്റെ അടയാളം പ്രത്യക്ഷപ്പെടും; ഭൂമിയിലെ സർവഗോത്രങ്ങളും വിലപിക്കുകയും മനുഷ്യപുത്രൻ വാനമേഘങ്ങളിൽ ശക്തിയോടും മഹത്വത്തോടുംകൂടെ വരുന്നതു കാണുകയുംചെയ്യും. 31. വലിയ കാഹളധ്വനിയോടുകൂടെ തന്റെ ദൂതൻമാരെ അവൻ അയയ്ക്കും.... മത്തായി 13:41. മനുഷ്യപുത്രൻ തന്റെ ദൂതൻമാരെ അയയ്ക്കുകയും ...

നാല്) ആദ്യവും അന്ത്യവും ഇല്ലാത്തവന്‍ ദൈവം.

മത്തായി 28:20. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ അവർക്കു ജ്ഞാനസ്നാനം നൽകുവിൻ. ഞാൻ നിങ്ങളോടു കൽപിച്ചവയെല്ലാം അനുസരിക്കാൻ അവരെ പഠിപ്പിക്കുവിൻ. യുഗാന്തംവരെ എന്നും ഞാൻ നിങ്ങളോടുകൂടെ ഉണ്ടായിരിക്കും.

അപ്പോള്‍ തുടക്കം ഉണ്ടോ?

John 8:57. അപ്പോൾ യഹൂദർ പറഞ്ഞു: നിനക്ക് ഇനിയും അമ്പതു വയസ്സായിട്ടില്ല. എന്നിട്ടും നീ അബ്രാഹത്തെ കണ്ടുവെന്നോ? 58. യേശു പറഞ്ഞു: സത്യം സത്യമായി ഞാൻ നിങ്ങളോടു പറയുന്നു. അബ്രാഹം ഉണ്ടാകുന്നതിനുമുമ്പ് ഞാൻ ഉണ്ട്.

അഞ്ച്) സ്വര്‍ഗത്തില്‍ നിന്ന് വരുന്നതും ഇരിക്കുന്നതും ആരാണ്?

യോഹന്നാന്‍ 3:12. ഭൗമിക കാര്യങ്ങളെപ്പറ്റി ഞാൻ പറഞ്ഞത് നിങ്ങൾ വിശ്വസിക്കുന്നില്ലെങ്കിൽ സ്വർഗീയ കാര്യങ്ങൾ പറഞ്ഞാൽ എങ്ങനെ വിശ്വസിക്കും? 13. സ്വർഗത്തിൽ നിന്നിറങ്ങിവന്ന മനുഷ്യപുത്രനല്ലാതെ മറ്റാരും ഇതുവരെ സ്വർഗത്തിൽ കയറിയിട്ടില്ല.
യോഹന്നാന്‍ 6:51. സ്വർഗത്തിൽനിന്നിറങ്ങിയ ജീവനുള്ള അപ്പം ഞാനാണ്. ആരെങ്കിലും ഈ അപ്പത്തിൽനിന്നു ഭക്ഷിച്ചാൽ അവൻ എന്നേക്കും ജീവിക്കും. ലോകത്തിന്റെ ജീവനുവേണ്ടി ഞാൻ നൽകുന്ന അപ്പം എന്റെ ശരീരമാണ്. യോഹന്നാന്‍ 8:23.(യഹൂദരോട്) അവൻ പറഞ്ഞു: നിങ്ങൾ താഴെനിന്നുള്ളവരാണ്; ഞാൻ മുകളിൽനിന്നുള്ളവനും. നിങ്ങൾ ഈലോകത്തിന്റേതാണ്; ഞാൻ ഈ ലോകത്തിന്റേതല്ല. യോഹന്നാന്‍ 16:28. ഞാൻ പിതാവിൽനിന്നു പുറപ്പെട്ടു ലോകത്തിലേക്കു വന്നു. ഇപ്പോൾ വീണ്ടും ലോകം വിട്ട് പിതാവിന്റെ അടുത്തേക്കു പോകുന്നു.

ആറു) എന്നെന്നും നില നില്‍ക്കുന്നത് ആരുടെ വചനങ്ങളാണ്?

മര്‍ക്കോസ് 13: 31. ആകാശവും ഭൂമിയും കടന്നുപോകും. എന്നാൽ, എന്റെ വചനങ്ങൾ കടന്നുപോവുകയില്ല.

ഏഴ്) പാപ മോചനം നല്‍കുന്നത് ആരാണ്?
യോഹന്നാന്‍ 8:34. യേശു പ്രതിവചിച്ചു: സത്യം സത്യമായി ഞാൻ നിങ്ങളോടു പറയുന്നു, പാപം ചെയ്യുന്നവൻ പാപത്തിന്റെ അടിമയാണ്. 35. അടിമ എക്കാലവും ഭവനത്തിൽ വസിക്കുന്നില്ല. പുത്രനാകട്ടെ എക്കാലവും വസിക്കുന്നു. 36. അതുകൊണ്ട് പുത്രൻ നിങ്ങളെ സ്വതന്ത്രരാക്കിയാൽ നിങ്ങൾയഥാർഥത്തിൽ സ്വതന്ത്രരാകും.

എട്ട്) ആരാണ് വിധിക്കാന്‍ വരുന്നവന്‍ ?

മത്തായി 26:63. യേശുവാകട്ടെ നിശ്ശബ്ദനായിരുന്നു. അപ്പോൾ പ്രധാന പുരോഹിതൻ അവനോടു പറഞ്ഞു: ജീവിക്കുന്ന ദൈവത്തിന്റെ നാമത്തിൽ ആണയിട്ടു ഞാൻ നിന്നോടുചോദിക്കുന്നു, നീ ദൈവപുത്രനായ ക്രിസ്തുവാണോ എന്നു ഞങ്ങളോടു പറയുക. 64. യേശു അവനോടു പറഞ്ഞു: നീ പറഞ്ഞുവല്ലോ; എന്നാൽ, ഞാൻ നിന്നോടു പറയുന്നു, ഇപ്പോൾ മുതൽ മനുഷ്യപുത്രൻ ശക്തിയുടെ വലത്തുഭാഗത്ത് ഉപവിഷ്ടനായിരിക്കുന്നതും വാനമേഘങ്ങളിൽ വരുന്നതും നിങ്ങൾ കാണും. 65. അപ്പോൾ പ്രധാന പുരോഹിതൻ മേലങ്കി കീറിക്കൊണ്ടു പറഞ്ഞു: ഇവൻ ദൈവദൂഷണം പറഞ്ഞിരിക്കുന്നു. ഇനി സാക്ഷികളെക്കൊണ്ടു നമുക്കെന്താവശ്യം? ഇതാ, ദൈവദൂഷണം നിങ്ങൾ ഇപ്പോൾ കേട്ടുവല്ലോ!

ലൂക്കാ 21:34. സുഖലോലുപത, മദ്യാസക്തി, ജീവിതവ്യഗ്രത എന്നിവയാൽ നിങ്ങളുടെ മന സ്സു ദുർബലമാവുകയും, ആദിവസം ഒരു കെണിപോലെ പെട്ടെന്നു നിങ്ങളുടെമേൽ വന്നു വീഴുകയും ചെയ്യാതിരിക്കാൻ ശ്രദ്ധിക്കുവിൻ. 35. എന്തെന്നാൽ ഭൂമുഖത്തു ജീവിക്കുന്ന എല്ലാവരുടെയുംമേൽ അതു നിപതിക്കും.36. സംഭവിക്കാനിരിക്കുന്ന ഇവയിൽ നിന്നെല്ലാം രക്ഷപെട്ട് മനുഷ്യപുത്രന്റെ മുമ്പിൽ പ്രത്യക്ഷപ്പെടാൻ വേണ്ട കരുത്തു ലഭിക്കാൻ സദാ പ്രാർഥിച്ചുകൊണ്ടു ജാഗരൂകരായിരിക്കുവിൻ.

യോഹന്നാന്‍ 5:21. പിതാവ് മരിച്ചവരെ എഴുന്നേൽപിച്ച് അവർക്കു ജീവൻ നൽകുന്നതുപോലെതന്നെ പുത്രനും താൻ ഇച്ഛിക്കുന്നവർക്കു ജീവൻ നൽകുന്നു. 22. പിതാവ് ആരെയും വിധിക്കുന്നില്ല; വിധി മുഴുവനും അവിടുന്നു പുത്രനെ ഏൽപിച്ചിരിക്കുന്നു.23. പിതാവിനെ ആദരിക്കുന്നതുപോലെതന്നെ, എല്ലാവരും പുത്രനെയും ആദരിക്കേണ്ടതിനാണ് ഇത്. പുത്രനെ ആദരിക്കാത്തവരാരും അവനെ അയച്ച പിതാവിനെയും ആദരിക്കുന്നില്ല. 24. സത്യം സത്യമായി ഞാൻ നിങ്ങളോടു പറയുന്നു, എന്റെ വചനം കേൾക്കുകയും എന്നെ അയച്ചവനെ വിശ്വസിക്കുകയും ചെയ്യുന്നവനു നിത്യജീവനുണ്ട്. അവനു ശിക്ഷാവിധി ഉണ്ടാകുന്നില്ല. പ്രത്യുത, അവൻ മരണത്തിൽനിന്നു ജീവനിലേക്കു കടന്നിരിക്കുന്നു. 25. സത്യം സത്യമായി ഞാൻ നിങ്ങളോടു പറയുന്നു, മരിച്ചവർ ദൈവപുത്രന്റെ സ്വരം ശ്രവിക്കുന്ന സമയം വരുന്നു; അല്ല, വന്നുകഴിഞ്ഞു. ആ സ്വരം ശ്രവിക്കുന്നവർ ജീവിക്കും.

യേശു ദൈവമാണ് എന്ന സൂചന ബൈബിള്‍ ഒരിടത്തും ഇല്ല എന്ന് ഇപ്പോഴും കരുതുന്നവര്‍ക്ക് വേണ്ടി എഴുതിയതാണിത്. വ്യക്തമായി തന്നെ ദൈവത്തിന്റെ ഗുണങ്ങളും ശക്തിയും യേശുവില്‍ സമ്മേളിക്കുന്നത് കാണാം.

യേശു ദൈവമാണെന്ന് സ്വയം അവകാശപ്പെട്ടിട്ടുണ്ടോ? -3

2011-01-15T11:45:00.004+05:30

ഒന്നാം ഭാഗം , രണ്ടാം ഭാഗം . മറ്റൊരു സമീപനം ഇവിടെ ചേര്‍ക്കുന്നു.

യേശു പറഞ്ഞ ഒരു ഉപമയില്‍ നിന്ന് തുടങ്ങാം.

മത്തായി 21
മുന്തിരിത്തോട്ടത്തിലെ കൃഷിക്കാരുടെ ഉപമ
33. മറ്റൊരു ഉപമ കേട്ടുകൊള്ളുക. ഒരു വീട്ടുടമസ്ഥൻ ഒരു മുന്തിരിത്തോട്ടം നട്ടുപിടിപ്പിച്ചു. അതിനുചുറ്റും വേലികെട്ടി. അതിൽ ഒരു മുന്തിരിച്ചക്കു സ്ഥാപിക്കുകയും ഗോപുരം നിർമിക്കുകയും ചെയ്തു. അനന്തരം അതു കൃഷിക്കാരെ ഏൽപിച്ചിട്ട് അവൻ പോയി.34. വിളവെടുപ്പുകാലം വന്നപ്പോൾ അവൻ പഴങ്ങൾ ശേഖരിക്കാൻ ഭൃത്യൻമാരെ കൃഷിക്കാരുടെ അടുത്തേക്കയച്ചു.35. എന്നാൽ, കൃഷിക്കാർ ഭൃത്യൻമാരിൽ ഒരുവനെ പിടിച്ച് അടിക്കുകയും മറ്റൊരുവനെ കൊല്ലുകയും വേറൊരുവനെ കല്ലെറിയുകയും ചെയ്തു.36. വീണ്ടും അവൻ ആദ്യത്തേതിൽ കൂടുതൽ ഭൃത്യൻമാരെ അയച്ചു. അവരോടും കൃഷിക്കാർ അപ്രകാരംതന്നെപ്രവർത്തിച്ചു.37. പിന്നീട് അവൻ , എന്റെ പുത്രനെ അവർ ബഹുമാനിക്കും എന്നുപറഞ്ഞ് സ്വപുത്രനെത്തന്നെ അവരുടെ അടുക്കലേക്കയച്ചു.38. അവനെക്കണ്ടപ്പോൾ കൃഷിക്കാർ പരസ്പരം പറഞ്ഞു: ഇവനാണ് അവകാശി; വരുവിൻ നമുക്കിവനെ കൊന്ന് അവകാശം കരസ്ഥമാക്കാം.39. അവർ അവനെ പിടിച്ച് മുന്തിരിത്തോട്ടത്തിനു വെളിയിലേക്കെറിഞ്ഞുകൊന്നുകളഞ്ഞു.40. അങ്ങനെയെങ്കിൽ മുന്തിരിത്തോട്ടത്തിന്റെ ഉടമസ്ഥൻ വരുമ്പോൾ അവൻ ആ കൃഷിക്കാരോട് എന്തുചെയ്യും?41. അവർ പറഞ്ഞു: അവൻ ആദുഷ്ടരെ നിഷ്ഠുരമായി നശിപ്പിക്കുകയും യഥാകാലം ഫലംകൊടുക്കുന്ന മറ്റു കൃഷിക്കാരെ മുന്തിരിത്തോട്ടം ഏൽപിക്കുകയും ചെയ്യും.42. യേശു അവരോടുചോദിച്ചു: പണിക്കാർ ഉപേക്ഷിച്ചുകളഞ്ഞകല്ലു തന്നെ മൂലക്കല്ലായിത്തീർന്നു. ഇതു കർത്താവിന്റെ പ്രവൃത്തിയാണ്. നമ്മുടെ ദൃഷ്ടികൾക്ക് ഇത് അദ്ഭുതകരമായിരിക്കുന്നു എന്നു വിശുദ്ധലിഖിതത്തിൽ നിങ്ങൾ വായിച്ചിട്ടില്ലേ?43. അതുകൊണ്ടു ഞാൻ നിങ്ങളോടു പറയുന്നു, ദൈവരാജ്യം നിങ്ങളിൽ നിന്ന് എടുത്തു ഫലം പുറപ്പെടുവിക്കുന്ന ജനതയ്ക്കു നൽകപ്പെടും.44. ഈ കല്ലിൽ വീഴുന്നവൻ തകർന്നുപോകും. ഇത് ആരുടെമേൽ വീഴുന്നുവോ, അവനെ അതു ധൂളിയാക്കും.45. പ്രധാന പുരോഹിതന്മാരും ഫരിസേയരും അവന്റെ ഉപമകൾ കേട്ടപ്പോൾ, അവൻ തങ്ങളെപ്പറ്റിയാണു സംസാരിക്കുന്നതെന്നു മനസ്സിലാക്കി. 46. അവർ അവനെ പിടികൂടാൻ ശ്രമിച്ചെങ്കിലും ജനക്കൂട്ടത്തെ ഭയപ്പെട്ടു. കാരണം, ജനങ്ങൾ അവനെ പ്രവാചകനായി പരിഗണിച്ചിരുന്നു.

ഒരു ഉപമ പറഞ്ഞപ്പോള്‍ അത് കൊള്ളേണ്ടവര്‍ക്ക് കൊണ്ടു. ഇവിടെ ഉടമസ്ഥന്‍ പല ദൂതന്മാരെ അയയ്ക്കുന്നു. അവസാനം അവന്‍ പുത്രനെ തന്നെ ദൂതനായി അയയ്ക്കുന്നു.

ഉപമയല്ലാതെ നേരെ പറഞ്ഞ വാക്കുകള്‍ ഇതാ...

ദൈവം നിങ്ങളുടെ പിതാവെങ്കില്‍ നിങ്ങളെന്നെ സ്നേഹിക്കുമായിരുന്നു. ഞാന്‍ ദൈവത്തിന്റെ അടുക്കല്‍നിന്നു വന്നിരിക്കുന്നു. ഞാന്‍ സ്വയമായി വന്നതല്ല, അവന്‍ എന്നെ അയച്ചതാകുന്നു. (യോഹ: 8:40-42)

താനൊരു ദൂതന്‍ മാത്രമല്ല, പുത്രന്‍ കൂടിയാകുന്നു എന്ന് യേശു മുമ്പ്‌ പറഞ്ഞ ഉപമയില്‍ വ്യക്തമായി പറയുന്നുണ്ട്. പുത്രനെന്നാല്‍ താന്‍ ദൈവം തന്നെ എന്നും ബൈബിളില്‍ കാണാം.

യോഹന്നാന്‍
10:30 ഞാനും പിതാവും ഒന്നാകുന്നു.”
10:31 യെഹൂദന്മാർ അവനെ എറിവാൻ പിന്നെയും കല്ലു എടുത്തു.
10:32 യേശു അവരോടു: “പിതാവിന്റെ കല്പനയാൽ ഞാൻ പല നല്ല പ്രവൃത്തികൾ നിങ്ങളെ കാണിച്ചിരിക്കുന്നു; അവയിൽ ഏതു പ്രവൃത്തിനിമിത്തം നിങ്ങൾ എന്നെ കല്ലെറിയുന്നു?” എന്നു ചോദിച്ചു.
10:33 യെഹൂദന്മാർ അവനോടു: നല്ല പ്രവൃത്തി നിമിത്തമല്ല, ദൈവദൂഷണം നിമിത്തവും നീ മനുഷ്യനായിരിക്കെ നിന്നെത്തന്നേ ദൈവം ആക്കുന്നതുകൊണ്ടുമത്രേ ഞങ്ങൾ നിന്നെ കല്ലെറിയുന്നതു എന്നു ഉത്തരം പറഞ്ഞു.

യേശുവിന്റെ കാലത്തുള്ള ചിലര്‍ക്കെങ്കിലും ,ശത്രുക്കള്‍ക്കെങ്കിലും, യേശു പറഞ്ഞതിന്റെ ധ്വനി എന്താണെന്ന് ശരിക്കും മനസിലായിരുന്നു. സ്വയം ദൈവമാക്കുന്നു എന്ന കുറ്റമാണ് അവര്‍ തന്നെ കണ്ടെത്തിയത്. (എന്നിട്ടും ഇപ്പോള്‍ ചിലര്‍ ചോദിക്കുന്നു, യേശു ദൈവമാണോ എന്ന് സ്വയം പറഞ്ഞിട്ടുണ്ടോ എന്ന് ?)

ശരിയാണ്, പുത്രനായ ദൈവം ത്രിത്വത്തിലെ മറ്റൊരു വ്യക്തിത്വമായ പിതാവിന്റെ ഇഷ്ടം അറിയുന്നു അനുസരിക്കുന്നു. സ്ത്രീയില്‍ നിന്ന് പിറന്ന മനുഷ്യനായ യേശു , മറ്റു മനുഷ്യര്‍ക്ക്‌ നല്ല ഒരു മാതൃക കാണിക്കുന്നു. പുത്രനായ ദൈവം മനുഷ്യ രൂപം സ്വീകരിച്ചു എന്നേയുള്ളൂ. അതുകൊണ്ടാണ് അബ്രാഹത്തിനും ദാവീദിനും മുമ്പേ താന്‍ ഉണ്ടെന്ന് യേശു അടിവരയിടുന്നത് (യോഹന്നാന്‍ 8:58)

"സന്തുലിതമായ ഒരു ബൈബിള്‍ വായനയില്‍ യേശുവാണ് ദൈവമെന്നോ മറ്റുപ്രവാചകന്‍മാരില്‍നിന്ന് വ്യത്യസ്ഥമായി എന്തെങ്കിലും ദിവ്യത്വമുണ്ടെന്നോ കാണാന്‍ കഴിയില്ല. " എന്ന അഭിപ്രായമുള്ളവരോട് ബൈബിള്‍ സന്തുലിതമായി വായിക്കുവാന്‍ താത്പര്യപെടുന്നു എന്ന് സൂചിപ്പിക്കാന്‍ വേണ്ടിയാണ് ഈ ബ്ലോഗ്‌ എഴുതിയത്. മറ്റു പല ഗ്രന്ഥങ്ങളുടെയും വെളിച്ചത്തില്‍ ബൈബിള്‍ വായിച്ചാല്‍ അത് സന്തുലിതമായ ബൈബിള്‍ വായന ആവുകയില്ല എന്ന് ഓര്‍മിപ്പിക്കാന്‍ ആഗ്രഹിക്കുന്നു.

ആദിപാപം

2010-12-26T08:40:00.004+05:30

ഇതൊരു പഠനമാണ്. ഈ പദം അതേപടി ബൈബിളില്‍ ഉണ്ടോ എന്ന് സംശയമാണ് .

എന്താണ് ഇങ്ങിനെ ഒരു വിശ്വാസം ക്രിസ്ത്യാനികള്‍ കൊണ്ട് നടക്കുന്നത്? യഹൂദര്‍ ഇതിനെ പറ്റി ഒന്നും പറയുന്നുമില്ല. യഹൂദരുടെ വേദപുസ്തകം തന്നെയാണ് ക്രിസ്ത്യാനികള്‍ പഴയ നിയമം എന്ന് വിളിക്കുന്നത്‌. അതില്‍ യഹൂദര്‍ കാണാത്ത എന്ത് വചനമാണ് ക്രിസ്ത്യാനികള്‍ കാണുന്നത്?

ആദിപാപം എന്നത് ആദ്യ മനുഷ്യന്‍ ആദം ചെയ്ത തെറ്റിനെയും അതിനോടനുബന്ധിച്ച ശിക്ഷയേയും ഓര്‍മിപ്പിക്കുന്നു. ആ തെറ്റിന്റെ ഫലമായി ഉണ്ടായ നഷ്ടമാണ് അതിലെ വലിയ പാഠം. പറുദീസ നഷ്ടമായി.

പഴയ നിയമത്തില്‍ (pocbible.com ഉത്പത്തി 3) ഈ തെറ്റും അതിന്റെ ശിക്ഷയും കാണാം.

അതില്‍ തന്നെ ഒരു വാഗ്ദാനവും കാണാം.
3:15. നീയും (സര്‍പ്പം) സ്ത്രീയും തമ്മിലും നിന്റെ സന്തതിയും അവളുടെ സന്തതിയും തമ്മിലും ഞാൻ ശത്രുത ഉളവാക്കും. അവൻ നിന്റെ തല തകർക്കും. നീ അവന്റെ കുതികാലിൽ പരിക്കേൽപിക്കും. (ബ്രാക്കറ്റില്‍ കൊടുത്തത് എന്റെ വക)

ഇവിടെ സര്‍പ്പം പ്രതിനിധീകരിക്കുന്നത് പിശാചിനെ (പാപത്തെ)യാണ്. അതിനെ തകര്‍ക്കുന്നത് സ്ത്രീയുടെ സന്തതിയും. ക്രിസ്തീയ വിശ്വാസ പ്രകാരം ക്രിസ്തു കന്യകയില്‍ നിന്ന് ജനിച്ചവനാണ്. പുരുഷന്‍ അവിടെ ഇടപ്പെടുന്നില്ല. അതുകൊണ്ട് തന്നെ ഇവിടെ പരാമര്‍ശിച്ച സ്ത്രീ യേശുവിന്റെ അമ്മയെ സൂചിപ്പിക്കുന്നു. അവളുടെ സന്തതി എന്നത് ക്രിസ്തുവിനെയും. (ക്രിസ്തു കന്യകയില്‍ ജനിച്ചവനാണെന്ന് യഹൂദര്‍ വിശ്വസിക്കാത്തത് കൊണ്ട് 3:15 നു അവര്‍ക്ക്‌ യാതൊരു അര്‍ത്ഥവും ഇല്ല. ഒരു പെണ്ണും അവന്റെ സന്തതിയും കൂടി ഒരു പാമ്പിനെ തല്ലികൊല്ലും എന്ന് മാത്രമായിരിക്കാം അവര്‍ മനസിലാക്കിയിരിക്കുക.)

പഴയ നിയമത്തില്‍ ഉള്ള മറ്റൊരു റെഫെറന്‍സ്...
ദാവീദിന്റെ സങ്കീര്‍ത്തനങ്ങള്‍ 51:5 പാപത്തോടെയാണു ഞാൻ പിറന്നത്; അമ്മയുടെ ഉദരത്തിൽഉരുവായപ്പോഴേഞാൻ പാപിയാണ്.

പുതിയ നിയമത്തില്‍ ഇതിനെ പറ്റി സുവിശേഷകര്‍ പരാമര്‍ശിക്കുന്നുണ്ട്.
1കോറിന്തോസ് 16. മരിച്ചവർ ഉയിർപ്പിക്കപ്പെടുന്നില്ലെങ്കിൽ ക്രിസ്തുവും ഉയിർപ്പിക്കപ്പെട്ടിട്ടില്ല. 17. ക്രിസ്തു ഉയിർപ്പിക്കപ്പെട്ടിട്ടില്ലെങ്കിൽ നിങ്ങളുടെ വിശ്വാസം നിഷ്ഫല മാണ്. നിങ്ങൾ നിങ്ങളുടെ പാപങ്ങളിൽത്തന്നെ വർത്തിക്കുന്നു. 18. ക്രിസ്തുവിൽ നിദ്രപ്രാപിച്ചവർ നശിച്ചുപോവുകയും ചെയ്തിരിക്കുന്നു. 19. ഈ ജീവിതത്തിനുവേണ്ടി മാത്രം ക്രിസ്തുവിൽ പ്രത്യാശ വച്ചിട്ടുള്ളവരാണെങ്കിൽ നമ്മൾ എല്ലാ മനുഷ്യരെയുംകാൾ നിർഭാഗ്യരാണ്. 20. എന്നാൽ, നിദ്രപ്രാപിച്ച എല്ലാവരുടെയും ആദ്യഫലമായി ക്രിസ്തു മരിച്ചവരുടെ ഇടയിൽനിന്ന് ഉയിർപ്പിക്കപ്പെട്ടു. 21. ഒരു മനുഷ്യൻവഴി മരണം ഉണ്ടായതുപോലെ ഒരു മനുഷ്യൻവഴി പുനരുത്ഥാനവും ഉണ്ടായി. 22. ആദത്തിൽ എല്ലാവരും മരണാധീനരാകുന്നതുപോലെ ക്രിസ്തുവിൽ എല്ലാവരും പുനർജീവിക്കും.

റോമാ 5
12. ഒരു മനുഷ്യൻമൂലം പാപവും പാപം മൂ ലം മരണവും ലോകത്തിൽ പ്രവേശിച്ചു. അപ്രകാരം എല്ലാവരും പാപം ചെയ്തതുകൊണ്ട് മരണം എല്ലാവരിലും വ്യാപിച്ചു. 13. നിയമം നൽകപ്പെടുന്നതിനു മുമ്പുതന്നെ പാപം ലോകത്തിൽ ഉണ്ടായിരുന്നു. എന്നാൽ, നിയമമില്ലാത്തപ്പോൾ പാപം കണക്കിലെടുക്കപ്പെടുന്നില്ല. 14. ആദത്തിന്റെ പാപത്തിനു സ ദൃശമായ പാപം ചെയ്യാതിരുന്നവരുടെമേൽപ്പോലും, ആദത്തിന്റെ കാലംമുതൽ മോശയുടെ കാലംവരെ മരണം ആധിപത്യം പുലർത്തി. ആദം വരാനിരുന്നവന്റെ പ്രതിരൂപമാണ്. 15. എന്നാൽ, പാപംപോലെയല്ല കൃപാദാനം. ഒരു മനുഷ്യന്റെ പാപംമൂലം വളരെപ്പേർ മരിച്ചുവെങ്കിൽ, ദൈവകൃപയും യേശുക്രിസ്തുവെന്ന ഒരു മനുഷ്യന്റെ കൃപാദാനവും അനേകർക്ക് എത്രയധികം സമൃദ്ധമായി ലഭിച്ചിരിക്കുന്നു! 16. ഒരുവന്റെ പാപത്തിൽ നിന്നുളവായ ഫലംപോലെയല്ല ഈ ദാനം. ഒരു പാപത്തിന്റെ ഫലമായുണ്ടായ വിധി ശിക്ഷയ്ക്കു കാരണമായി. അനേകം പാപങ്ങൾക്കുശേഷം ആഗതമായ കൃപാദാനമാകട്ടെ, നീതീകരണത്തിനു കാരണമായി. 17. ഒരു മനുഷ്യന്റെ പാപത്താൽ, ആ മനുഷ്യൻമൂലം മരണം ആധിപത്യം നടത്തിയെങ്കിൽ, കൃപയുടെയും നീതിയുടെ ദാനത്തിന്റെയും സമൃദ്ധി സ്വീകരിക്കുന്നവർ യേശുക്രിസ്തു എന്ന ഒരു മനുഷ്യൻമൂലം എത്രയോ അധികമായി ജീവനിൽ വാഴും!
18. അങ്ങനെ, ഒരു മനുഷ്യന്റെ പാപം എല്ലാവർക്കും ശിക്ഷാവിധിക്കു കാരണമായതുപോലെ, ഒരു മനുഷ്യന്റെ നീതിപൂർവകമായ പ്രവൃത്തി എല്ലാവർക്കും ജീവദായകമായ നീതീകരണത്തിനു കാരണമായി. 19. ഒരു മനുഷ്യന്റെ അനുസരണക്കേടിനാൽ അനേകർ പാപികളായിത്തീർന്നതുപോലെ, ഒരു മനുഷ്യന്റെ അനുസരണത്താൽ അനേകർ നീ തിയുള്ളവരാകും.
20. പാപം വർധിപ്പിക്കാൻ നിയമം രംഗപ്രവേശം ചെയ്തു; എന്നാൽ, പാപം വർധിച്ചിടത്ത് കൃപ അതിലേറെ വർധിച്ചു.21. അങ്ങനെ പാപം മരണത്തിലൂടെ ആധിപത്യം പുലർത്തിയതുപോലെ, കൃപ നീതിവഴി നമ്മുടെ കർത്താവായ യേശുക്രി സ്തുവിലൂടെ നിത്യജീവനിലേക്ക് നയിക്കാൻ ആധിപത്യം പുലർത്തും.

[ദൈവകൃപ എന്ന പദവും പ്രത്യേകം ശ്രദ്ധിക്കേണ്ട ഒന്നാണ്. ഈ അവസരത്തില്‍ അത് യോജിക്കുമോ എന്നറിയില്ല. ഒരു മനുഷ്യന്‍ ഒരു കടമ അല്ലെങ്കില്‍ ഒരു ജോലി ചെയ്തതിനു പ്രത്യുപകാരമായി എന്തെങ്കിലും ലഭിക്കുകയാണെങ്കില്‍ അതിനെ കൃപ എന്ന് പറയില്ല. കൂലി എന്ന് പറയാം.( ഉദാഹരണം പാപത്തിന്റെ കൂലി മരണമാണ്.) ഇവിടെ പാപമോചനം ദൈവകൃപയാണ് എന്നാണ് പറയുന്നത്. ]

ആദിപാപം എന്ന് പറഞ്ഞാല്‍ (പൂര്‍വ്വ പിതാവായ) ആദം ചെയ്ത തെറ്റിന് (പുത്രന്മാരായ)നമ്മള്‍ ഉത്തരം പറയണം എന്നല്ല എന്നാണ് ഞാന്‍ മനസിലാക്കിയത്. ആദം ചെയ്ത തെറ്റിന് ശിക്ഷ കിട്ടിയത് ആദത്തിന് തന്നെ. ആ തെറ്റിന്റെ പേരില്‍ നമ്മളെ ആരും വീണ്ടും ശിക്ഷിക്കുമെന്ന് തോന്നുന്നില്ല.

കൂടുതല്‍ / കുറവ് വായനയ്ക്ക് ...
അച്ഛന്‍ ചെയ്ത തെറ്റിന് മക്കള്‍ക്ക് ശിക്ഷയോ?
യേശു ചെയ്ത പ്രശ്ചിത്ത്വം നമ്മുക്ക് എങ്ങിനെ ലഭിക്കും?

added on 10-Jan-2011

ആദിപാപത്തെ പറ്റിയുള്ള എന്റെ അറിവ്‌ ഇവിടെ കൊടുക്കുന്നു. ഒരു ചോദ്യോത്തര ശൈലിയില്‍

എന്താണ് ആദ്യ മനുഷ്യന്‍ ചെയ്ത തെറ്റ് : അനുസരകേട് കാട്ടി.
അതിനുള്ള ശിക്ഷ : ആദം പറുദീസ്സായില്‍ നിന്നു് പുറത്താക്കപെട്ടു.
ആര്‍ക്കാണ് ശിക്ഷ ലഭിച്ചത്: ആദത്തിന്.
അത് അനുഭവിക്കുന്നത് : ആദവും അദ്ദേഹത്തിന്റെ പിന്തുടര്‍ച്ചക്കാരും (പറുദീസയില്‍
നിന്ന് ഇപ്പോഴും പുറത്ത്‌ തന്നെ )

ആദിപാപം കൊണ്ടുണ്ടായ ഫലം/നഷ്ടം : ദൈവത്തില്‍ നിന്ന് മനുഷ്യന്‍ അകന്നു. പറുദീസയില്‍ മനുഷ്യന്‍ ദിനം ദൈവമുമായി സല്ലപിച്ച അവസ്ഥയില്‍ നിന്ന് ഭീകരമായ പതനം.

ആദം ചെയ്ത അതേ തെറ്റിന്റെ പേരില്‍ വീണ്ടും മക്കളെ ശിക്ഷിക്കുമോ? : ഇല്ല. ജനിച്ചഉടനെ മരിച്ച കുട്ടിയെ ആദം ചെയ്ത പാപത്തിന്റെ പേരില്‍ ആരും ശിക്ഷിക്കുകയില്ല )

പിന്നെ എന്തോന്ന് ആദ്യപാപം: ഒരു മനുഷ്യൻമൂലം പാപവും പാപം മൂ ലം മരണവും ലോകത്തിൽ പ്രവേശിച്ചു. മനുഷ്യന്‍ ഇന്നും പാപത്തിന് അടിമയാണ്.

ഒരുവന്റെ മരണത്തോടെ എല്ലാം തീരുമോ: ഇല്ല, അവനവന്‍ ചെയ്ത തെറ്റിന് ശിക്ഷ ഉണ്ടാകും.

തെറ്റ് ചെയ്യാത്ത മനുഷ്യരുണ്ടോ? : തെറ്റ് മനുഷ്യ സഹാജമായാണ്. ആദം തെറ്റ് ചെയ്തില്ലായിരുന്നുവെങ്കില്‍ തെറ്റ് ചെയ്യുവാനുള്ള സഹജമായ പ്രേരണ മനുഷ്യന് ഉണ്ടാകുമായിരുന്നില്ല എന്ന് വിശ്വസിക്കുന്നു. മാത്രമല്ല പറുദീസയില്‍ നിന്ന് പുറത്തു പോകേണ്ടിയും വരുമായിരുന്നില്ല.

ആ നിലയ്ക്ക് എങ്ങിനെ സാധാ മനുഷ്യര്‍ രക്ഷപ്പെടും?: അതിനു ദൈവ കൃപ ആവശ്യമാണ്.
കൃപ എന്ത്? : യോഗ്യത ഇല്ലാതിരുന്നിട്ടും ദൈവം ചൊരിയുന്ന നന്മ.
പാപിയായ ഒരു മനുഷ്യന് സ്വന്തം തെറ്റിന് പൂര്‍ണ്ണ പരിഹാരം ചെയ്യുവാന്‍
പറ്റുമോ? : പൂര്‍ണ്ണ പരിഹാരം ചെയ്യുവാന്‍ പറ്റില്ല.
അതെന്ത് വാദം? : ഒരു ഉദാഹരണം ... ഒരുവന്‍ ഒരാളെ കൊന്നു. അവനു തിരിച്ചു ജീവന്‍ നല്‍കുവാന്‍ അവനു പറ്റുമോ? പറ്റുമെങ്കില്‍ പൂര്‍ണ്ണ പരിഹാരമായി എന്ന് പറയാം.

ഒരുത്തനും സ്വയം പരിഹാരം ചെയ്യുവാന്‍ പറ്റുകയില്ല എങ്കില്‍ എങ്ങിനെ വേറെ ഒരുവന് മറ്റുള്ളവരുടെ തെറ്റിന് പരിഹാരം ചെയ്യുവാന്‍ കഴിയും? : സാധാരണ മനുഷ്യന് പറ്റില്ല. പക്ഷെ പാപകറ ഇല്ലാത്ത ഒരുവന് അത് സാധിക്കും.

യേശു അങ്ങിനെയെന്നു ക്രിസ്ത്യാനികള്‍ വിശ്വസിക്കുന്നു. നീതിമാനായ അവന്‍ അനുഭവിച്ച വേദന മറ്റുള്ളവരുടെ പാപം മോചിക്കാന്‍ ധാരാളം എന്ന് ക്രിസ്ത്യാനികള്‍ വിശ്വസിക്കുന്നു.

"ഒരു മനുഷ്യന്റെ പാപംമൂലം വളരെപ്പേർ മരിച്ചുവെങ്കിൽ, ദൈവകൃപയും യേശുക്രിസ്തുവെന്ന ഒരു മനുഷ്യന്റെ കൃപാദാനവും അനേകർക്ക് എത്രയധികം സമൃദ്ധമായി ലഭിച്ചിരിക്കുന്നു! "

അങ്ങനെ, ഒരു മനുഷ്യന്റെ പാപം എല്ലാവർക്കും ശിക്ഷാവിധിക്കു കാരണമായതുപോലെ, ഒരു മനുഷ്യന്റെ നീതിപൂർവകമായ പ്രവൃത്തി എല്ലാവർക്കും ജീവദായകമായ നീതീകരണത്തിനു കാരണമായി.

എന്താണ് യേശുവും ആദവും തമ്മിലുള്ള സാമ്യം? രണ്ടു പേരും പാപരഹിതമായാണ് ജനിച്ചത്‌ എന്ന് വിശ്വാസം.

പാപ രഹിതമായി ജനിച്ച ആദം എങ്ങിനെ പാപത്തില്‍ വീണു? ഇതിന്റെ ഉത്തരം എനിക്ക് വ്യക്തമായി അറിയില്ല. ആദത്തിന് പ്രലോഭനം ഉണ്ടായ പോലെ യേശുവിനും പ്രലോഭനം ഉണ്ടായിരുന്നു. പ്രലോഭനങ്ങളെ അതിജീവിക്കുവാന്‍ ഏതു മനുഷ്യനും ശക്തിയുണ്ട് എന്നാണു ക്രിസ്ത്യന്‍ പഠനം . അതിനെ പറ്റി ബോധാവാന്മായവര്‍ അത് ഉപയോഗിക്കും. അത് മറക്കുന്നവര്‍ പാപത്തില്‍ വീഴും.

യേശു മനുഷ്യരുടെ ആദിപാപത്തിനു പരിഹാരം ചെയ്തുവോ? : ആദിപാപത്തിനു മാത്രമല്ല കര്‍മ്മ പാപത്തിനും പരിഹാരം ചെയ്തു.

സ്നാപകന്റെ സാക്ഷ്യം:
യോഹന്നാന്‍ 1:29. അടുത്ത ദിവസം യേശു തന്റെ അടുത്തേക്കു വരുന്നതു കണ്ട് അവൻ പറഞ്ഞു: ഇതാ, ലോകത്തിന്റെ പാപം നീക്കുന്ന ദൈവത്തിന്റെ കുഞ്ഞാട്.30. എന്റെ പിന്നാലെ വരുന്നവൻ എന്നെക്കാൾ വലിയവനാണെന്നു ഞാൻ പറഞ്ഞത് ഇവനെപ്പറ്റിയാണ്. കാരണം, എനിക്കുമുമ്പുതന്നെ ഇവനുണ്ടായിരുന്നു.

ഇതില്‍ പങ്കു ചേരാന്‍ എന്ത് ചെയ്യണം? : യേശുവിന്റെ കൃപ വേണമെന്നുള്ളവര്‍ അത് ആവശ്യപ്പെടണം. (നോഹ ചെയ്തത് പോലെ, കണ്ണിനു കാഴ്ച ലഭിക്കാന്‍ കുരുടന്‍ ചെയ്തത് പോലെ. )

അപ്പോള്‍ യേശു വരുന്നതിനു മുന്‍പ് ജീവിച്ചിരുന്നവര്‍ക്ക് ഈ ശിക്ഷാ മോചനം, പരുദീസായിലെക്കും നിത്യ ജീവനിലെക്കും ഉള്ള പുന പ്രവേശനം എങ്ങനെ സാധ്യമാകും?: ദൈവം നീതിമാന്‍ ആണെങ്കില്‍ മനുഷ്യരേക്കാളും നീതിപൂര്‍വമായ നടപടി ഉണ്ടാകും.

യേശുവില്‍ വിശ്വസിക്കാത്ത, അതെ സമയം നല്ലൊരു മനുഷ്യനായി ജീവിച്ചു പോന്ന ഒരാള്‍ ഈ പരുദീസായിലേക്ക് പ്രവേശിക്കില്ലേ? : ഒരാള്‍ക്ക് പൂര്‍ണ്ണമായി സ്വന്തം പാപങ്ങള്‍ക്ക്‌ പരിഹാരം ചെയ്യുവാന്‍ കഴിയുമായിരുന്നുവെങ്കില്‍ , അയാള്‍ക്കും പറുദീസയില്‍ പ്രവേശിക്കാന്‍ പറ്റും.

നമ്മുടെ പാപത്തില്‍ നിന്ന് എങ്ങിനെയാണ് യേശു നമ്മെ വീണ്ടെടുത്തത്...
പത്രോസ് പറയുന്നു:
1 Peter 1:18-19
പിതാക്കന്മാരില്‍ നിന്നു നിങ്ങള്‍ക്ക്‌ ലഭിച്ച വ്യര്‍ഥമായ ജീവിതരീതിയില്‍ നിന്നു നിങ്ങള്‍ വീണ്ടുടുക്കപ്പെട്ടത് നശ്വരമായ വെള്ളിയോ സ്വര്‍ണ്ണമോ കൊണ്ടല്ല എന്നു നിങ്ങള്‍ അറിയുന്നുവല്ലോ. കറയോ കളങ്കമോ ഇല്ലാത്ത കുഞ്ഞാടിന്റെതു പോലുള്ള ക്രിസ്തുവിന്റെ അമൂല്യ രക്തം കൊണ്ടത്രേ

Hebrews 2:14. മക്കൾ ഒരേ മാംസത്തിലും രക്തത്തിലും ഭാഗഭാക്കുകളാവുന്നതുപോലെ അവനും അവയിൽ ഭാഗഭാക്കായി.15. അത് മരണത്തിൻമേൽ അധികാരമുള്ള പിശാചിനെ തന്റെ മരണത്താൽ നശിപ്പിച്ച് മരണ ഭയത്തോടെ ജീവിതകാലം മുഴുവൻ അടിമത്തത്തിൽ കഴിയുന്നവരെ രക്ഷിക്കുന്നതിനുവേണ്ടിയാണ്.16. എന്തെന്നാൽ, അവൻ സ്വന്തമായി എടുത്തത് ദൈവദൂതൻമാരെയല്ല, അബ്രാഹത്തിന്റെ സന്തതിയെയാണ്.17. ജനങ്ങളുടെ പാപങ്ങൾക്കു പരിഹാരംചെയ്യുന്നതിനുവേണ്ടി ദൈവികകാര്യങ്ങളിൽ വിശ്വസ്തനും കരുണയുള്ളവനുമായ പ്രധാനപുരോഹിതനാകാൻ അവൻ എല്ലാകാര്യങ്ങളിലും തന്റെ സഹോദരരോടു സദൃശനാകേണ്ടിയിരുന്നു.18. അവൻ പീഡസഹിക്കുകയും പരീക്ഷിക്കപ്പെടുകയും ചെയ്തതുകൊണ്ട് പരീക്ഷിക്കപ്പെടുന്നവരെ സഹായിക്കാൻ അവനു സാധിക്കുമല്ലോ.

Roman Catholic teaching about original sin

We believe that in Adam all have sinned, which means that the original offence committed by him caused human nature, common to all men, to fall to a state in which it bears the consequences of that offence, and which is not the state in which it was at first in our first parents, established as they were in holiness and justice, and in which man knew neither evil nor death.

It is human nature so fallen, stripped of the grace that clothed it, injured in its own natural powers and subjected to the dominion of death, that is transmitted to all men, and it is in this sense that every man is born in sin.

We therefore hold, with the Council of Trent, that original sin is transmitted with human nature 'not by imitation, but by propagation' and that it is thus 'proper to everyone.'

We believe that our Lord Jesus Christ, by the sacrifice of the cross, redeemed us from original sin and all the personal sins committed by each one of us, so that, in accordance with the word of the Apostle, 'where sin abounded, grace did more abound.'

Paul VI 1968

അത്ഭുതപ്പെടുത്തുന്ന വാഗ്ദാന പൂര്‍ത്തീകരണം

2010-12-25T08:55:00.002+05:30

വാഗ്ദാനങ്ങള്‍ പാലിക്കുന്ന കാര്യത്തില്‍ വിശ്വസ്തനായ ദൈവം പലപ്പോഴും നമ്മെ അത്ഭുതപ്പെടുത്തുന്ന വിധത്തിലാണ്‌ അവ നിറവേറ്റുന്നത്‌..... വിദേശാധിപത്യത്തില്‍ നിന്ന്‌ തങ്ങളെ മോചിപ്പിക്കുന്ന ശക്തനായ ഒരു നേതാവായിരിക്കും മിശിഹ എന്നായിരുന്നു ഇസ്രായേല്‍കാര്‍ പ്രതീക്ഷിച്ചത്‌. എന്നാല്‍ ദൈവം അവരെ അദ്ഭുതപ്പെടുത്തി. ബത്‌ലഹേമില്‍ ജനിച്ച ശിശു അവര്‍ക്കു മാത്രമല്ല സര്‍വലോകത്തിനും രക്ഷകനായി.... സൈനിക ശക്തിയിലൂടെയുള്ള രാഷ്ട്രീയ വിമോചനമല്ല യേശു കൊണ്ടുവന്നത്‌. യേശൂ സ്വയം ക്രൂശുമരണം വരിച്ച്‌ മരണത്തെ എന്നന്നേക്കുമായി പരാജയപ്പെടുത്തി നമുക്ക് ജീവന്‍ നേടിത്തന്നു.

- ബെനഡിക്ട് പതിനാറാമന്‍ മാര്‍പാപ്പ
(ബിബിസി റേഡിയോ ക്രിസ്തുമസ് സന്ദേശത്തില്‍ നിന്ന്)

ക്രിസ്ത്യാനികള്‍ക്ക് പരിച്ഛേദനമോ?

2010-11-10T07:26:00.000+05:30

(ആദ്യം തന്നെ ഈ ബ്ലോഗ്‌ എഴുതാന്‍ പ്രേരണ തന്ന അലിക്കോയ ബ്ലോഗറോട് നന്ദി പറയുന്നു.)

ചോദ്യം ഇതാണ്.

"ക്രിസ്തു പരിച്ഛേദന ഏറ്റിരുന്നു; പൌലോസ് അത് വേണ്ടെന്ന് പഠിപ്പിച്ചു. അതോടെ അബ്രഹാമിന്റെ പിന്‍ഗാമിയാകാനുള്ള യോഗ്യതയാണ്‌ നിങ്ങള്‍ക്ക് നഷ്ടമാകുന്നത്."

ഇത് കേട്ടാല്‍ തോന്നും പരിച്ഛേദനം ചെയ്‌താല്‍ അബ്രാഹമിന്റെ പിന്‍ഗാമിയാക്കാം എന്ന് ദൈവം വാഗ്ദാനം ചെയ്തിട്ടുണ്ടെന്ന്!

ഉല്പത്തി 17 9 ദൈവം പിന്നെയും അബ്രാഹാമിനോടു അരുളിച്ചെയ്തതു: നീയും നിന്റെശേഷം തലമുറതലമുറയായി നിന്റെ സന്തതിയും എന്റെ നിയമം പ്രമാണിക്കേണം.10 എനിക്കും നിങ്ങൾക്കും നിന്റെ ശേഷം നിന്റെ സന്തതിക്കും മദ്ധ്യേയുള്ളതും നിങ്ങൾ പ്രമാണിക്കേണ്ടതുമായ എന്റെ നിയമം ആവിതു: നിങ്ങളിൽ പുരുഷപ്രജയൊക്കെയും പരിച്ഛേദന ഏൽക്കേണം.11 നിങ്ങളുടെ അഗ്രചർമ്മം പരിച്ഛേദന ചെയ്യേണം; അതു എനിക്കും നിങ്ങൾക്കും മദ്ധ്യേയുള്ള നിയമത്തിന്റെ അടയാളം ആകും.12 തലമുറതലമുറയായി നിങ്ങളിൽ പുരുഷപ്രജയൊക്കെയും എട്ടുദിവസം പ്രായമാകുമ്പോൾ പരിച്ഛേദനഏൽക്കേണം;

യേശു അബ്രഹാമിന്റെ തലമുറയില്‍ പെട്ടവനായത് കൊണ്ട് പരിച്ഛേദനം ചെയ്തു. ഞാന്‍ അബ്രാഹത്തിന്റെ തലമുറയില്‍ പെട്ടവനല്ല. അതുകൊണ്ട് എന്നോട് പരിച്ഛേദനം നടത്താന്‍ ആരും ആവശ്യപ്പെട്ടിട്ടില്ല. ഇത് വളരെ ലളിതമായ ഭാഷയിലുള്ള വിശദീകരണം.

അതൊന്നും അല്ല പക്ഷെ പൌലോസ് ശ്ലീഹ കാരണമായി പറയുന്നത്. കൂടുതല്‍ ദൈവശാസ്ത്ര പരമാണ് ആ കാരണം.

1 Corinthians 7:18-19 ഒരുത്തൻ പരിച്ഛേദനയോടെ വിളിക്കപ്പെട്ടുവോ? അഗ്രചർമ്മം വരുത്തരുതു; ഒരുത്തൻ അഗ്രചർമ്മത്തോടെ വിളിക്കപ്പെട്ടുവോ? പരിച്ഛേദന ഏൽക്കരുതു.19 പരിച്ഛേദന ഒന്നുമില്ല, അഗ്രചർമ്മവും ഒന്നുമില്ല, ദൈവകല്പന പ്രമാണിക്കുന്നതത്രേ കാര്യം

പരിച്ഛേദനം നടത്തുന്നതിലോ നടത്താതിരിക്കുന്നതിലോ ഒരു കാര്യവുമില്ല. ദൈവകല്പനകള്‍ അനുസരിക്കലാണ് മുഖ്യമെന്ന് പൌലോസ് ശ്ലീഹ അടിവരയിടുന്നു.

Romans 2:25 നീ നിയമമനുസരിക്കുന്നവനാണെങ്കിൽ പരിച്ഛേദനം അർഥവത്താണ്; നിയമം ലംഘിക്കുന്നവനാണെങ്കിലോ നിന്റെ പരിച്ഛേദനം പരിച്ഛേദനമല്ലാതായിത്തീരുന്നു.

26 അതുകൊണ്ട്, നിയമം പാലിക്കുന്ന അപരിച്ഛേദിതനെ പരിച്ഛേദിതനായി കണക്കാക്കിക്കൂടെ?

27 ശാരീരികമായി പരിച്ഛേദനം നടത്താതെതന്നെ നിയമം അനുസ രിക്കുന്നവർ നിയമവും പരിച്ഛേദനവുമുണ്ടായിട്ടും നിയമം ലംഘിക്കുന്ന നിന്നെ കുറ്റം വിധിക്കും.

28 എന്തെന്നാൽ, ബാഹ്യമായി യഹൂദനായിരിക്കുന്നവനല്ലയഥാർഥ യഹൂദൻ. യഥാർഥ പരിച്ഛേദനം ബാഹ്യമോ ശാരീരികമോ അല്ല.

29 ആന്തരികമായി യഹൂദനായിരിക്കുന്നവനാണ്യഥാർഥ യഹൂദൻ; ഹൃദയത്തിൽ നടക്കുന്ന പരിച്ഛേദനമാണ്യഥാർഥ പരിച്ഛേദനം. അത് ആത്മീയമാണ്. അക്ഷരാർഥത്തിലുള്ളതല്ല. അവനു പ്രശംസ ലഭിക്കുന്നത് മനുഷ്യരിൽനിന്നല്ല, ദൈവത്തിൽ നിന്നാണ്.

ഇത് ശിഷ്യ പ്രമുഖര്‍ അംഗീകരിച്ചിരുന്നു.

അപ്പസ്തോല പ്രവര്‍ത്തനങ്ങള്‍ 15 (ജറുസലെം സൂനഹദോസ്) 1 യൂദയായിൽനിന്നു ചിലർ അവിടെ വന്ന്, മോശയുടെ നിയമമനുസരിച്ച് പരിച്ഛേദനം ചെയ്യപ്പെടാത്തപക്ഷം രക്ഷപ്രാപിക്കുവാൻ സാധ്യമല്ല എന്നു സഹോദരരെ പഠിപ്പിച്ചു. 2 പൗലോസും ബാർണബാസും അവരോടു വിയോജിക്കുകയും വിവാദത്തിൽ ഏർപ്പെടുകയുംചെയ്തു. തൻമൂലം, ജറുസലെമിൽച്ചെന്ന് അപ്പസ്തോലൻമാരും ശ്രേഷ്ഠൻമാരുമായി ഈ പ്രശ്നം ചർച്ചചെയ്യാൻ പൗലോസും ബാർണബാസും അവരുടെ കൂട്ടത്തിൽപ്പെട്ട മറ്റു ചിലരും നിയോഗിക്കപ്പെട്ടു. 3സഭയുടെ നിർദ്ദേശമനുസരിച്ചുയാത്രതിരിച്ച അവർ വിജാതീയരുടെ മാനസാന്തരവാർത്ത വിവരിച്ചുകേൾപ്പിച്ചുകൊണ്ട് ഫിനീഷ്യാ, സമരിയാ എന്നിവിടങ്ങളിലൂടെ കടന്നുപോയി. സഹോദരൻമാർക്കെല്ലാം വലിയ സന്തോഷമുളവായി. 4 ജറുസലെമിൽ എത്തിയപ്പോൾ സഭയും അപ്പസ്തോലൻമാരും ശ്രേഷ്ഠൻമാരും അവരെ സ്വീകരിച്ചു. ദൈവം തങ്ങൾ മുഖാന്തരം പ്രവർത്തിച്ച കാര്യങ്ങൾ അവർ പ്രഖ്യാപിച്ചു. 5 എന്നാൽ, ഫരിസേയരുടെ ഗണത്തിൽനിന്നു വിശ്വാസം സ്വീകരിച്ച ചിലർ എഴുന്നേറ്റുപ്രസ്താവിച്ചു: അവരെ പരിച്ഛേദനംചെയ്യുകയും മോശയുടെ നിയമം പാലിക്കണമെന്ന് അവരോടു നിർദേശിക്കുകയും ചെയ്യുക ആവശ്യമാണ്. 6 ഇക്കാര്യം പരിഗണിക്കാൻ അപ്പസ്തോലൻമാരും ശ്രേഷ്ഠൻമാരും ഒരുമിച്ചുകൂടി. 7 വലിയ വാദപ്രതിവാദം നടന്നപ്പോൾ, പത്രോസ് എഴുന്നേറ്റു പറഞ്ഞു: സഹോദരൻമാരേ, വളരെ മുമ്പുതന്നെ ദൈവം നിങ്ങളുടെയിടയിൽ ഒരു തെരഞ്ഞെടുപ്പു നടത്തുകയും വിജാതീയർ എന്റെ അധരങ്ങളിൽനിന്നു സുവിശേഷവചനങ്ങൾകേട്ടു വിശ്വസിക്കണമെന്നു നിശ്ചയിക്കുകയും ചെയ്തു എന്നു നിങ്ങൾക്കറിയാമല്ലോ. 8 ഹൃദയങ്ങളെ അറിയുന്ന ദൈവം നമുക്കെന്നതുപോലെ അവർക്കും പരിശുദ്ധാത്മാവിനെ നൽകിക്കൊണ്ട് അവരെ അംഗീകരിച്ചു. 9 നമ്മളും അവരും തമ്മിൽ അവിടുന്നു വ്യത്യാസം കൽപിച്ചില്ല; അവരുടെ ഹൃദയങ്ങളെയും വിശ്വാസം കൊണ്ടു പവിത്രീകരിച്ചു. 10 അതുകൊണ്ട്, നമ്മുടെ പിതാക്കൻമാർക്കോ നമുക്കോ താങ്ങാൻ വയ്യാതിരുന്ന ഒരു നുകം ഇപ്പോൾ ശിഷ്യരുടെ ചുമലിൽ വച്ചുകെട്ടി എന്തിനു ദൈവത്തെനിങ്ങൾ പരീക്ഷിക്കുന്നു? 11 അവരെപ്പോലെതന്നെ നാമും രക്ഷപ്രാപിക്കുന്നത് കർത്താവായ യേശുവിന്റെ കൃപയാലാണെന്നു നാം വിശ്വസിക്കുന്നു. 12സമൂഹം നിശ്ശബ്ദമായിരുന്നു. തങ്ങൾവഴി വിജാതീയരുടെയിടയിൽ ദൈവം പ്രവർത്തിച്ച അദ്ഭുതങ്ങളും അടയാളങ്ങളും ബാർണബാസും പൗലോസും വിവരിച്ചത് അവർ ശ്രദ്ധാപൂർവ്വം കേട്ടുകൊണ്ടിരുന്നു. 13 അവർ പറഞ്ഞവസാനിപ്പിച്ചപ്പോൾ യാക്കോബ് പറഞ്ഞു: സഹോദരൻമാരേ, ഞാൻ പറയുന്നത് കേൾക്കുവിൻ. 14തന്റെ നാമത്തിനുവേണ്ടി വിജാതീയരിൽനിന്ന് ഒരു ജനത്തെ തെരഞ്ഞെടുക്കാൻ ദൈവം ആദ്യം അവരെ സന്ദർശിച്ചതെങ്ങനെയെന്നു ശിമയോൻ വിവരിച്ചുവല്ലോ. 15 പ്രവാചകൻമാരുടെ വാക്കുകൾ ഇതിനോടു പൂർണമായി യോജിക്കുന്നു. ഇങ്ങനെ എഴുതപ്പെട്ടിരിക്കുന്നു: 16 ഇതിനുശേഷം ഞാൻ തിരിച്ചുവരും. ദാവീദിന്റെ വീണുപോയ കൂടാരം ഞാൻ വീണ്ടും പണിയും. അതിന്റെ നഷ്ടശിഷ്ടങ്ങളിൽനിന്ന് ഞാൻ അതിനെ പുതുക്കിപ്പണിയും. അതിനെ ഞാൻ വീണ്ടും ഉയർത്തിനിർത്തും. 17 കർത്താവ് അരുളിച്ചെയ്യുന്നു: ശേഷിക്കുന്ന ജനങ്ങളും എന്റെ നാമത്തിനു പ്രതിഷ്ഠിക്കപ്പെട്ടിരിക്കുന്ന വിജാതീയരും കർത്താവിനെ അന്വേഷിക്കുന്നതിനുവേണ്ടിയാണിത്. 18 അവിടുന്നു പുരാതനകാലംമുതൽ ഇതെല്ലാം വ്യക്തമാക്കിയിട്ടുണ്ട്. 19 അതിനാൽ, ദൈവത്തിലേക്കു തിരിയുന്ന വിജാതീയരെ നാം വിഷമിപ്പിക്കരുത് എന്നാണ് എന്റെ അഭിപ്രായം. 20 എന്നാൽ, അവർ വിഗ്രഹാരാധനയെ സംബന്ധിക്കുന്ന മാലിന്യത്തിൽനിന്നും വ്യഭിചാരത്തിൽനിന്നും കഴുത്തു ഞെരിച്ചു കൊല്ലപ്പെട്ടവയിൽ നിന്നും രക്തത്തിൽ നിന്നും അകന്നിരിക്കാൻ അവർക്ക് എഴുതണം. 21 എന്തെന്നാൽ, തലമുറകൾക്കു മുമ്പുതന്നെ എല്ലാ നഗരങ്ങളിലും മോശയുടെ നിയമം പ്രഘോഷിക്കുന്ന ചിലരുണ്ടായിരുന്നു. എല്ലാ സാബത്തിലും സിനഗോഗുകളിൽ അതു വായിക്കുകയും ചെയ്യുന്നുണ്ട്. സൂനഹദോസ് തീരുമാനം 22 തങ്ങളിൽനിന്നു ചിലരെ തെരഞ്ഞെടുത്ത് ബാർണബാസിനോടും പൗലോസിനോടുമൊപ്പം അന്ത്യോക്യായിലേക്ക് അയയ്ക്കുന്നതു നന്നായിരിക്കുമെന്ന് അപ്പസ്തോലൻമാർക്കും ശ്രേഷ്ഠൻമാർക്കും സഭയ്ക്കുമുഴുവനും തോന്നി. സഹോദരൻമാ രിൽ നേതാക്കൻമാരായിരുന്ന ബാർസബാസ് എന്നു വിളിക്കുന്ന യൂദാസിനെയും സീലാസിനെയും ഒരു എഴുത്തുമായി അവർ അയച്ചു. 23 എഴുത്ത് ഇപ്രകാരമായിരുന്നു: അപ്പസ്തോലൻമാരും ശ്രേഷ്ഠൻമാരുമായ സഹോദരൻമാർ അന്ത്യോക്യായിലെയും സിറിയായിലെയും കിലിക്യായിലെയും വിജാതീയരിൽനിന്നുള്ള സഹോദരരായ നിങ്ങൾക്ക് അഭിവാദനമർപ്പിക്കുന്നു. 24 ഞങ്ങളിൽ ചിലർ പ്രസംഗങ്ങൾ മുഖേന നിങ്ങൾക്കു മനശ്ചാഞ്ചല്യം വരുത്തിക്കൊണ്ടു നിങ്ങളെ ബുഡ്ഢിമുട്ടിച്ചുവെന്ന് ഞങ്ങൾകേട്ടു. ഞങ്ങൾ അവർക്കുയാതൊരു നിർദേശവും നൽകിയിരുന്നില്ല. 25 അതുകൊണ്ട്, തെരഞ്ഞെടുക്കപ്പെട്ട ചിലരെ നമ്മുടെ പ്രിയപ്പെട്ട ബാർണബാസിനോടും പൗലോസിനോടുമൊപ്പം നിങ്ങളുടെ അടുക്കലേക്ക് അയയ്ക്കുന്നത് നന്നായിരിക്കുമെന്ന് ഞങ്ങൾ ഏകകണ്ഠമായി തീരുമാനിച്ചു. 26അവർ നമ്മുടെ കർത്താവായ യേശുക്രിസ്തുവിന്റെ നാമത്തെപ്രതി സ്വന്തം ജീവനെപ്പോലും പണയപ്പെടുത്തിയിരിക്കുന്നവരാണല്ലോ. 27 അതുകൊണ്ട്, ഞങ്ങൾ യൂദാസിനെയും സീലാസിനെയും അയച്ചിരിക്കുന്നു. ഈ കാര്യങ്ങൾതന്നെ അവർ നിങ്ങളോടു നേരിട്ടു സംസാരിക്കുന്നതായിരിക്കും. 28 താഴെപ്പറയുന്ന അത്യാവശ്യകാര്യങ്ങളെക്കാൾ കൂടുതലായി ഒരു ഭാരവും നിങ്ങളുടെമേൽ ചുമത്താതിരിക്കുന്നതാണു നല്ലതെന്നു പരിശുദ്ധാത്മാവിനും ഞങ്ങൾക്കും തോന്നി. 29വിഗ്രഹങ്ങൾക്കർപ്പിച്ചവസ്തുക്കൾ, രക്തം, കഴുത്തുഞെരിച്ചുകൊല്ലപ്പെട്ടവ, വ്യഭിചാരം എന്നിവയിൽനിന്നു നിങ്ങൾ അകന്നിരിക്കണം. ഇവയിൽനിന്ന് അകന്നിരുന്നാൽ നിങ്ങൾക്കു നന്ന്. മംഗളാശംസകൾ! അപ്പൊ അതാണ്‌ കാര്യം. വിജാതിയരായാലും യാഹൂദരായാലും രക്ഷപ്രാപിക്കുന്നത് കർത്താവായ യേശുവിന്റെ കൃപയാലാണ്.
പൌലോസ് വീണ്ടും പറയുന്നു...

Galatians 5: 1 സ്വാതന്ത്യ്രത്തിലേക്കു ക്രിസ്തു നമ്മെ മോചിപ്പിച്ചു. അതുകൊണ്ട് നിങ്ങൾ സ്ഥിരതയോടെ നിൽക്കുവിൻ. അടിമത്തത്തിന്റെ നുകത്തിന് ഇനിയും നിങ്ങൾ വിധേയരാകരുത്.

2 പൗലോസായ ഞാൻ, നിങ്ങളോടു പറയുന്നു, നിങ്ങൾ പരിച്ഛേദനം സ്വീകരിക്കുന്നെങ്കിൽ ക്രിസ്തു നിങ്ങൾക്ക് ഒന്നിനും പ്രയോജനപ്പെടുകയില്ല.

3 പരിച്ഛേദനം സ്വീകരിക്കുന്ന ഓരോ മനുഷ്യനോടും ഞാൻ വീണ്ടും ഉറപ്പിച്ചു പറയുന്നു, അവൻ നിയമം മുഴുവനും പാലിക്കാൻ കടപ്പെട്ടവനാണ്.

4 നിയമത്തിലാണു നിങ്ങൾ നീതീകരിക്കപ്പെടുന്നത് എന്നു കരുതുന്നെങ്കിൽ ക്രിസ്തുവിനോടുള്ള നിങ്ങളുടെ ബന്ധം വിച്ഛേദിക്കപ്പെട്ടിരിക്കുന്നു. കൃപാവരത്തിൽനിന്നു നിങ്ങൾ വീണുപോവുകയും ചെയ്തിരിക്കുന്നു.

5 ഞങ്ങളാകട്ടെ പരിശുഡ്ഢാത്മാവിലൂടെ വിശ്വാസംവഴി നീതി ലഭിക്കുമെന്ന പ്രത്യാശയോടെ കാത്തിരിക്കുന്നു.

6 എന്തെന്നാൽ, യേശുക്രിസ്തുവിൽ വിശ്വസിക്കുന്നവർക്കു പരിച്ഛേദനമോ അപരിച്ഛേദനമോ കാര്യമല്ല. സ്നേഹത്തിലൂടെ പ്രവർത്തനനിരതമായ വിശ്വാസമാണ് സുപ്രധാനം.

ബൈബിളില്‍ പലയിടത്തും ആലങ്കാരികമായിട്ടാണ് പരിച്ഛേദനം എന്ന പദം ഉപയോഗിച്ചിരിക്കുന്നത്.

Deuteronomy 10:16 ആകയാൽ നിങ്ങൾ നിങ്ങളുടെ ഹൃദയത്തിന്റെ അഗ്രചർമ്മം പരിച്ഛേദന ചെയ്‍വിൻ; ഇനിമേൽ ദുശ്ശാഠ്യമുള്ളവരാകരുതു.

Acts 7:51 മർക്കടമുഷ്ടിക്കാരേ, ഹൃദയത്തിലും കാതുകളിലും അപരിച്ഛേദിതരേ, നിങ്ങൾ എല്ലായ്പ്പോഴും പരിശുദ്ധാത്മാവിനോടു മല്ലടിക്കുന്നു. നിങ്ങളുടെ പിതാക്കൻമാരെപ്പോലെതന്നെയാണു നിങ്ങളും.

അപ്പോള്‍ പറഞ്ഞു വന്നത് ... അതാണ് പൌലാസ്‌ ! പരിച്ഛേദനം ചെയ്യുന്നത് കൊണ്ട് ഒരു പരാതിയും പൌലോസിനില്ല. പക്ഷെ അത് കൊണ്ട് മാത്രം ഒരുവന്‍ രക്ഷപെടും എന്ന്‍ കരുതരുത്‌ ! ക്രിസ്തുവിന്റെ കൃപ മാത്രം മതി എന്നര്‍ത്ഥം. അത് തന്നെയാണ് ക്രിസ്ത്യീയ വിശ്വാസത്തിന്റെ അടിത്തറ.

എന്തിനു കുമ്പസാരിക്കണം (അതും ഒരു വൈദികന്‍റെ മുമ്പില്‍ ?)

2010-09-13T10:47:00.000+05:30

കത്തോലിക്കാ സഭയില്‍ എന്തിനാണ് കുമ്പസാരം എന്ന് ഒരു ബ്ലോഗര്‍ ചോദിക്കുകയുണ്ടായി. ബൈബിളില്‍ ഇല്ലാത്ത കാര്യം എന്തിനു നിങ്ങള്‍ ചെയ്യുന്നു എന്ന്‍ ന്യായമായ ചോദ്യം. യേശുവിനോട് നേരിട്ട് മാപ്പപേക്ഷിച്ചാല്‍ പോരേ എന്ന്‍ !

യേശുവിന്റെ മുമ്പില്‍ പലരും കുമ്പസാരിക്കുന്നതായി(ഏറ്റുപറച്ചില്‍ ) ബൈബിളില്‍ കാണുന്നുണ്ട്... സക്കെവൂസ്, മഗ്ദലേന മറിയം തുടങ്ങിയവര്‍ . അവര്‍ക്കൊക്കെ യേശു മാപ്പ് കൊടുത്തതായും കാണുന്നു. അപ്പോള്‍ പിന്നെ എല്ലാം യേശുവിനോട് നേരിട്ടായാല്‍ പോരേ ? എന്തിനു വൈദിക വേഷങ്ങള്‍ അതിനിടയില്‍ നില്‍ക്കുന്നു.

ഒരിക്കല്‍ ചില പ്രമാണികള്‍ യേശുവിനോട് പറഞ്ഞു ഞങ്ങള്‍ ആരുടേയും അടിമകള്‍ ആയിട്ടില്ലെന്ന്. അതിന്റെ മറുപടി "പാപം ചെയ്യുന്നവര്‍ പാപത്തിന്‍റെ അടിമകള്‍ ആണ്" എന്നായിരുന്നു.

മറ്റൊരവസരത്തില്‍ യേശു പത്രോസിനു സകല അധികാരങ്ങളും കൊടുത്തുകൊണ്ടുള്ള പറഞ്ഞു.

മത്തായി 16:18 നീ പത്രൊസ് ആകുന്നു; ഈ പാറമേൽ ഞാൻ എന്റെ സഭയെ പണിയും; പാതാളഗോപുരങ്ങൾ അതിനെ ജയിക്കയില്ല എന്നു ഞാൻ നിന്നോടു പറയുന്നു.

16:19 സ്വർഗ്ഗ രാജ്യത്തിന്റെ താക്കോൽ ഞാൻ നിനക്കു തരുന്നു; നീ ഭൂമിയിൽ കെട്ടുന്നതു ഒക്കെയും സ്വർഗ്ഗത്തിൽ കെട്ടപ്പെട്ടിരിക്കും; നീ ഭൂമിയിൽ അഴിക്കുന്നതൊക്കെയും സ്വർഗ്ഗത്തിൽ അഴിഞ്ഞിരിക്കും” എന്നു ഉത്തരം പറഞ്ഞു.

പത്രോസാകുന്ന പാറയില്‍ സഭ സ്ഥാപിക്കുമെന്ന്. പാപങ്ങള്‍ മോചിക്കാന്‍ ഉള്ള വ്യക്തമായ അധികാരം ഇവിടെ നല്‍കുന്നുണ്ട്.

യോഹന്നാന്‍ 20:21 യേശു പിന്നെയും അവരോടു: നിങ്ങൾക്കു സമാധാനം; പിതാവു എന്നെ അയച്ചതുപോലെ ഞാനും നിങ്ങളെ അയക്കുന്നു എന്നു പറഞ്ഞു.

20:22 ഇങ്ങനെ പറഞ്ഞശേഷം അവൻ അവരുടെമേൽ ഊതി അവരോടു: പരിശുദ്ധാത്മാവിനെ കൈക്കൊൾവിൻ.

20:23 ആരുടെ പാപങ്ങൾ നിങ്ങൾ മോചിക്കുന്നവോ അവർക്കും മോചിക്കപ്പെട്ടിരിക്കുന്നു; ആരുടെ പാപങ്ങൾ നിർത്തുന്നുവോ അവർക്കും നിർത്തിയിരിക്കുന്നു എന്നു പറഞ്ഞു.

ഇതില്‍ പരം നേരിട്ടുള്ള ഒരു വചനം ബൈബിളില്‍ ഉണ്ടെന്നു തോന്നുന്നില്ല.

ഹൃദയം നിറഞ്ഞ പശ്ചാത്താപവും പരിഹാരവും ഇനി പാപം ചെയ്യില്ല എന്ന ദൃഡ നിശ്ചയവും കുമ്പസാരത്തിനു ആവശ്യമാണ്. ഇത് സക്കെവൂസിന്റെ കാര്യത്തില്‍ കാണാം. അതോടുകൂടി അദ്ദേഹം ഒരു പുതിയ മനുഷ്യനാകുന്നതും.

തെറ്റ് ഏറ്റു പറയാന്‍ തീര്‍ച്ചയായും guts വേണം. ചിലര്‍ക്ക് തെറ്റ് ചെയ്‌താല്‍ തന്നെ കുറ്റബോധം തോന്നാറില്ല. കുറ്റബോധം തോന്നിയാല്‍ തന്നെ ഏറ്റുപറയാന്‍ ധൈര്യം ഇല്ല. കുമ്പസാരം ഒരു മനുഷ്യനെ പലവിധം സഹായിക്കുന്നുണ്ട്. താന്‍ ചെയ്തുപോയ തെറ്റുകളെ ഓര്‍ത്തു പശ്ചാത്തപിക്കാന്‍. തെറ്റിലേക്ക് വീഴുന്ന സാഹചര്യങ്ങള്‍ ഒഴിവാക്കാന്‍. എന്നിങ്ങനെ.

സഭയില്‍ യേശു അധികാരപ്പെടുത്തിയ പത്രോസിന്റെ പിന്‍ഗാമികളായ പുരോഹിതര്‍ "... നിന്റെ പാപം ക്ഷമിക്കപ്പെട്ടിരിക്കുന്നു" എന്ന് പറയുമ്പോള്‍ ആത്മാര്ത്ഥമായി പശ്ചാതാപിക്കുന്നവര്‍ക്കു തോന്നുന്ന ഉണര്‍വ്‌ പറഞ്ഞറിയിക്കാന്‍ എനിക്ക് സാധിക്കുമെന്ന് തോന്നുന്നില്ല.

സഹിഷ്ണുത

2010-09-12T11:56:00.000+05:30

ഒരു യുക്തിവാദി പ്രഭാഷണം കേള്‍ക്കാന്‍ ഇടവന്നു. അതിലെ ഒരു പോയിന്റ്...

"ദൈവം എന്നൊന്നില്ല; കാരണം ഉണ്ടായിരുന്നെങ്കില്‍ ഈ പറയുന്ന എന്നെയും കേള്‍ക്കുന്ന നിങ്ങളെയും കരിച്ചു കളയാന്‍ ഒരു ഇടിമിന്നലിന്റെ ആവശ്യമേയുള്ളൂ. .....(10 സെക്കന്റിനു ശേഷം) ... കണ്ടോ ഒന്നും സംഭവിച്ചില്ല. ഞാന്‍ പറഞ്ഞില്ലേ ദൈവം ഇല്ലെന്ന്‍.....(നിറഞ്ഞ കരഘോഷം)"

ഇദേഹം എന്താണ് പ്രതീക്ഷിച്ചത്? തനിക്കെതിരെ ഒരു വാക്ക്‌ പറഞ്ഞതിന്റെ പേരില്‍ (അല്ലെങ്കില്‍ ആ പറഞ്ഞത്‌ കേട്ടതിന്റെ പേരില്‍ ) ഒരു കൂട്ടം ജനത്തെ കരിച്ചു കളയണമെന്നോ ?

സഹിഷ്ണുത ദൈവം പ്രകടിപ്പിച്ചാല്‍ അതും കുറ്റമാണോ?. ഇത് തന്നെയാണോ യുക്തിവാദം? ദൈവം ഇല്ലെങ്കില്‍, അത് തെളിയിക്കാന്‍ ഉപയോഗിച്ച വിധം ഒരു യുക്തിവാദിക്ക് ചേര്‍ന്നതാണെന്നു തോന്നുന്നില്ല.

ബൈബിള്‍ വൈരുദ്ധ്യങ്ങള്‍ - യൂദാസും യേശുവിന്റെ സമീപം സിംഹാസനത്തിലോ?

2010-04-19T21:44:00.000+05:30

മത്തായി 19:27 പത്രൊസ് അവനോടു: ഞങ്ങൾ സകലവും വിട്ടു നിന്നെ അനുഗമിച്ചുവല്ലോ; ഞങ്ങൾക്കു എന്തു കിട്ടും എന്നു ചോദിച്ചു.

19:28 യേശു അവരോടു പറഞ്ഞതു: “എന്നെ അനുഗമിച്ചിരിക്കുന്ന നിങ്ങൾ പുനർജ്ജനനത്തിൽ മനുഷ്യപുത്രൻ തന്റെ മഹത്വത്തിന്റെ സിംഹാസനത്തിൽ ഇരിക്കുമ്പോൾ നിങ്ങളും പന്ത്രണ്ടു സിംഹാസനത്തിൽ ഇരുന്നു യിസ്രായേൽ ഗോത്രം പന്ത്രണ്ടിന്നും ന്യായം വിധിക്കും എന്നു ഞാൻ സത്യമായിട്ടു നിങ്ങളോടു പറയുന്നു

19:29 എന്റെ നാമംനിമിത്തം വീടുകളെയോ സഹോദരന്മാരെയോ സഹോദരികളെയോ അപ്പനെയോ അമ്മയെയോ മക്കളെയോ നിലങ്ങളെയോ വിട്ടു കളഞ്ഞവന്നു എല്ലാം നൂറുമടങ്ങു ലഭിക്കും; അവൻ നിത്യജീവനെയും അവകാശമാക്കും.

ഈ ശിഷ്യരില്‍ യൂദാസും ഉണ്ടായിരുന്നില്ലേ? ഈ യൂദാസിനെ കുറിച്ച് തന്നെയല്ലേ “ഇവന്‍ ജനിക്കാതിരുന്നെങ്കില്‍ ഇവനു നന്നായിരുന്നു” എന്ന് യേശു പറഞ്ഞത്. (മത്തായി 26:24). നല്ല ഒരു വൈരുദ്ധ്യം തന്നെ. അതുകൊണ്ട് ആ വചനങ്ങളെ കുറിച്ച് പഠിക്കാം.

മത്തായി 26:24 നെ കുറിച്ച് യാതൊരു സംശയവും ആര്‍ക്കും ഉണ്ടാകുമെന്ന് തോന്നുന്നില്ല. ആദ്യ വചനം എടുക്കാം. മത്തായി 19:27 ല്‍ പത്രോസിന്റെ ചോദ്യത്തിനുത്തരമായാണ് യേശുവിന്റെ ഈ മറുപടി. ശ്രദ്ധിക്കുക യേശുവിനെ അനുഗമിക്കുന്ന 12 പേരെ കുറിച്ചാണ് യേശു പറഞ്ഞത്. യേശുവിനെ അനുഗമിച്ചിരുന്നുവെങ്കില്‍ യൂദാസിനും ആ 12 സിംഹാസനങ്ങളില്‍ ഒന്ന് കരസ്ഥമാക്കാമായിരുന്നു. പക്ഷേ യേശുവിനെ ഒറ്റികൊടുത്തു യൂദാസ്... തെറ്റുകള്‍ മാനുഷികമാണ്... പക്ഷേ യേശുവിനെ യഥാര്‍ത്ഥത്തില്‍ യൂദാസ് അനുഗമിച്ചിരുന്നുവങ്കില്‍ യേശുവിന്റെ ക്ഷമിക്കുന്ന സ്നേഹത്തെ പറ്റി യൂദാസിന് അറിയുമായിരുന്നു. പാപികളെ തേടി വന്ന രക്ഷകനെ അറിയുമായിരുന്നു. തെറ്റു ചെയ്ത യൂദാസിന് ഒരിക്കലും നിരാശയില്‍ പതിക്കേണ്ടി വരുമായിരുന്നില്ല. (ഒറ്റി കൊടുക്കും എന്ന് അറിയാമായിരിന്നിട്ടും യൂദാസിനെ യേശു ഒപ്പം കൂട്ടിയത് യേശുവിന്റെ ഈ സ്നേഹത്തെ കുറിച്ച് പഠിപ്പിക്കാനായിരുന്നു എന്ന് അഭിപ്രായപ്പെടുന്നവരുണ്ട്; അതു മറ്റൊരു വിഷയമായതു കൊണ്ട് പിന്നെ ചര്‍ച്ച ചെയ്യാം). ചുരുക്കം പറഞ്ഞാല്‍ യേശുവിനെ അനുഗമിച്ചിരുന്നു എന്ന വിശേഷണത്തിനു യൂദാസ് യോഗ്യനായിരുന്നില്ല.

ലൂക്ക സുവിശേഷകനും യേശുവിന്റെ ഈ വാഗ്ദാനം ആവര്‍ത്തിക്കുന്നുണ്ട്.

22:30 നിങ്ങൾ എന്റെ രാജ്യത്തിൽ എന്റെ മേശയിങ്കൽ തിന്നുകുടിക്കയും സിംഹാസനങ്ങളിൽ ഇരുന്നു യിസ്രായേൽ ഗോത്രം പന്ത്രണ്ടിനെയും ന്യായം വിധിക്കയും ചെയ്യും.

ഇതിന്റെ പശ്ചാത്തലം വായിച്ചാല്‍ കാര്യങ്ങള്‍ കൂടുതല്‍ വ്യക്തമാകും...
-----
ലൂക്ക 22:19 പിന്നെ അപ്പം എടുത്തു വാഴ്ത്തി നുറുക്കി അവർക്കും കൊടുത്തു: “ഇതു നിങ്ങൾക്കു വേണ്ടി നലകുന്ന എന്റെ ശരീരം; എന്റെ ഓർമ്മെക്കായി ഇതു ചെയ്‍വിൻ ”എന്നു പറഞ്ഞു.

22:20അവ്വണ്ണം തന്നേ അത്താഴം കഴിഞ്ഞശേഷം അവൻ പാനപാത്രവും കൊടുത്തു: “ഈ പാനപാത്രം നിങ്ങൾക്കു വേണ്ടി ചൊരിയുന്ന എന്റെ രക്തത്തിലെ പുതിയ നിയമം ആകുന്നു.

22:21 എന്നാൽ എന്നെ കാണിച്ചുകൊടുക്കുന്നവന്റെ കൈ എന്റെ അരികെ മേശപ്പുറത്തു ഉണ്ടു.

22:22 നിർണ്ണയിച്ചിരിക്കുന്നതുപോലെ മനുഷ്യപുത്രൻ പോകുന്നു സത്യം; എങ്കിലും അവനെ കാണിച്ചു കൊടുക്കുന്ന മനുഷ്യന്നു അയ്യോ കഷ്ടം!” എന്നു പറഞ്ഞു.

22:23 ഇതു ചെയ്‍വാൻ പോകുന്നവൻ തങ്ങളുടെ കൂട്ടത്തിൽ ആർ ആയിരിക്കും എന്നു അവർ തമ്മിൽ തമ്മിൽ ചോദിച്ചു തുടങ്ങി.

22:24 തങ്ങളുടെ കൂട്ടത്തിൽ ആരെ ആകുന്നു വലിയവനായി എണ്ണേണ്ടതു എന്നതിനെച്ചൊല്ലി ഒരു തർക്കവും അവരുടെ ഇടയിൽ ഉണ്ടായി.

22:25 അവനോ അവരോടു പറഞ്ഞതു: “ജാതികളുടെ രാജാക്കന്മാർ അവരിൽ കർത്തൃത്വം നടത്തുന്നു; അവരുടെ മേൽ അധികാരം നടത്തുന്നവരെ ഉപകാരികൾ എന്നു പറയുന്നു.

22:26 നിങ്ങളോ അങ്ങനെയല്ല; നിങ്ങളിൽ വലിയവൻ ഇളയവനെപ്പോലെയും നായകൻ ശുശ്രൂഷിക്കുന്നവനെപ്പോലെയും ആകട്ടെ.

22:27 ആരാകുന്നു വലിയവൻ ? ഭക്ഷണത്തിന്നിരിക്കുന്നവനോ ശുശ്രൂഷിക്കുന്നവനോ? ഭക്ഷണത്തിന്നിരിക്കുന്നവനല്ലയോ? ഞാനോ നിങ്ങളുടെ ഇടയിൽ ശുശ്രൂഷിക്കുന്നവനെപ്പോലെ ആകുന്നു.

22:28 നിങ്ങൾ ആകുന്നു എന്റെ പരീക്ഷകളിൽ എന്നോടുകൂടെ നിലനിന്നവർ.

22:29 എന്റെ പിതാവു എനിക്കു രാജ്യം നിയമിച്ചുതന്നതുപോലെ ഞാൻ നിങ്ങൾക്കും നിയമിച്ചു തരുന്നു.

22:31 ശിമോനേ, ശിമോനെ, സാത്താൻ നിങ്ങളെ കോതമ്പു പോലെ പാറ്റേണ്ടതിന്നു കല്പന ചോദിച്ചു.

22:32 ഞാനോ നിന്റെ വിശ്വാസം പൊയ്പോകാതിരിപ്പാൻ നിനക്കു വേണ്ടി അപേകഷിച്ചു; എന്നാൽ നീ ഒരു സമയം തിരിഞ്ഞു വന്നശേഷം നിന്റെ സഹോദരന്മാരെ ഉറപ്പിച്ചുകൊൾക.

----

അന്ത്യ അത്താഴ സമയത്ത് യേശു വ്യക്തമായി പറയുന്നുണ്ട് തന്നെ ഒരാള്‍ ഒറ്റി കൊടുക്കും എന്ന്. ആരെന്ന്‌ പറഞ്ഞാല്‍ ബാക്കിയുള്ളവരെ അവനെ തല്ലി കൊന്നാലോ എന്ന് വിചാരിച്ചോ അതോ യൂദാസിനെ സഹോദരരുടെ ഇടയില്‍ ഏറ്റവും ചെറിയവനാക്കി ചിത്രീകരിക്കേണ്ട എന്ന് ചിന്തിച്ചിട്ടോ യേശു യൂദാസിനെ ചൂണ്ടി കാട്ടിയില്ല. പരീക്ഷകളില്‍ യേശുവിനോടൊപ്പം നില നില്‍ക്കുന്നവരാണ് 12 ഗോത്രങ്ങളെ ന്യായം വിധിക്കുക എന്ന് യേശു പറയുന്നുണ്ട്. 22:28/30 ശ്രദ്ധിക്കുക.

യൂദാസ് ആ പരീക്ഷ വിജയിച്ചില്ല എന്ന് പകല്‍ പോലെ വ്യക്തം. യൂദാസല്ലെങ്കില്‍ പിന്നെ 12 ആം സിംഹാസനത്തിനു അവകാശികള്‍ ഉണ്ടാകില്ലേ?

തീര്‍ച്ചയായും. യേശുവിനെ അനുഗമിച്ചിരുന്ന മത്ഥിയാസിനെ യൂദാസിനു പകരം തിരഞ്ഞെടുക്കുന്നു. അപ്പസ്തോലപ്രവര്‍ത്തനങ്ങള്‍ വായിച്ചാല്‍ അദ്ദേഹത്തിന്റെ യോഗ്യതയും കാണാം.

പ്രവര്‍ത്തനങ്ങള്‍ 1:21-22

ആകയാൽ കർത്താവായ യേശു യോഹന്നാന്റെ സ്നാനം മുതൽ നമ്മെ വിട്ടു ആരോഹണം ചെയ്ത നാൾ വരെ നമ്മുടെ ഇടയിൽ സഞ്ചരിച്ചുപോന്ന കാലത്തെല്ലൊം ഞങ്ങളോടു കൂടെ നടന്ന പുരുഷന്മാരിൽ ഒരുത്തൻ ഞങ്ങളോടു കൂടെ അവന്റെ പുനരുത്ഥാനത്തിനു സാക്ഷിയായിത്തീരേണം.

അപ്പസ്തോല പ്രവര്‍ത്തനങ്ങള്‍ 1:14-26 വായിച്ചാല്‍ കാണാം യൂദാസിന്റെ എന്തുകൊണ്ട് പുറം തള്ളി മത്ഥിയാസിനെ തിരഞ്ഞെടുത്തു എന്ന്. ഒന്നു ചോദിക്കട്ടേ, യേശു തിരഞ്ഞെടുത്ത പന്ത്രാണ്ടാമനായ യൂദാസിനെ പുറം തള്ളി മറ്റൊരുവനെ തിരഞ്ഞെടുക്കാന്‍ പത്രോസിന് എന്തധികാരം?

ലളിതം. ഭൂമിയില്‍ കെട്ടുന്നതെല്ലാം സ്വര്‍ഗ്ഗത്തിലും കെട്ടപ്പെട്ടിരിക്കും ഭൂമിയില്‍ അഴിക്കുന്നതെല്ലാം സ്വര്‍ഗ്ഗത്തിലും അഴിക്കപ്പെട്ടിരിക്കും എന്ന് യേശു പത്രോസിനെ അധികാരപ്പെടുത്തിയിട്ടുണ്ട്. ആ നിലയ്ക്ക് 12 ആം സിംഹാസനത്തിനു അവകാശി ഉണ്ട്. യേശുവിനെ അനുഗമിക്കുകയും യേശുവിന്റെ ഒപ്പം നില്‍ക്കുകയും ചെയ്ത മത്ഥിയാസ് !

കന്യകാമറിയത്തിന് മറ്റു മക്കള്‍ ഉണ്ടായിരുന്നോ?

2010-04-06T22:11:00.000+05:30

പല ചോദ്യങ്ങള്‍ക്കും ഉത്തരം വേണം. (നീണ്ട പോസ്റ്റാണ് ക്ഷമാപൂര്‍വ്വം സമയം കിട്ടുമ്പോള്‍ വായിക്കുക). ചോദ്യങ്ങള്‍ ഇതാണ്.
1. ബൈബിളില്‍ പറയുന്നുണ്ട് യേശുവിന്റെ സഹോദരരെ കുറിച്ച്.
(ഉദ്ദാ: മത്തായി 13.55 , മാര്‍ക്കോസ് 6.3)
2. വിവാഹിതരായ ജോസഫിനും മറിയത്തിനും എന്തുകൊണ്ട് വേറെ കുട്ടികള്‍ ഉണ്ടായിക്കൂടാ?
(മത്തായി 1:25)
3. സങ്കീര്‍ത്തനത്തില്‍ പറയുന്നണ്ടല്ലോ യേശുവിന്റെ അമ്മയ്ക്ക് മക്കള്‍ ഉണ്ടെന്ന്. (69:8)

ഇനി അതിന്റെ സത്യാവത്ഥ പരിശോദിക്കാം.
1. യേശുവിന് രക്ത സഹോദരര്‍ ഉണ്ടോ?
മത്തായി 13:55 : ഇവൻ തച്ചന്റെ മകൻ അല്ലയോ ഇവന്റെ അമ്മ മറിയ എന്നവളല്ലയോ? ഇവന്റെ സഹോദരന്മാർ യാക്കോബ്, യോസെ, ശിമോൻ , യൂദാ എന്നവർ അല്ലയോ?
മാര്‍ക്കോസ് 6:3: ഇവൻ മറിയയുടെ മകനും യാക്കോബ് യോസെ, യൂദാ, ശിമോൻ എന്നവരുടെ സഹോദരനുമായ തച്ചനല്ലയോ? ഇവന്റെ സഹോദരികളും ഇവിടെ നമ്മോടു കൂടെ ഇല്ലയോ എന്നു പറഞ്ഞു അവങ്കൽ ഇടറിപ്പോയി.

ഒന്നാമത് ഹ്രീബ്രുവില്‍ കസിനേയോ അമ്മാവനേയോ പെങ്ങളുടെ മകനേയോ വിളിക്കാന്‍ ഒരു പേര്‍ ഉണ്ടായിരുന്നില്ല. കാരണം പഴയനിയമ്മത്തില്‍ ഒന്നും തന്നെ ഈ പദങ്ങള്‍ ഉണ്ടായിരുന്നില്ല. ഉണ്ടായിരുന്നുവെങ്കില്‍ ലോത്തിന് അബ്രാഹത്തെ സഹോദരന്‍ എന്നു വിളിക്കേണ്ടി വരുമായിരുന്നില്ല. (ഉല്‍പ്പത്തി 13:8, 14:12-14), ലാബാന്‍ യാക്കോബിനെ സഹോദരന്‍ എന്നു വിളിക്കേണ്ടി വരുമായിരുന്നില്ല. (ഉല്‍പ്പത്തി 29:15). ഒരു കുടുംബത്തിലേയോ വംശത്തിലേയോ ആളുകളെ അവര്‍ പൊതുവേ സഹോദരര്‍ എന്നാണ് വിളിച്ചിരുന്നത്. ഇനി രക്ത ബന്ധം ഇല്ലാതിരുന്ന കൂട്ടുകാരേയും വിശ്വാസികളേയും അവര്‍ സഹോദരന്മാര്‍ എന്നു തന്നെയാണ് വിളിച്ചിരുന്നത്. ഉദ്ദാഹരണം യേശുവിന് 500 ല്‍ അധികം സഹോദരന്മാര്‍ ഉണ്ടായിരുന്നു. (1കൊറി 15:6), പത്രോസിനാണെങ്കില്‍ 120 സഹോദരര്‍ ഉണ്ടായിരുന്നു. (അപ്പസ്തോലപ്രവര്‍ത്തനങ്ങള്‍ 1:15).

രണ്ടാമത്: മാര്‍ക്കോസ് 6:3 ല്‍ കാണുന്ന നാലുപേരില്‍ (യാക്കോബ് യോസെ, യൂദാ, ശിമോൻ ) രണ്ട് പേര്‍ മറ്റേ മേരിയുടെ പുത്രന്മാരാണ്. സുവിശേഷങ്ങള്‍ തന്നെ മൂന്നു മറിയങ്ങളെ പറ്റി ഉണ്ട്. യേശുവിന്റെ അമ്മ, മഗ്ദലേനമറിയം, പിന്നെ മറ്റേ മറിയവും(ക്ളെയോപ്പാവിന്റെ ഭാര്യ).

മാര്‍ക്കോസ് 15:40 :സ്ത്രീകളും ദൂരത്തുനിന്നു നോക്കിക്കൊണ്ടിരുന്നു; അവരിൽ മഗ്ദലക്കാരത്തി മറിയയും ചെറിയ യാക്കോബിന്റെയും യോസെയുടെയും അമ്മ മറിയയും ശലോമയും ഉണ്ടായിരുന്നു.

യോഹന്നാന്‍ 19:25 : യേശുവിന്റെ ക്രൂശിന്നരികെ അവന്റെ അമ്മയും അമ്മയുടെ സഹോദരിയും ക്ളെയോപ്പാവിന്റെ ഭാര്യ മറിയയും മഗ്ദലക്കാരത്തി മറിയയും നിന്നിരുന്നു.

(കൂട്ടത്തില്‍ ചേര്‍ക്കട്ടേ, ശലോമയാണ് യേശു ശിഷ്യര്‍ ആയ യാക്കോബിന്റേയും യോഹന്നാന്റേയും അമ്മ, സെബദിയുടെ ഭാര്യ).

അപ്പോള്‍ നാലുപേരില്‍ രണ്ടു പേര്‍ (യേശൂവിന്റെ അമ്മയായ) മറിയത്തിന്റെ മക്കളല്ല. (എന്നിട്ടും അവരെ സഹോദരന്മാര്‍ എന്നാണ് അഭിസംബോധന ചെയ്തത്). മറ്റു രണ്ടു വ്യക്തികളായ
ശിമയോന്‍ / യൂദാസ് (സ്കറിയാത്ത അല്ല) എന്ന കഥാപാത്രങ്ങളെ പ്രവര്‍ത്തനങ്ങള്‍ 1:13 ല്‍ വരുന്നുണ്ട്. മാര്‍ക്കോസ് 3:18ലും ശിമയോനെ കാണാം. Simon the Zealot, Judas son of James.

യൂദായുടെ അച്ഛനായ യാക്കോബിനെ മറ്റു സ്ഥലങ്ങളില്‍ ഞാന്‍ കണ്ടില്ല. എന്തായാലാം മറ്റു മൂന്നു പേരുടെ കാര്യം വ്യക്തമായി ബൈബിളില്‍ ഉണ്ട്. ഉം. ഇനിയത്തെ ചോദ്യം യേശുവിന്റെ അമ്മയായ മറിയത്തിനും ഇതേ പേരുകളില്‍ മക്കള്‍ ഉണ്ടായിക്കൂടേ? (അടുത്ത രണ്ട് പോയിന്റുകള്‍ ശ്രദ്ധിക്കൂ)

മൂന്നാമത്. ഈ സംശയത്തിനു നിദാനമായ മാര്‍ക്കോസ് 6:3 തന്നെ പറയുന്നത് യേശു മറിയത്തിന്റെ മകനും ബാക്കിയുള്ളവര്‍ യേശുവിന്റെ സഹോദരന്മാര്‍ ആണെന്നും ആണ്. എന്തുകൊണ്ട് ഈ അഞ്ചുപേരേയും മറിയത്തിന്റെ മക്കളാണെന്നു പറഞ്ഞില്ല? (ഒരു പക്ഷേ മറ്റുള്ളവര്‍ ജോസഫിന്റെ മുന്‍ ഭാര്യയിലുള്ള മക്കളാകാം എന്നു വാദിക്കുന്നവര്‍ ഉണ്ട്. പക്ഷേ മുന്‍ ഭാര്യയുണ്ടോ എന്നു വരെ തെളിയിക്കാന്‍ ബൈബിളില്‍ ഒരു വചനവും ഇല്ല;ചിലര്‍ സങ്കീര്‍ത്തനം 69:8 ചൂണ്ടി കാട്ടുന്നുണ്ട് എങ്കിലും)

നാലമത്: കുരിശില്‍ കിടന്ന് യേശു അമ്മയെ തന്റെ ശിഷ്യന് (ശലോമയുടെ പുത്രനായ യോഹന്നാന്) ഭാരമേല്‍പ്പിക്കുന്നു (യോഹന്നാന്‍ 19:26-27). യഹൂദപാരമ്പര്യത്തില്‍ ഔദ്യോഗികമായി മക്കള്‍ (സ്വന്തം മക്കളോ ഭര്‍ത്താവിന്റെ മറ്റു മക്കളോ ) ഉണ്ടെങ്കില്‍ ഈ ഭാരമേല്‍പ്പിക്കലിന്റെ ആവശ്യം ഉണ്ടായിരുന്നില്ല. മറ്റുള്ള മക്കള്‍ കുരിശിന്റെ കീഴില്‍ ഇല്ലാത്തതിനാലാണ് യോഹന്നാനെ ഭാരമേല്പിച്ചത് എന്നു കരുതുന്നതില്‍ അര്‍ത്ഥമില്ല. കാരണം അങ്ങിനെ വരുമ്പോഴും യോഹന്നാനോട് പറഞ്ഞേല്‍പ്പിച്ചാല്‍ മതിയായിരുന്നു(മറ്റു സഹോദരന്മാരോട് അമ്മയുടെ കാര്യം നോക്കാന്‍) . യഹൂദപാരമ്പര്യം അനുസരിച്ചിരുന്ന, യഹൂദപ്രമാണങ്ങള്‍ അറിഞ്ഞിരുന്ന യേശു ഇങ്ങനെ പാരമ്പര്യ രഹിതമായി പ്രവര്‍ത്തിക്കും എന്ന് കരുതാന്‍ വയ്യ.

2. വിവാഹിതരായ ജോസഫിനും മറിയത്തിനും എന്തുകൊണ്ട് വേറെ കുട്ടികള്‍ ഉണ്ടായിക്കൂടാ?
Mattew 1:25 And he had no connection with her till she had given birth to a son; and he gave him the name Jesus. മത്തായി 1:25 മകനെ പ്രസവിക്കുംവരെ അവൻ അവളെ പരിഗ്രഹിച്ചില്ല. മകന്നു അവൻ യേശു എന്നു പേർ വിളിച്ചു.

ഇതിലെ till/until എന്ന പദമാണ് അവര്‍ക്ക് എന്തുകൊണ്ട് വേറെ കുട്ടികള്‍ ഉണ്ടായികൂടാ എന്ന് സംശയം ഉദിക്കുന്നത്. till/until എന്ന പദം ഇന്നതെ ഉപയോഗം പോലെയല്ല അന്നുള്ളവര്‍ ഉപയോഗിച്ചിരുന്നത്.

2 സാമുവല്‍ 6:23: And Michal, Saul’s daughter, had no child till the day of her death
മരിക്കുന്നതു വരെ കുട്ടികളുണ്ടായില്ല എന്നു കേട്ടാല്‍ തോന്നും മരിച്ചു കഴിഞ്ഞിട്ടു കുട്ടികളുണ്ടായെന്ന്!

Gen 8:7 and he sent out a raven, and it flew here and there until the water was dried up from the earth. വെള്ളം താഴുന്നതു വരെ പറന്നു കൊണ്ടേയിരുന്നു എന്ന് വച്ചാല്‍ വെള്ളം താഴ്ന്നു പോയതില്‍ പിന്നെ അത് പറന്നില്ലേ?

അതുകൊണ്ട് യേശു ജനിച്ചു കഴിഞ്ഞതിനു ശേഷം അവര്‍ തമ്മില്‍ വൈവാഹിക ജീവിതം നയിച്ചു എന്ന അര്‍ത്ഥം മത്തായി 1:25 നു ഇല്ല. അതുവരെ ഉണ്ടായിരുന്നില്ല എന്നേ ലേഖകന്‍ ഊന്നി പറയുന്നുള്ളൂ. വൈവാഹിക ജീവിതം നയിച്ചാല്‍ നമ്മുക്ക് എന്തേങ്കിലും തെറ്റു പറയാന്‍ പറ്റുമോ? ഇല്ല. പക്ഷേ ...?; പഴയനിയമത്തില്‍ പല സമയങ്ങളിലും വിവാഹജീവിതം നയിക്കുന്നവരോട് വൈവാഹിക ജീവിതത്തില്‍ നിന്ന് ഒഴിഞ്ഞു നില്‍ക്കാന്‍ ദൈവം ആവശ്യപ്പെടുന്നുണ്ട്. ദേവാ‍ലയത്തില്‍ ഊഴമനുസരിച്ച് പുരോഹിത വൃത്തിയില്‍ ഏര്‍പ്പെട്ടിരിക്കുന്ന കാലയളവില്‍ പുരോഹിതര്‍ ഭാര്യയില്‍ നിന്ന് അകന്നു നിന്നുരുന്നു. ഇവിടെ ഇതാ ദേവാലയത്തേക്കാള്‍ വലിയവനെ ചുമന്ന ഉദരങ്ങള്‍.

യഹൂദ നിയമം അനുസരിച്ച് കല്യാണം ഉറപ്പിച്ചിരിക്കുന്ന യുവതി മറ്റാരെങ്കിലും നിന്ന് ഗര്‍ഭിണിയായാല്‍ അവളെ പരസ്യമായി കല്ലെറിഞ്ഞു കൊല്ലുകയോ, രഹസ്യമായി ഉപേക്ഷിക്കുകയോ ചെയ്യാം. ജോസഫ് മറിയത്തെ രഹസ്യമായി ഉപേക്ഷിക്കാന്‍ തീരുമാനിച്ചു. (മത്തായി 1:19).പരിശുദ്ധാത്മാവിനാലാണ് ഗര്‍ഭിണിയായതെന്ന് അറിഞ്ഞപ്പോള്‍ സംരക്ഷിക്കാനും.

2 സാമുവേല്‍ 6:6 അവർ നാഖോന്റെ കളത്തിങ്കൽ എത്തിയപ്പോൾ കാള വിരണ്ടതുകൊണ്ടു ഉസ്സാ കൈ നീട്ടി ദൈവത്തിന്റെ പെട്ടകം പിടിച്ചു.

6:7 അപ്പോൾ യഹോവയുടെ കോപം ഉസ്സയുടെ നേരെ ജ്വലിച്ചു; അവന്റെ അവിവേകം നിമിത്തം ദൈവം അവിടെവെച്ചു അവനെ സംഹരിച്ചു; അവൻ അവിടെ ദൈവത്തിന്റെ പെട്ടകത്തിന്റെ അടുക്കൽവെച്ചു മരിച്ചു.

മറിയം പുത്രനായ ദൈവത്തെ വഹിച്ച പെട്ടകം ആണെന്ന് ജോസഫ് മനസ്സിലാക്കിയിരുന്നുവല്ലോ! ആ പെട്ടകം തൊടാന്‍ ജോസഫിനു കഴിയുമായിരുന്നു എന്ന് കരുതാന്‍ വയ്യ. ഭാര്യ എന്നതിലുപരി ദൈവമാതാവ് എന്ന സ്ഥാനവും ബഹുമാനവും ജോസഫ് മറിയത്തിനു കൊടുത്തിരുന്നുവെങ്കില്‍ അതില്‍ തെറ്റു പറയാന്‍ കഴിയുമോ?

- - - - - - - - - - - - - - -
ലൂക്കാ 2:7 അവൾ ആദ്യജാതനായ മകനെ പ്രസവിച്ചു, ശീലകൾ ചുറ്റി വഴിയമ്പലത്തിൽ അവർക്കും സ്ഥലം ഇല്ലായ്കയാൽ പശുത്തൊട്ടിയിൽ കിടത്തി.
ഇതും ചിലരില്‍ സംശയം ഉണ്ടാക്കുന്നതാണ്. ആദ്യ ജാതന്‍ ഉണ്ടെങ്കില്‍ പിന്നേയും മക്കള്‍ വേണമല്ലോ എന്ന് വാദിക്കുന്നവര്‍ ഉണ്ട്. ഒരേയൊരു പുത്രനേയുള്ളൂ എങ്കിലും കടിഞ്ഞൂല്‍ (first born) എന്നു തന്നെയാണ് പറയുക.

3. സങ്കീര്‍ത്തനത്തില്‍ പറയുന്നണ്ടല്ലോ യേശുവിന്റെ അമ്മയ്ക്ക് മക്കള്‍ ഉണ്ടെന്ന്. (69:8)
68:8 My own brothers treat me like a stranger; they act as if I were a foreigner.
68:8 I am a stranger to my brothers, an alien to my own mother’s sons;
(മറ്റു പരിഭാഷകള്‍ ഇവിടെ കാണാം)

യേശുവിനെ പറ്റിയുള്ള ഒരു പ്രവചനമായി കണക്കാക്കുന്ന ഒന്നാണിത്.
സങ്കീര്‍ത്തനം ദാവീദിന്റേതാണ്. ഊറിയയുടെ ഭാര്യയെ ചതിവില്‍ സ്വന്തമാക്കിയതും അതു തെറ്റാണെന്ന് മനസ്സിലാക്കി പശ്ചാത്താപിക്കുകയും ചെയ്ത കാലയളവിലാണ് ദാവീദിന്റെ സങ്കീര്‍ത്തനങ്ങള്‍ വിലാപരൂപത്തില്‍ വരുന്നത്. ഇതു വാചികാര്‍ത്ഥത്തില്‍ എടുത്താല്‍ യേശുവിനു സ്വന്തം സഹോദരന്മാര്‍ ഉണ്ടായിരിക്കണം. യേശുവിനു സഹോദരന്മാര്‍ ഇല്ല എന്നത് സുവിശേഷത്തില്‍ കണ്ടു കഴിഞ്ഞു. പക്ഷേ യേശുവിനെ ബന്ധുക്കള്‍ തള്ളി പറയുന്നതു കാണാം.

മാര്‍ക്കോസ് 3:20 അവൻ വീട്ടിൽ വന്നു; അവർക്കും ഭക്ഷണം കഴിപ്പാൻ പോലും വഹിയാതവണ്ണം പുരുഷാരം പിന്നെയും തിങ്ങി കൂടി വന്നു.

3:21 അവന്റെ ചാർച്ചക്കാർ അതു കേട്ടു, അവന്നു ബുദ്ധിഭ്രമം ഉണ്ടു എന്നു പറഞ്ഞു അവനെ പിടിപ്പാൻ വന്നു.

ഈ വചനത്തേക്കാളും ഉപരി എനിക്കു തോന്നുന്നത്... പ്രവാചകന്‍ സ്വന്തം നാട്ടില്‍ വിലമതിക്കപ്പെടുകയില്ല എന്നതും ഇസ്രായേല്‍ ജനത തന്നെ യേശുവിനെ വിജാതീയര്‍ക്ക് ഏല്‍പ്പിച്ചു കൊടുത്തതും 69:8 ന്റെ പൂര്‍ത്തീകരണമായി കരുതാവുന്നതാണ്.

{{പലയിടത്തു നിന്നു ശേഖരിച്ച വിവരമാണ് ഈ ബ്ലോഗില്‍. അതു ഒരു ഓര്‍ഡറില്‍ ആക്കാനുള്ള ശ്രമത്തില്‍ എല്ലാ ആശയങ്ങളും ഉള്‍കൊള്ളിക്കാന്‍ സാധിച്ചിട്ടില്ല.}}
ആധാരം:
http://www.stjohn17v20-21.com/genlgy01.htm
http://www.catholic.com/thisrock/2000/0007sbs.asp
http://www.ewtn.com/library/SCRIPTUR/JESBRS.TXT

ദൈവം എവിടെയായിരുന്നു?

2010-04-02T15:44:00.000+05:30

എന്റെ മകന്‍ ബൈക്ക് ഇടിച്ചു മരിച്ചപ്പോള്‍...
എന്റെ ഭാര്യക്ക് കാന്‍സര്‍ വന്നപ്പോള്‍...
എന്റെ ജോലി നഷ്ടപ്പെട്ടപ്പോള്‍...
എന്റെ അച്ഛനെ കള്ളകേസില്‍ കുടുക്കിയപ്പോള്‍...

ഈ പറയുന്ന ദൈവം എവിടെയായിരുന്നു?

കാല്‍‌വരി മലയില്‍ , “എന്റെ ദൈവമേ എന്റെ ദൈവമേ എന്നെ കൈവിട്ടതെന്ത്” എന്ന് ക്രിസ്തു നിലവിളിച്ചപ്പോള്‍ എവിടെയായിരുന്നോ ദൈവം, അവിടെ തന്നെ ഇപ്പോഴും ഉണ്ട്.
(ഫുള്‍ട്ടന്‍ ജെ ഷീന്‍ ന്റെ ജീവിത കഥകളില്‍ നിന്ന് പ്രചോദനം)

Happy Good Friday!

യേശു കുരിശില്‍ മരിച്ചുവോ?

2010-03-31T23:59:00.000+05:30

സി.കെ. ബാബുവിന്റെ ബ്ലോഗില്‍ ആണ് ഈ ചോദ്യം ആദ്യമായി കാണുന്നത്.

യേശു കുരിശില്‍ മരിക്കാതെ രക്ഷപ്പെട്ടിരിക്കാനുള്ള വഴിയുണ്ട് എന്ന് യുക്തി സഹിതം തന്നെയാണ് ആ ബ്ലോഗില്‍ വിവരിക്കുന്നത്. ആ ബ്ലോഗ് വായിച്ച് എനിക്കു മനസ്സിലായ ആശയം സംഗ്രഹിക്കുന്നു.

1. സാധാരണ കുരിശു മരണം ദീര്‍ഘമേറിയ പ്രോസസ്സ് ആണ്. മറ്റുള്ളവര്‍ക്ക് ഈ ശിക്ഷ കണ്ട് പേടി തോന്നണം. കൊല്ലുക എന്ന ഉദ്ദേശം മാത്രമേ ഉള്ളൂ എങ്കില്‍ കഴുത്തു വെട്ടികൊല്ലാമായിരുന്നു.
2. യേശുവിന്റെ ഒപ്പം തൂക്കിലേറ്റിയവര്‍ അതു വരേയും മരിച്ചിട്ടില്ലായിരുന്നു.
3. ഒന്നോ രണ്ടോ ദിവസം കഴിഞ്ഞിട്ടു പോലും മരിക്കാത്തവരുടെ കാ‍ലൊടിച്ച് മരണം ത്വരിതപ്പെടുത്തുന്ന രീതി അതുകൊണ്ടാണ്.
4. യേശു മരിച്ചു എന്ന് കാണുകയാല്‍ യേശുവിന്റെ കാലുകള്‍ തല്ലിയൊടിക്കാതെ യേശുവിന്റെ നെഞ്ചില്‍ കുന്തം കൊണ്ട് കുത്തുന്നു. അപ്പോഴും രക്തം കട്ട പിടിച്ചിട്ടില്ല എന്നു കാണാം. ഹൃദയത്തിന്റെ പ്രവര്‍ത്തനം നിലച്ചാല്‍, രക്തം പമ്പുചെയ്യപ്പെടാതായാല്‍, രക്തചംക്രമണം നിലയ്ക്കും. പിന്നെ ശരീരം രക്തം ചിന്തുകയില്ല.
5. യേശുവിനെ താഴെയിറക്കിയ (പ്രമാണിയായ) അരിമത്ഥ്യയിലെ യോസേഫ്‌ യേശുവില്‍ ജീവന്റെ ലക്ഷണങ്ങള്‍ കാണുകയും, അവനെ രക്ഷപെടുത്തുവാന്‍ തയ്യാറാവുകയും ചെയ്തുവെങ്കില്‍ അതില്‍ അസാധാരണമായി ഒന്നുമില്ല
6. ധനികനായിരുന്ന യോസേഫ്‌ അതിനായി റോമന്‍ പടയാളികളെ (ഒരുപക്ഷേ പീലാത്തോസിനെത്തന്നെയും!) കൈമടക്കുനല്‍കി സ്വാധീനിക്കുന്നതുപോലും തള്ളിക്കളയാവുന്ന സാദ്ധ്യതയല്ല. അഴിമതി ഒരു ആധുനികപ്രതിഭാസമൊന്നുമല്ലല്ലോ!
7.യേശുവില്‍ മരണശിക്ഷാര്‍ഹമായ കുറ്റമൊന്നും കാണാതിരുന്ന പീലാത്തോസിന്റെ റോമന്‍കുലീനത്വം (യഹൂദരില്‍നിന്നു് വ്യത്യസ്തമായി!) അവനെ രക്ഷപെടുത്താന്‍ മൗനാനുവാദം നല്‍കിയിരിക്കാം എന്നതും ചിന്തിക്കാവുന്ന കാര്യമാണു്. “മരണയോഗ്യമായതു് ഒന്നും ഞാന്‍ അവനില്‍ കാണുന്നില്ല“ എന്ന് പീലാത്തോസ് പറയുന്നുണ്ട്.
8. വെള്ളിയാഴ്ച വൈകുന്നേരം അടക്കിയ യേശുവിനെ ശനിയാഴ്ച ആരും സന്ദര്‍ശിക്കുന്നില്ല. ഞായറാഴ്ച പുലര്‍ച്ച ശൂന്യമായ കല്ലറയാണ് സ്ത്രീകള്‍ കാണുന്നത്. ഒരു പക്ഷേ വെള്ളിയാഴ്ച തന്നെ യേശൂവിനെ കടത്തി കൊണ്ടു പോയാലും ആരും അറിയാന്‍ വഴിയില്ല.
9. ഇതിലെല്ലാമുപരിയായി, ഞായറാഴ്ച്ച രാവിലെ കല്ലറവാതില്‍ക്കല്‍ സംഭവിക്കുന്ന കാര്യങ്ങളുടെ വര്‍ണ്ണനയിലും, ശിഷ്യന്മാര്‍ക്കു് പ്രത്യക്ഷപ്പെടുന്നതിന്റെ വിവരണത്തിലും, സ്വര്‍ഗ്ഗാരോഹണസംബന്ധമായും നാലു് സുവിശേഷങ്ങളും തമ്മില്‍ ഏറെ വൈരുദ്ധ്യങ്ങള്‍ ദര്‍ശിക്കാന്‍ കഴിയും.

ആദ്യവായനയില്‍ വളരെ ശരി എന്നു തോന്നാവുന്നതാണ് ഈ ലേഖനം‍. ലേഖകന്‍ തന്റെ തിയറി സ്ഥാപിക്കാന്‍ തനിക്കാവശ്യമുള്ളതു മാത്രമേ അതില്‍ വച്ചിട്ടുള്ളൂ. അതില്‍ തന്നെയുള്ള തെറ്റുകള്‍ തേടിയാണ് ഈ ലേഖനം.

യേശുവിന്റെ നെഞ്ചില്‍ കുത്തുന്നതായി ബൈബിള്‍ പറയുന്നു. (ബാബുവും അതു തന്റെ ലേഖത്തില്‍ കൊടുത്തിട്ടുണ്ട്.#4)മുറിവില്‍ നിന്ന് രക്തവും വെള്ളവും പുറപ്പെട്ടു എന്ന് പറയുന്നു.മരിച്ച് കഴിഞ്ഞ് രക്തം കട്ടപിടിക്കാന്‍ എത്ര സമയം എടുക്കും എന്നത് ഡോക്ടര്‍മാരോട് ചോദിക്കേണ്ടി വരും. ബ്രൈയിന്‍ ഡെത്ത് സംഭവിച്ചവരുടെ ഹൃദയം പ്രവര്‍ത്തിക്കുമോ എന്നും പരിശോദിക്കേണ്ടതാണ്. (അതവിടെ നില്‍ക്കട്ടേ)

മറ്റൊരു കാര്യം ശ്രദ്ധിക്കേണ്ടത് എന്തിനു നെഞ്ചില്‍ കുത്തി എന്നതാണ്."അവന്‍ മരിച്ചു എന്നു് ഉറപ്പുവരുത്തുവാന്‍" ഒരു പടയാളി അവനെ കുന്തം കൊണ്ടു് കുത്തുന്നു. ഉദ്ദേശം മനസ്സിലായല്ലോ? മരിച്ചു എന്ന് ഉറപ്പു വരുത്താനാണ് കുന്തം കൊണ്ട് കുത്തുന്നത്. അതായത് ആ കുത്ത് കൊണ്ടാല്‍ അതുവരെ മരിക്കാതിരിക്കുന്ന ആളു പോലും മരിക്കണം. അതാണ് ഉദ്ദേശം. പള്ളയിലോ കൈയിലോ അല്ല കുത്തിനോക്കുന്നത്. നെഞ്ചിലാണ്. സമയത്ത് രോഗിയെ ഓപ്പറേഷന്‍ തിയറ്ററില്‍ കിട്ടിയില്ലെങ്കില്‍ ഒരു പക്ഷേ ആധുനിക വൈദ്യശാസ്ത്രം പോലും കൈമലര്‍ത്തി കാണിക്കുന്ന ഗുരുതരമായ മുറിവ്. അപ്പോള്‍ ആദ്യനൂറ്റാണ്ടിലെ അവസ്ഥ എന്തായിരിക്കും.

അതിനു ശേഷം വേണം കൈക്കൂലി കൊടുക്കാനും പീലാത്തോസിനെ വരെ വശത്താക്കാനും!

#9 ഞായറാഴ്ച കല്ലറയില്‍ കാണുന്ന വൈരുദ്ധ്യങ്ങള്‍ ഇവിടെ വിശകലനം ചെയ്യാന്‍ ശ്രമിച്ചിട്ടുണ്ട്.

ബൈബിള്‍ വൈരുദ്ധ്യങ്ങള്‍ - ഉയിര്‍പ്പ്- മൂന്നു ദിവസവും മൂന്നു രാത്രിക്കും ശേഷമോ?
ബൈബിള്‍ വൈരുദ്ധ്യങ്ങള്‍- ശവകുടീരത്തിങ്കല്‍

സി.കെ. ബാബു ഒരു സാധ്യതയാണ് അദ്ദേഹത്തിന്റെ ലേഖനത്തില്‍ അവതരിപ്പിക്കുന്നത്. ആ സാധ്യതയിലെ പിഴവ് ചൂണ്ടി കാണിക്കാനാണ് ഞാന്‍ ആഗ്രഹിക്കുന്നത്.

ബൈബിള്‍ വൈരുദ്ധ്യങ്ങള്‍ - അമലോത്ഭവം

2010-03-15T12:43:00.000+05:30

അമലോത്ഭവം എന്താണ്?
ജന്മപാപമില്ലാത്ത ജനനം എന്നര്‍ത്ഥം. ക്രിസ്ത്യാനികള്‍ (എല്ലാ വിഭാഗങ്ങളും) ഒരേ സ്വരത്തില്‍ അംഗീകരിക്കുന്ന ജന്മപാപമേശാത്ത ഒരാളുണ്ട്, യേശുക്രിസ്തു. ഡെഫിനിഷന്‍ നോക്കിയാല്‍ ജന്മപാപമില്ലാത്ത രണ്ടു പേര്‍ വേറെയുമുണ്ട്. ആദവും ഹവ്വയും. കാരണം ജനിക്കുന്നതു തന്നെ ദൈവത്തിന്റെ നേരിട്ടുള്ള ഇടപെടലിലാണ്. പെര്‍ഫെക്റ്റ് ആയിരിക്കണം ആ ജനനം എന്നര്‍ത്ഥം. ഇവിടുത്തെ വിഷയം വേറെയൊരാളുമായി ബന്ധപെട്ടാണ്. യേശുവിന്റെ അമ്മയായ മറിയമാണ് ആ വ്യക്തി. കന്യകാമറിയം അമലോത്ഭയാണോ അല്ലയോ?

മറിയം അമലോത്ഭവ അല്ലെന്ന് ചിലര്‍ വാ‍ദിക്കുന്നതിന്റെ കാരണം ലളിതമാണ്.
1. മറിയം അമലോത്ഭയാണെന്ന് നേരിട്ട് ബൈബിളില്‍ ഒരിടത്തും പറയുന്നില്ല.
2. റോമ 3:23 (പൌലോസ് ശ്ലീഹ) പറയുന്നു...
“ഒരു വ്യത്യാസവുമില്ല; എല്ലാവരും പാപം ചെയ്തു ദൈവതേജസ്സു ഇല്ലാത്തവരായിത്തീർന്നു“
"For there is no distinction, all have sinned and fall short of the glory of God"
3. ലൂക്ക 1:46 അപ്പോൾ മറിയ പറഞ്ഞതു: “എന്റെ ഉള്ളം കർത്താവിനെ മഹിമപ്പെടുത്തുന്നു;

1:47 എന്റെ ആത്മാവു എന്റെ രക്ഷിതാവായ ദൈവത്തിൽ ഉല്ലസിക്കുന്നു
1:47 and my spirit has begun to rejoice in God my Savior,

ചോദ്യം ഇതാണ്. ജന്മപാപമില്ലെങ്കില്‍ പിന്നെന്തിനാണ് മറിയം രക്ഷയെ കുറിച്ച് പറയുന്നത്.
ശരിയാണ് , മറിയത്തിനും രക്ഷ ലഭിച്ചിട്ടുണ്ട്. നമ്മള്‍ നേടിയതില്‍ നിന്നും അധികമായി. നമ്മുക്ക് രക്ഷ കൈവന്നത് യേശുവിന്റെ മരണവും ഉത്ഥാനവും വഴിയാണെങ്കില്‍, മാതാവിന്റേത് ദൈവത്തിന്റെ അനന്തകൃപയാലാണ്. (താഴെ ലൂക്ക 1:28 നോക്കുക)

മുകളില്‍ പറഞ്ഞ റോമ 3:23 വചനം പ്രകാരം കന്യകാമറിയവും ‘എല്ലാവരും’ എന്ന ഡെഫിനിഷനില്‍ പെടും എന്നതാണ് ചിലര്‍ വാദിക്കുന്നത്.
മറുവാദവും ലളിതമാണ്. ‘എല്ലാവരും‘ എന്ന ഡെഫിനിഷനില്‍ യേശൂ ഉള്‍പ്പെടുമോ? ആദം/ഹവ്വ ഉള്‍പ്പെടുമോ? ഇത്രയും പേരെ പൌലോസ് ശ്ലീഹ ഒഴിവാക്കിയെങ്കില്‍ മറിയത്തിനേയും ഒഴിവാക്കിയിട്ടില്ല എന്ന് കരുതാന്‍ എന്താണ് ന്യായം? ഒന്നാമത് പൌലോസ് ശ്ലീഹ അദ്ദേഹം അഭിസംബോധന ചെയ്യുന്ന സമൂഹത്തെ (അതുമല്ലെങ്കില്‍ പൊതുവില്‍ ഈ ലോകജനത്തെ) യാണ് ‘എല്ലാവരും’ എന്നതു കൊണ്ട് ഉദ്ദേശിക്കുന്നത്. അദ്ദേഹം നേരിട്ട് അഭിസംബോധന ചെയ്യുന്ന സമൂഹത്തില്‍ മുകളില്‍ പരാമര്‍ശിച്ച നാലുപേരും ഇല്ലായിരുന്നു.

അതുകൊണ്ടായില്ലല്ലോ, കന്യാകമറിയത്തിനു അമലോത്ഭവപദവികൊടുക്കാന്‍ എന്തേങ്കിലും കാരണം വേണ്ടേ?

ലൂക്ക 1:28 ദൂതൻ അവളുടെ അടുക്കൽ അകത്തു ചെന്നു: കൃപലഭിച്ചവളേ, നിനക്കു വന്ദനം; കർത്താവു നിന്നോടുകൂടെ ഉണ്ടു എന്നു പറഞ്ഞു.

പിതാവായ ദൈവത്തിന്റ അനുഗ്രഹിക്കപ്പെട്ട, അനന്തകൃപലഭിച്ച മകള്‍‍! ആദിയിലേ പുത്രനായ ദൈവത്തിന്റെ അമ്മയാകാന്‍ തിരഞ്ഞെടുക്കപ്പെട്ടവള്‍! പരിശുദ്ധാത്മാവിനാല്‍ ഗര്‍ഭണിയാകേണ്ടവള്‍! അവള്‍ തീര്‍ച്ചയായും അമലോത്ഭ ആയിരിക്കണം , ദൈവശാസ്ത്രപ്രകാരം ചിന്തിക്കുമ്പോള്‍!

യേശുവിനെ പുതിയ ആദം എന്നും മറിയത്തെ പുതിയ ഹവ്വ എന്നുമാണ് വിശേഷിപ്പിക്കുക. ഇതിനു കാ‍രണം ഉല്‍പ്പത്തിയുടെ പുസ്തകം 3:15 ആണ്. ദൈവം സാത്താനോട് പറയുന്നു... “ഞാൻ നിനക്കും സ്ത്രീക്കും നിന്റെ സന്തതിക്കും അവളുടെ സന്തതിക്കും തമ്മിൽ ശത്രുത്വം ഉണ്ടാക്കും.“

ഇതില്‍ പറയുന്ന ‘സ്ത്രീ‘ കന്യകാമറിയവും ‘അവളുടെ സന്തതി‘ യേശുവുമാണ്. എങ്ങിനെയാണ് ‘ആ’ സ്ത്രീക്ക് സാത്താനാല്‍ (പാപത്താല്‍) ജനിക്കാന്‍ കഴിയുക. അങ്ങിനെ ജനിച്ചിരുന്നുവെങ്കില്‍ എങ്ങിനെയാണ് അവളുടെ സന്താനത്തിന് പാപത്തിന്റെ തല തകര്‍ക്കുവാനും പാപത്തിന്റെ സന്താനമായ മരണത്തെ ജയിക്കാനും കഴിയുക?

സഡന്‍ ഡെത്ത്. ഫുള്‍ സ്റ്റോപ്പ് :-) പറഞ്ഞു വരുന്നതെന്തെന്നാല്‍ മറിയത്തിന്റെ അമലോത്ഭവം തള്ളികളയാന്‍ പാകത്തിന് ബൈബിളില്‍ തെളിവുകള്‍ ഇല്ല. പക്ഷേ അമലോത്ഭവയാണെന്ന് ഉറപ്പിക്കുന്ന തെളിവുകള്‍ ഉണ്ട് താനും. തൊട്ടുമുകളില്‍ പറയുന്ന വാദം അതില്‍ മുന്‍പന്തിയില്‍ വരും.

കുറച്ച് ചരിത്രം.

സ്വഭാവികമായും ഈ പഠനങ്ങള്‍ക്കും മറിയത്തിന്റെ അമലോത്ഭ ജനനവും പ്രഖ്യാപിക്കാനും സഭ വളരെയധികം നാളുകള്‍ എടുത്തു. Pope Pius IX മാര്‍പ്പാപ്പയാണ് 1854 December 8 നു് മറിയത്തിന്റെ അമലോത്ഭവം വിശ്വാസസത്യമായി പ്രഖ്യാപിച്ചത്. Irenaeus of Lyons(രണ്ടാം നൂറ്റാണ്ട്), Ambrose of Milan(നാലാം നൂറ്റാണ്ട്‌) എന്നീ ആദ്യകാല മെത്രാന്മാരുടെ പഠനങ്ങളും ഇതിനു ബലം പകര്‍ന്നിട്ടുണ്ട്. തോമാസ് അക്വീനാസിനെ പോലുള്ള ചിന്തകര്‍ മാതാവിന്റെ പാപരഹിതമായ ജീവിതം പ്രതിപാദിച്ചിട്ടുണ്ട് എങ്കിലും അമലോത്ഭവത്തില്‍ വൈമനസ്യം പ്രകടിപ്പിച്ചിരുന്നു. വിക്കി ലിങ്ക്

In his Apostolic Constitution Ineffabilis Deus (8 December 1854), which officially defined the Immaculate Conception as dogma for the Roman Catholic Church, Pope Pius IX primarily appealed to the text of Genesis 3:15, where the serpent was told by God, "I will put enmity between you and the woman, between your seed and her seed". According to the Roman Catholic understanding, this was a prophecy that foretold of a "woman" who would always be at enmity with the serpent—that is, a woman who would never be under the power of sin, nor in bondage to the serpent.

ഹവ്വയും മറിയവും

St. Justin Martyr said that Mary was a kind of New Eve, "in order that the disobedience which proceeded from the serpent might receive its destruction in the same manner in which it derived its origin".
Tertullian argued in a similar manner: "As Eve had believed the serpent, so Mary believed the angel. The delinquency which the one occasioned by believing, the other by believing effaced".
St. Irenaeus declared that Mary became "the cause of salvation, both to herself and the whole human race", because "what the virgin Eve had bound fast through unbelief, this did the virgin Mary set free through faith".
St. Jerome coined the phrase, "Death came through Eve, but life has come through Mary".

ബൈബിള്‍ വൈരുദ്ധ്യങ്ങള്‍ - സമാധാനം അല്ല വാള്‍

2010-03-13T15:43:00.000+05:30

“ഞാന്‍ ഭൂമിയില്‍ സമാധാനം വരുത്തുവാന്‍ വന്നു എന്നു നിരൂപിക്കരുതു; സമാധാനം അല്ല, വാള്‍ അത്രേ വരുത്തുവാന്‍ ഞാന്‍ വന്നതു. മനുഷ്യനെ തന്റെ അപ്പനോടും മകളെ അമ്മയോടും മരുമകളെ അമ്മാവിയമ്മയോടും ഭേദിപ്പിപ്പാനത്രേ ഞാന്‍ വന്നതു.“ മത്തായി 10.34

എല്ലാവരേയും എന്തിന് ശത്രുക്കളെ വരേയും സ്നേഹിക്കാ‍ന്‍ പറഞ്ഞവന്‍ തന്നയാണോ ഇതും പറഞ്ഞത് എന്ന് സംശയം തോന്നാം. ഉം... ഈ വചനത്തിന്റെ മുമ്പും പിമ്പും വായിക്കൂ..

മത്തായി 10:32

മനുഷ്യരുടെ മുമ്പിൽ എന്നെ ഏറ്റുപറയുന്ന ഏവനെയും സ്വർഗ്ഗസ്ഥനായ എന്റെ പിതാവിൻ മുമ്പിൽ ഞാനും ഏറ്റുപറയും.

10:33 മനുഷ്യരുടെ മുമ്പിൽ എന്നെ തള്ളിപ്പറയുന്നവനെയോ എന്റെ പിതാവിൻ മുമ്പിൽ ഞാനും തള്ളിപ്പറയും.

10:34ഞാൻ ഭൂമിയിൽ സമാധാനം വരുത്തുവാൻ വന്നു എന്നു നിരൂപിക്കരുതു; സമാധാനം അല്ല വാൾ അത്രേ വരുത്തുവാൻ ഞാൻ വന്നതു.

10:35 മനുഷ്യനെ തന്റെ അപ്പനോടും മകളെ അമ്മയോടും മരുമകളെ അമ്മാവിയമ്മയോടും ഭേദിപ്പിപ്പാനത്രേ ഞാൻ വന്നതു.

10:36 മനുഷ്യന്റെ വീട്ടുകാർ തന്നേ അവന്റെ ശത്രുക്കൾ ആകും.

10:37 എന്നെക്കാൾ അധികം അപ്പനേയോ അമ്മയേയോ പ്രിയപ്പെടുന്നവൻ എനിക്കു യോഗ്യനല്ല; എന്നെക്കാൾ അധികം മകനെയോ മകളെയോ പ്രിയപ്പെടുന്നവൻ എനിക്കു യോഗ്യനല്ല.

10:38 തന്റെ ക്രൂശു എടുത്തു എന്നെ അനുഗമിക്കാത്തവനും എനിക്കു യോഗ്യനല്ല.

10:39 തന്റെ ജീവനെ കണ്ടെത്തിയവൻ അതിനെ കളയും; എന്റെ നിമിത്തം തന്റെ ജീവനെ കളഞ്ഞവൻ അതിനെ കണ്ടെത്തും.

ഇനി നിങ്ങളുടെ അറിവിലേക്ക് ഒരു പഴയനിയമ വചനങ്ങളും ഇരിക്കട്ടേ

മീഖാ 7:6 മകൻ അപ്പനെ നിന്ദിക്കുന്നു; മകൾ അമ്മയോടും മരുമകൾ അമ്മാവിയമ്മയോടും എതിർത്തുനിലക്കുന്നു; മനുഷ്യന്റെ ശത്രുക്കൾ അവന്റെ വിട്ടുകാർ തന്നേ.

7:7 ഞാനോ യഹോവയിങ്കലേക്കു നോക്കും; എന്റെ രക്ഷയുടെ ദൈവത്തിന്നായി കാത്തിരിക്കും; എന്റെ ദൈവം എന്റെ പ്രാർത്ഥന കേൾക്കും.

മത്തായി 10:35-36 ഉം മീഖാ 7:6-7 ഉം തമ്മില്‍ എന്തേങ്കിലും സാദൃശ്യം നിങ്ങള്‍ കാണുന്നുണ്ടെങ്കില്‍ ഊഹിക്കുക അത് വെറുതെ വന്നതല്ല. ഇതേ യേശു തന്നെയാണ് 12ആം വയസ്സില്‍ യഹൂദപ്രമാണികളോട് നിയമങ്ങളെ പറ്റിയും മറ്റും ഒരു ‘സൌഹൃദ’ സംഭാഷണം നടത്തികൊണ്ടിരുന്നത്.

യേശുവിന്റെ വരവോട് കൂടി യഹൂദ സമൂഹത്തില്‍ എന്തു സംഭവിച്ചു? അവര്‍ വിശ്വാസത്തില്‍ രണ്ട് വിഭാഗമായി മാറി. വാളും അതു തന്നെയാണ് ചെയ്യുന്നത്, രണ്ടു കഷണമാക്കി കളയും.യേശുവിനോടുള്ള വിശ്വാസം പല കുടും‌ബത്തിലും കലഹത്തിനു കാരണമായിട്ടുണ്ടാ‍കണം.ഇത് ബൈബിളില്‍ ഇല്ലെങ്കിലും ഒരേ കുടും‌ബത്തില്‍ പല വിശ്വാസങ്ങള്‍ ഉള്ള ആളുകള്‍ക്ക് സമാധാനത്തില്‍ ജീവിക്കാന്‍ ബുദ്ധിമുട്ടാണെന്ന് ഊഹിക്കാം. യേശുവിന്റെ ജീവിതം തന്നെയെടുക്കാം. സ്വന്തം വീട് വിട്ട്, മാതാവിനെ വിട്ട്, പിതാവിന്റെ കാര്യങ്ങളില്‍ വ്യാപൃതാനാകാന്‍ ഇറങ്ങി പുറപ്പെട്ടു. മാതാവിന്റെ ഹൃദയത്തിലൂടെ ഒരു വാള്‍ (കഠിനമായ ദുഖം) കുത്തിയിറക്കി കുരിശുമരണം വരിച്ചു.

Luke 2:34 പിന്നെ ശിമ്യോൻ അവരെ അനുഗ്രഹിച്ചു അവന്റെ അമ്മയായ മറിയയോടു: അനേകഹൃദയങ്ങളിലെ വിചാരം വെളിപ്പെടേണ്ടതിന്നു ഇവനെ യിസ്രായേലിൽ പലരുടെയും വീഴ്ചെയക്കും എഴുന്നേല്പിന്നും മറുത്തുപറയുന്ന അടയാളത്തിന്നുമായി വെച്ചിരിക്കുന്നു.

2:35 നിന്റെ സ്വന്തപ്രാണനിൽകൂടിയും ഒരു വാൾ കടക്കും എന്നു പറഞ്ഞു.

മത്തായി 10:32-39 യേശു ഉദ്ദേശിക്കുന്നത് വളരെ വ്യക്തമാണ്. യേശുവിലുള്ള വിശ്വാസത്തിനു വേണ്ടി എന്തും തെജിക്കാന്‍ തയ്യാറായികൊള്ളാനാണ് ശിഷ്യന്മാരെ ഉദ്ബോധിപ്പിക്കുന്നത്. അതു സ്വന്തം ജീവനായി കൊള്ളട്ടേ കുടും‌ബമായി കൊള്ളട്ടേ യേശൂവിനെ കണ്ടേത്താനാണ് ഉപദേശിക്കുന്നത്. (എന്നെ കണ്ടെത്തിയവന്‍ എന്റെ പിതാവിനേയും കാണുന്നു എന്നതും ഇതിനോട് ചേര്‍ത്ത് വായിക്കാം). അല്ലാതെ വാളെടുത്ത് സ്വന്തം കുടും‌ബത്തിനെതിരായി യുദ്ധം ചെയ്യാന്‍ പറഞ്ഞിട്ടില്ല.

ഇതു പോലെ തന്നെ തെറ്റിധരിക്കപ്പെടുന്ന മറ്റൊരു വചനം
“അവന്‍ അവരോടു: എന്നാല്‍ ഇപ്പോള്‍ മടിശ്ശീലയുള്ളവന്‍ അതു എടുക്കട്ടെ; അവ്വണ്ണം തന്നേ പൊക്കണമുള്ളവനും; ഇല്ലാത്തവനോ തന്റെ വസ്ത്രം വിറ്റു വാള്‍ കൊള്ളട്ടെ.” ലൂക്കോസ് 22:36
ഇവിടെ ബ്ലോഗ് ആയി പോസ്റ്റ് ചെയ്തിട്ടുണ്ട്.

ബൈബിള്‍ വൈരുദ്ധ്യങ്ങള്‍ - വസ്ത്രം വിറ്റ് വാള്‍ വാങ്ങാന്‍ പറയുന്ന യേശൂ!

2010-03-13T12:37:00.000+05:30

“അവന്‍ അവരോടു: എന്നാല്‍ ഇപ്പോള്‍ മടിശ്ശീലയുള്ളവന്‍ അതു എടുക്കട്ടെ; അവ്വണ്ണം തന്നേ പൊക്കണമുള്ളവനും; ഇല്ലാത്തവനോ തന്റെ വസ്ത്രം വിറ്റു വാള്‍ കൊള്ളട്ടെ.” ലൂക്കോസ് 22:36

“വാള്‍ എടുത്തവന്‍ വാളാല്‍“ എന്ന ശക്തമായ താക്കീത് കൊടുത്ത, “നിങ്ങള്‍ പരസ്പരം സ്നേഹിക്കുവിന്‍ “ എന്ന ഉദ്ഘോഷിച്ച, “ശത്രുക്കളെ സ്നേഹിക്കുവിന്‍ “ എന്ന് പ്രഘോഷിച്ച അതേ വ്യക്തി തന്നെയാണോ വസ്ത്രം പോലും വിറ്റ് വാള്‍ വാങ്ങിക്കാന്‍ പറഞ്ഞത്.
(ഇപ്പോള്‍ പല മലയാളം ബ്ലോഗുകളിലും ഈ വചനം വികലമായി അവതരിപ്പിക്കപെട്ടിരിക്കുന്നത് കണ്ടു. അതിനാല്‍ അതിനെ പറ്റി പഠിക്കാന്‍ തീരുമാനിച്ചു)
വാള്‍ എന്നതിന്റെ ആന്തരിക അര്‍ത്ഥം ബൈബിള്‍ പ്രകാരം എന്തിനെ കുറിക്കുന്നു എന്ന് ഇവിടെ വിശദമായി വായിക്കാം.

വാള്‍ എന്നത് കൊല്ലുവാന്‍ എന്ന അര്‍ത്ഥത്തില്‍ ആണോ യേശു ഉപയോഗിക്കുന്നത് എന്ന് പരിശോധിക്കാം. പശ്ചാത്തലം ഇല്ലാതെ ഒരു വചനം മാത്രമെടുത്ത് പരിശോദിച്ചാല്‍ യുദ്ധത്തിനുള്ള തയ്യാറെടുപ്പായി തന്നെ തോന്നും. പക്ഷേ ഈ വചനം എപ്പോള്‍ എന്തര്‍ത്ഥത്തില്‍ പറഞ്ഞു എന്നത് മനസ്സിലാക്കാന്‍ ആര്‍ക്ക് താത്പര്യം അല്ലേ?

താത്പര്യം ഉള്ളവര്‍ ലൂക്കാ അദ്ധ്യായം 22 വായിക്കുക.

അന്ത്യ അത്താഴ സമയത്താണ് യേശു ഇത് പറയുന്നത്. അദ്യമായി യേശു വി.കുര്‍ബ്ബാന സ്ഥാപിക്കുന്നു(22:14-20). നിങ്ങള്‍ക്കു വേണ്ടി ചൊരിയാന്‍ പോക്കുന്ന രക്തം! (22:20) പിന്നെ തന്നെ ഒറ്റികൊടുക്കുവാന്‍ പോകുന്നവനെ പറ്റി യേശു സൂചിപ്പിക്കുന്നു(22:21-23). വിശ്വാസം ഉണ്ടേകേണ്ടതിന്റെ പ്രാധാന്യം സൂചിപ്പിക്കുന്നു. (22:32) . ശിമയോന്‍ തള്ളി പറയും എന്ന വ്യക്തമായ സൂചന നല്‍കുന്നു (22:34) . താന്‍ ഒറ്റികൊറ്റുക്കലിന്റേയും തള്ളിപറയുന്നവരുടേയും നടുവില്‍ എന്ന കഠിനമായ സത്യം മുന്നില്‍. അതിന്റെ പശ്ചാത്തലത്തില്‍ ആണ് വിവാദം എന്നു തോന്നാവുന്ന യേശുവിന്റെ പ്രസ്താവന. അതു തുടങ്ങുന്നതു പോലും ഇങ്ങനെയാണ്...

22:35 പിന്നെ അവൻ അവരോടു: ഞാൻ നിങ്ങളെ മടിശ്ശീലയും പൊക്കണവും ചെരിപ്പും കൂടാതെ അയച്ചപ്പോൾ വല്ല കുറവുമുണ്ടായോ എന്നു ചോദിച്ചതിന്നു: ഒരു കുറവുമുണ്ടായില്ല എന്നു അവർ പറഞ്ഞു.

22:36 അവൻ അവരോടു: എന്നാൽ ഇപ്പോൾ മടിശ്ശീലയുള്ളവൻ അതു എടുക്കട്ടെ; അവ്വണ്ണം തന്നേ പൊക്കണമുള്ളവനും; ഇല്ലാത്തവനോ തന്റെ വസ്ത്രം വിറ്റു വാൾ കൊള്ളട്ടെ.

22:37 അവനെ അധർമ്മികളുടെ കൂട്ടത്തിൽ എണ്ണി എന്നു എഴുതിയിരിക്കുന്നതിന്നു ഇനി എന്നിൽ നിവൃത്തിവരേണം എന്നു ഞാൻ നിങ്ങളോടു പറയുന്നു; എന്നെക്കുറിച്ചു എഴുതിയിരിക്കുന്നതിന്നു നിവൃത്തി വരുന്നു എന്നു പറഞ്ഞു.

22:38 കർത്താവേ, ഇവിടെ രണ്ടു വാൾ ഉണ്ടു എന്നു അവർ പറഞ്ഞതിന്നു: മതി എന്നു അവൻ അവരോടു പറഞ്ഞു.

യേശുവിന്റെ പരസ്യജീവിതത്തിന്റെ ആദ്യ ഘട്ടത്തില്‍ ശിഷ്യന്മാരെ സുവിശേഷവേലയ്ക്ക് പറഞ്ഞയക്കുന്നുണ്ട്. അന്ന് അവരോട് പണവും ചെരിപ്പും മറ്റുള്ളവയൊന്നും എടുക്കരുത് എന്നാണ് പറഞ്ഞ് വിട്ടത്. എന്നിട്ട് അവര്‍ക്ക് വല്ല കുറവും ഉണ്ടായോ എന്നാണ് യേശു ചോദിക്കുന്നത്?
ആ സന്ദര്‍ഭത്തില്‍ ഭയാജനകമായ ഒരവസ്ഥയല്ല ശിഷ്യന്മാര്‍ക്ക് ഉണ്ടാകുക എന്ന് യേശുവിന് അറിയാമായിരുന്നു. പക്ഷേ ഇനിയങ്ങോട് സ്ഥിതി അങ്ങിനെയല്ല; യേശുവിനേയും കൊന്ന് ശിഷ്യന്മാരേയും വെറുതെ വിടാന്‍ ഭാവമില്ലാതെ കലി തുള്ളി നില്‍ക്കുന്നവരുടെ ഇടയിലേക്കാണ് ശിഷ്യന്മാര്‍ കുറച്ചു ദിവസത്തിനുള്ളില്‍ സുവിശേഷപ്രഘോഷണത്തിന് പോകുവാന്‍ പോകുന്നത് എന്നതിന്റെ വ്യക്തമായ സൂചനയാണ് ലൂക്കോസ് 22:36 ഉള്ളത്. പണ്ടത്തെ പോലയുള്ള ഈസി ഗോയിങ്ങ് ആവില്ല ഇപ്പോള്‍ എന്ന്. വാള്‍ പോലെയുള്ള മാരകമായ പദങ്ങള്‍ ഉപയോഗിക്കുന്നത് ഭീകരമായ അന്തരീക്ഷത്തെ ഉദ്ദേശിച്ചാണ്.

പത്രോസ് ചോദിക്കുന്നു രണ്ട് വാളുണ്ട് മതിയാകുമോ എന്ന്? ശരിക്കുമുള്ള യുദ്ധമാണ് യേശുവിന്റെ മനസ്സില്‍ എങ്കില്‍ രണ്ട് വാളു മതിയാകും എന്നു പറയുന്ന യേശുവിന് ഒന്നുങ്കില്‍ ഭ്രാന്തായിരിക്കും അല്ലെങ്കില്‍ ഉദ്ദേശം വേറെ വല്ലതും ആകും. ഉദ്ദേശം തൊട്ടടുത്ത വചനത്തില്‍ ഉണ്ട്. “അവനെ അധർമ്മികളുടെ കൂട്ടത്തിൽ എണ്ണി എന്നു എഴുതിയിരിക്കുന്നതിന്നു ഇനി എന്നിൽ നിവൃത്തിവരേണം“ (ഏശയ്യ 53:12) എങ്ങിനെയുണ്ട്? ഈ അത്താഴം കഴിഞ്ഞ് ഗദ്സമെന്‍ തോട്ടത്തില്‍ വച്ച് യേശുവിനെ പിടികൂടുമ്പോള്‍ യേശുവിന്റെ അനുചരന്മാരുടെ കൈയില്‍ വാളുണ്ടായിരുന്നു. സീസറിനെതിരെ അക്രമം അഴിച്ചു വിടാന്‍ തയ്യാറെടുക്കുന്ന അക്രമിയായിട്ടാണ് യഹൂദര്‍ യേശുവിനെ പീലാത്തോസിന്റെ മുമ്പില്‍ അവതരിപ്പിക്കുന്നത്.

യുദ്ധം ചെയ്യാന്‍ വാളും എടുത്ത് പുറപ്പെട്ട പത്രോസ് ഗത്സമെന്‍ തോട്ടത്തില്‍ വച്ച് ഒരു പടയാളിയെ വെട്ടുന്നു. അവന്റെ ചെവി അറ്റുപോകുന്നു. അത് തൊട്ട് സുഖപ്പെടുത്തി പത്രോസിനെ യേശു ശാസിക്കുന്നു.
22:51 But Jesus said, “Enough of this!” And he touched the man’s ear and healed him.

മത്തായി അതിലും നല്ല വിവരണം കൊടുത്തിട്ടുണ്ട്. വായിക്കുക

26:53 എന്റെ പിതാവിനോടു ഇപ്പോൾ തന്നേ പന്ത്രണ്ടു ലെഗ്യോനിലും അധികം ദൂതന്മാരെ എന്റെ അരികെ നിറുത്തേണ്ടതിന്നു എനിക്കു അപേക്ഷിച്ചുകൂടാ എന്നു തോന്നുന്നുവോ?

26:54 എന്നാൽ ഇങ്ങനെ സംഭവിക്കേണം എന്നുള്ള തിരുവെഴുത്തുകൾക്കു എങ്ങനെ നിവൃത്തിവരും” എന്നു പറഞ്ഞു.

26:55 ആ നാഴികയിൽ യേശു പുരുഷാരത്തോടു: “ഒരു കള്ളന്റെ നേരെ എന്നപോലെ നിങ്ങൾ എന്നെ പിടിപ്പാൻ വാളും വടിയുമായി വന്നിരിക്കുന്നു; ഞാൻ ദിവസേന ഉപദേശിച്ചുകൊണ്ടു ദൈവാലയത്തിൽ ഇരുന്നിട്ടും നിങ്ങൾ എന്നെ പിടിച്ചില്ല.

വാള്‍ ഉപയോഗിക്കരുത് , അക്രമം ചെയ്യരുത് എന്ന വ്യക്തമായ സന്ദേശമാണ് യേശൂ പത്രോസിന് കൊടുക്കുന്നത്. അതുകൊണ്ട് തന്നെ വസ്ത്രം വിറ്റ് വാങ്ങാന്‍ പറഞ്ഞ വാള്‍, കൊല ചെയ്യാന്‍ ഉപയോഗിക്കുന്ന വാള്‍ അല്ല എന്നു മനസിലാക്കാം. മാത്രവുമല്ല, അപ്പസ്തോലപ്രവര്‍ത്തനങ്ങളും ലേഖനങ്ങളും വായിച്ചാല്‍ മനസ്സിലാക്കാം, ഇതേ ശിഷ്യന്മാര്‍ പിന്നേടൊരിക്കലും വാള്‍ അക്രമത്തിനായി ഉപയോഗിച്ചിട്ടില്ല.

സത്യം പറഞ്ഞാല്‍ ഈ ബ്ലോഗ് ലോകത്തിലും യേശുവിനെ അക്രമം നടത്താന്‍ ആഹ്വാനം ചെയ്യുന്നവനായി ചിത്രീകരിക്കുന്നതു കാണുമ്പോള്‍ യേശുവില്‍ വിശ്വസിക്കുന്നവരേ, നിങ്ങള്‍ ആഹ്ലാദിക്കുവിന്‍ ...കാരണം അവന്‍ അക്രമികളുടെ കൂട്ടത്തില്‍ എണ്ണപ്പെടും എന്ന ഏശയ്യ പ്രവാചകന്റെ പ്രവചനം ഇപ്പോഴും ശരിയായി തന്നെ തുടര്‍ന്നു കൊണ്ടേയിരിക്കുന്നു.

ബൈബിള്‍ വൈരുദ്ധ്യങ്ങള്‍ - ഉയിര്‍പ്പ്- മൂന്നു ദിവസവും മൂന്നു രാത്രിക്കും ശേഷമോ?

2010-03-10T16:13:00.000+05:30

മത്തായി 12:40 ല്‍ യേശു പറയുന്നു: യോനാ കടലാനയുടെ വയറ്റിൽ മൂന്നു രാവും മൂന്നു പകലും ഇരുന്നതു പോലെ മനുഷ്യപുത്രൻ മൂന്നു രാവും മൂന്നു പകലും ഭൂമിയുടെ ഉള്ളിൽ ഇരിക്കും.
പക്ഷേ യേശു മൂന്നാം നാള്‍ ഉയിര്‍ത്തു? വൈരുദ്ധ്യമല്ലേ ഇത്‌?

യേശു വെള്ളിയാഴ്ച വൈകുന്നേരം മൂന്നുമണിയോടെ മരിച്ചു; അടക്കി, ഞായറാഴ്ച പുലര്‍ച്ച 6 മണിക്ക് മുമ്പ് ഉയിര്‍ത്തതായി കാണപ്പെട്ടു. എങ്ങിനെ നോക്കിയാലും മൂന്ന് പകലും രണ്ട് രാത്രിയുമേ കൂടിപോയാല്‍ വരികയുള്ളൂ. വെള്ളിയാഴ്ച രാത്രിയും ശനിയാഴ്ച രാത്രിയും.

നമ്മള്‍ 21 ആം നൂറ്റാണ്ടില്‍ നിന്ന് ഒന്നാം നൂറ്റാണ്ടിലെ പുസ്തകം വായിക്കുന്നതിലെ ചെറിയ തകരാറാണിത്. മൂന്നു പകലും മൂന്നു രാവും എന്നു പറഞ്ഞാല്‍ 72 മണിക്കൂര്‍ സമയം. ഒരു സെക്കന്റ് അങ്ങോട്ടും ഇങ്ങോട്ടും മാറിയാല്‍ ഈ കണക്ക് തെറ്റും. ഇങ്ങനെ തന്നെയാണോ പറഞ്ഞ ആളും കേട്ട ആളുകളും ഇത് എഴുതി വെച്ച ആളുകളും മനസ്സിലാക്കിയത്?
അതു മനസ്സിലാക്കണമെങ്കില്‍ വെറുതേ യഹൂദന്മാരുടെ ശൈലി മനസ്സിലാക്കിയാല്‍ മതി? എവിടെ പോയി തപ്പും ആ ശൈലി മനസ്സിലാക്കണമെങ്കില്‍? പഴയ നിയമ പുസ്തകം ഉണ്ടല്ലോ നമുക്കു മുമ്പില്‍!

പുറപ്പാട് 24:18 - മോശെയോ മേഘത്തിന്റെ നടുവിൽ പർവ്വതത്തിൽ കയറി. മോശ നാല്പതു പകലും നാല്പതു രാവും പർവ്വതത്തിൽ ആയിരുന്നു.

യോനാ 1:17 അങ്ങനെ യോനാ മൂന്നു രാവും മൂന്നു പകലും മത്സ്യത്തിന്റെ വയറ്റിൽ കിടന്നു

ജോബ് 2:13 അവന്റെ വ്യസനം അതികഠിനമെന്നു കണ്ടിട്ടു അവർ ആരും ഒരു വാക്കും മിണ്ടാതെ ഏഴു രാപ്പകൽ അവനോടുകൂടെ നിലത്തിരുന്നു.

ഇത് യഹൂദന്മാരുടെ ഒരു ശൈലിയാണ്. ഒരേ നമ്പര്‍ രാവും പകലും പറയുന്നത്. പക്ഷേ സംഭവിക്കുന്നതോ എസ്തേര്‍ വായിച്ചാല്‍ മനസ്സിലാകും.
എസ്തേര്‍ 4:16 നിങ്ങൾ മൂന്നു ദിവസം രാവും പകലും തിന്നുകയോ കുടിക്കയോ ചെയ്യാതെ എനിക്കു വേണ്ടി ഉപവസിപ്പിൻ; ഞാനും എന്റെ ബാല്യക്കാരത്തികളും അങ്ങനെ തന്നേ ഉപവസിക്കും

5:1 മൂന്നാം ദിവസം എസ്തേർ രാജവസ്ത്രം ധരിച്ചുംകൊണ്ടു രാജധാനിയുടെ അകത്തെ പ്രാകാരത്തിൽ ചെന്നു രാജഗൃഹത്തിന്റെ നേരെ നിന്നു.

മൂന്നാം ദിവസം എസ്തേര്‍ രാജാവിന്റെ മുമ്പില്‍ എത്തി. അതായത് മൂന്നാം രാത്രി ഉപവിസിച്ചിട്ടില്ലെന്ന്. എസ്തേര്‍ പറഞ്ഞ ദിവസം പകലിന്റേയും രാജാവിന്റെ മുമ്പില്‍ എത്തിയ മൂന്നാം ദിവസം പകലിന്റേയും അംശങ്ങള്‍ പൂര്‍ണ്ണ പകലുകള്‍ ആയിട്ടാണ് അവര്‍ കണക്കാക്കുന്നത്.

അതു അവിടെ നില്‍ക്കട്ടേ, യേശുവിന്റെ കാലത്തെ യഹൂദര്‍ എന്താണ് മനസ്സിലാക്കിയത്? അതു പുതിയ നിയമപുസ്തകത്തില്‍ ഉണ്ട്.

മത്തായി 27:62 ഒരുക്കനാളിന്റെ പിറ്റെ ദിവസം മഹാപുരോഹിതന്മാരും പരീശന്മാരും പീലാത്തൊസിന്റെ അടുക്കൽ ചെന്നുകൂടി:27:63 യജമാനനേ, ആ ചതിയൻ ജീവനോടിരിക്കുമ്പോൾ: മൂന്നുനാൾ കഴിഞ്ഞിട്ടു ഞാൻ ഉയിർത്തെഴുന്നേലക്കും എന്നു പറഞ്ഞപ്രകാരം ഞങ്ങൾക്കു ഓർമ്മ വന്നു.

27:64 അതുകൊണ്ടു അവന്റെ ശിഷ്യന്മാർ ചെന്നു അവനെ മോഷ്ടിച്ചിട്ടു, അവൻ മരിച്ചവരുടെ ഇടയിൽ നിന്നു ഉയിർത്തെഴുന്നേറ്റു എന്നു ജനത്തോടു പറകയും ഒടുവിലത്തെ ചതിവു മുമ്പിലത്തേതിലും വിഷമമായിത്തീരുകയും ചെയ്യാതിരിക്കേണ്ടതിന്നു മൂന്നാം നാൾവരെ കല്ലറ ഉറപ്പാക്കുവാൻ കല്പിക്ക എന്നു പറഞ്ഞു.

27:65 പീലാത്തൊസ് അവരോടു: കാവൽക്കൂട്ടത്തെ തരാം; പോയി നിങ്ങളാൽ ആകുന്നെടത്തോളം ഉറപ്പുവരുത്തുവിൻ എന്നു പറഞ്ഞു.

27:66 അവർ ചെന്നു കല്ലിന്നു മുദ്രവെച്ചു കാവൽക്കൂട്ടത്തെ നിറുത്തി കല്ലറ ഉറപ്പാക്കി

യേശുവിന്റെ വിചാരണ വേളയിലെ ഒരു ആരോപണം ശ്രദ്ധിക്കൂ..

മാര്‍ക്കോസ് 14:58 ഞാൻ കൈപ്പണിയായ ഈ മന്ദിരം പൊളിച്ചു മൂന്നു ദിവസംകൊണ്ടു കൈപ്പണിയല്ലാത്ത മറ്റൊന്നു പണിയും എന്നു ഇവൻ പറഞ്ഞതു ഞങ്ങൾ കേട്ടു എന്നു കള്ളസ്സാക്ഷ്യം പറഞ്ഞു.

ഇതില്‍ നിന്ന് എന്തുമനസ്സിലാക്കാം? 72 മണിക്കൂര്‍ സമയമല്ല അവരും മനസ്സിലാക്കിയത് എന്നു മനസ്സിലാക്കാം.

യഹൂദര്‍ ഇങ്ങനെ ചോദിക്കാന്‍ കാരണം ഈ സന്ദര്‍ഭമാണ്.

യോഹന്നാന്‍ 2:18 എന്നാൽ യെഹൂദന്മാർ അവനോടു: നിനക്കു ഇങ്ങനെ ചെയ്യാം എന്നതിന്നു നീ എന്തു അടയാളം കാണിച്ചു തരും എന്നു ചോദിച്ചു.

2:19 യേശു അവരോടു: ഈ മന്ദിരം പൊളിപ്പിൻ; ഞാൻ മൂന്നു ദിവസത്തിന്നകം(in 3 days) അതിനെ പണിയും എന്നു ഉത്തരം പറഞ്ഞു.

2:20 യെഹൂദന്മാർ അവനോടു: ഈ മന്ദിരം നാല്പത്താറു സംവത്സരം കൊണ്ടു പണിതിരിക്കുന്നു; നീ മൂന്നു ദിവസത്തിനകം(in 3 days) അതിനെ പണിയുമോ എന്നു ചോദിച്ചു.

ആ കാലഘട്ടത്തിലെ സമയ ക്രമം അറിയുന്നവരും മൂന്നാം നാള്‍ എന്നു തന്നെയാണ് ഉപയോഗിക്കുന്നത്

അപ്പസ്തോലപ്രസര്‍ത്തനങ്ങള്‍ 10:39 യെഹൂദ്യദേശത്തിലും യെരൂശലേമിലും അവൻ ചെയ്ത സകലത്തിനും ഞങ്ങൾ സാക്ഷികൾ ആകുന്നു. അവനെ അവർ മരത്തിന്മേൽ തൂക്കിക്കൊന്നു;

10:40 ദൈവം അവനെ മൂന്നാം നാൾ ഉയിർത്തെഴുന്നേല്പിച്ചു,

10:41 സകല ജനത്തിന്നുമല്ല, ദൈവം മുമ്പുകൂട്ടി നിയമിച്ച സാക്ഷികളായി, അവൻ മരിച്ചവരിൽനിന്നു ഉയിർത്തെഴുന്നേറ്റശേഷം അവനോടുകൂടെ തിന്നുകുടിച്ചവരായ ഞങ്ങൾക്കു തന്നേ പ്രത്യക്ഷനാക്കിത്തന്നു.

ഇതില്‍ നിന്നും മനസ്സിലാക്കാം യോനാ പ്രവാചകന്‍ 72 മണിക്കൂര്‍ തികച്ചും മത്സ്യത്തില്‍ വയറ്റില്‍ കിടന്നു എന്നല്ല ലേഖകന്‍ ഉദ്ദേശിച്ചിരിക്കുക. അതും യഹൂദരുടെ ശൈലി അനുസരിച്ച് ഒന്നാം ദിവസം പകലിന്റെ കുറച്ചു സമയവും, ഒന്നാം രാത്രി, രണ്ടാം പകല്‍, രണ്ടാം രാത്രി മുഴുവനും മൂന്നാം ദിവസം പകലിന്റെ കുറച്ചു സമയവുമാണ് യോനാ പ്രവാചകന്‍ കഴിച്ചു കൂട്ടിയത്.

ഇനി പറയൂ, മത്തായി 12:40 ല്‍ എന്തേങ്കിലും വൈരുദ്ധ്യം ഉണ്ടോ?

ബൈബിള്‍ വൈരുദ്ധ്യങ്ങള്‍- യേശുവും പ്രാര്‍ത്ഥിക്കുന്നു,ആരോട്, എന്തിന്?

2010-03-10T08:45:00.000+05:30

ദൈവമായ യേശു എന്തിന്, ആരോട് പ്രാര്‍ത്ഥിക്കുന്നു. പല സന്ദര്‍ഭങ്ങളിലും യേശു പ്രാര്‍ത്ഥിക്കുന്നതായി കാണാം. ഗദ്സെമെന്‍ തോട്ടം അതില്‍ തന്നെ ഏറെ ഇഷ്ടപ്പെട്ട സ്ഥലം. ഏകാന്തമായ സ്ഥലം. കഴിയുമെങ്കില്‍ ഈ കാസ എന്നില്‍ നിന്നു മാറ്റി തരണം എന്നു വരെ പ്രാര്‍ത്ഥിക്കുന്നു.

യോഹന്നാന്‍ 14:16 എന്നാൽ ഞാൻ പിതാവിനോടു ചോദിക്കും; അവൻ സത്യത്തിന്റെ ആത്മാവു എന്ന മറ്റൊരു കാര്യസ്ഥനെ എന്നേക്കും നിങ്ങളോടു കൂടെ ഇരിക്കേണ്ടതിന്നു നിങ്ങൾക്കു തരും.

ദൈവമാണെങ്കില്‍ ഈ പ്രാര്‍ത്ഥനയുടെ/ചോദിക്കുന്നതിന്റെ ആവശ്യമെന്ത്? നേരിട്ട് ചെയ്താല്‍ പോരേ?

അതിനുള്ള ഉത്തരം ബൈബിളില്‍ തന്നെയുണ്ട്...
പിതാവിന്റെ ഇഷ്ടപ്രകാരമാണ് പുത്രന്‍ വരുന്നത്. അവിടുത്തെ ഇഷ്ടം നിറവേറ്റാനാണ് പുത്രന്റെ ഇഷ്ടം. പിതാവിനോടുള്ള വിധേയത്തവും അനുസരണയും യേശു പ്രകടമാക്കുന്നുണ്ട്. പിതാവിന്റെ ഇഷ്ടം അന്വേഷിക്കാനാണ് യേശുവിന്റെ ഇഷ്ടം. പുത്രനായ ദൈവത്തിന്റേയും പിതാവായ ദൈവത്തിന്റെയും പരിശുദ്ധാത്മാവായ ദൈവത്തിന്റേയും വ്യക്തമായ പദ്ധതിയും യേശുവിന്റെ വാക്കുകളില്‍/പ്രാര്‍ത്ഥനകളില്‍ കാണുവാന്‍ കഴിയും

John 5:30 I can do nothing on my own initiative. Just as I hear, I judge, and my judgment is just, because I do not seek my own will, but the will of the one who sent me.
പരിപൂര്‍ണ്ണവിധേയന്‍ ; മനുഷ്യര്‍ക്ക് ദൈവത്തോടുണ്ടായിരിക്കേണ്ട വിധേയത്വം പഠിപ്പിക്കാന്‍ സ്ത്രീയില്‍ നിന്ന് ജനിച്ചവന്റെ മഹനീയമായ മാതൃക. നിങ്ങളും പിതാവിന്റെ ഇഷ്ടം അന്വേഷിക്കുവിന്‍ എന്ന്.

യേശുവിനു വേണ്ടി മാത്രമാണോ യേശു പ്രാര്‍ത്ഥിക്കുന്നത്?

John 17:19 അവരും സാക്ഷാൽ വിശുദ്ധീകരിക്കപ്പെട്ടവർ ആകേണ്ടതിന്നു ഞാൻ അവർക്കും വേണ്ടി എന്നെത്തന്നേ വിശുദ്ധീകരിക്കുന്നു.
17:20 ഇവർക്കും വേണ്ടിമാത്രമല്ല, ഇവരുടെ വചനത്താൽ എന്നിൽ വിശ്വസിപ്പാനിരിക്കുന്നവർക്കും വേണ്ടിയും ഞാൻ അപേക്ഷിക്കുന്നു.
John 17:20 "I am praying not only for these disciples but also for all who will ever believe in me because of their testimony

എന്തുകൊണ്ടാണ് യേശു പ്രാര്‍ത്ഥിക്കുന്നത് എന്നതിന് കൂടുതല്‍ വ്യക്തമായ ഉത്തരം ഇവിടെ..

Philippians 2:5 ക്രിസ്തുയേശുവിലുള്ള ഭാവം തന്നേ നിങ്ങളിലും ഉണ്ടായിരിക്കട്ടെ.
2:6 അവൻ ദൈവരൂപത്തിൽ ഇരിക്കെ ദൈവത്തോടുള്ള സമത്വം മുറുകെ പിടിച്ചു കൊള്ളേണം എന്നു
2:7 വിചാരിക്കാതെ ദാസരൂപം എടുത്തു
2:8 മനുഷ്യസാദൃശ്യത്തിലായി തന്നെത്താൽ ഒഴിച്ചു വേഷത്തിൽ മനുഷ്യനായി വിളങ്ങി തന്നെത്താൻ താഴ്ത്തി മരണത്തോളം ക്രൂശിലെ മരണത്തോളം തന്നേ, അനുസരണമുള്ളവനായിത്തീർന്നു.
Philippians 2:5 You should have the same attitude toward one another that Christ Jesus had,
2:6 who though he existed in the form of God; did not regard equality with God;as something to be grasped,
2:7 but emptied himself;by taking on the form of a slave, by looking like other men, അnd by sharing in human nature. 14
2:8 He humbled himself,
by becoming obedient to the point of death
– even death on a cross!
----------------

കുറേ വചനങ്ങള്‍ ഇനിയുമുണ്ട് ബൈബിളില്‍.

ഓക്കെ. ഇതാ നേരിട്ടുള്ള ഉത്തരങ്ങള്‍ ‍. ആരോടാണ് യേശു പ്രാര്‍ത്ഥിക്കുന്നത്?
ത്രിത്വത്തിലെ പിതാവായ ദൈവത്തോട്?
എന്തിന്?എന്തുകൊണ്ട്?
അവിടുത്തെ ഇഷ്ടം അറിയാന്‍ . മറ്റുള്ളവര്‍ക്ക് മാതൃകയാകാന്‍ (Philippians 2:5 )

യോഹന്നാന്‍ 5:30 എനിക്കു സ്വതേ ഒന്നും ചെയ്‍വാൻ കഴിയുന്നതല്ല
എന്ന് യേശു പറയുന്നുണ്ടല്ലോ? ദൈവമായ യേശുവിന് ഒന്നു ഒറ്റക്ക് ചെയ്യാന്‍ കഴിവില്ലെന്നോ? Philippians 2:5-8 വായിച്ചാല്‍ ഉത്തരം കിട്ടും. പിന്നെ അതു മാത്രമല്ല യേശു പറഞ്ഞത്.

യോഹന്നാന്‍ 14:6

ഞാൻ തന്നേ വഴിയും സത്യവും ജീവനും ആകുന്നു; ഞാൻ മുഖാന്തരമല്ലാതെ ആരും പിതാവിന്റെ അടുക്കൽ എത്തുന്നില്ല.

14:7 നിങ്ങൾ എന്നെ അറിഞ്ഞു എങ്കിൽ എന്റെ പിതാവിനെയും അറിയുമായിരുന്നു; ഇന്നുമുതൽ നിങ്ങൾ അവനെ അറിയുന്നു; അവനെ കണ്ടുമിരിക്കുന്നു എന്നു പറഞ്ഞു.

14:9 ...;എന്നെ കണ്ടവൻ പിതാവിനെ കണ്ടിരിക്കുന്നു;...

14:10 ഞാൻ പിതാവിലും പിതാവു എന്നിലും ആകുന്നു എന്നു നീ വിശ്വസിക്കുന്നില്ലയോ? ഞാൻ നിങ്ങളോടു പറയുന്ന വചനം സ്വയമായിട്ടല്ല സംസാരിക്കുന്നതു; പിതാവു എന്നിൽ വസിച്ചുകൊണ്ടു തന്റെ പ്രവൃത്തി ചെയ്യുന്നു

14:14 നിങ്ങൾ എന്റെ നാമത്തിൽ എന്നോടു അപേക്ഷിക്കുന്നതു ഒക്കെയും ഞാൻ ചെയ്തുതരും.

14:15 നിങ്ങൾ എന്നെ സ്നേഹിക്കുന്നു എങ്കിൽ എന്റെ കല്പനകളെ കാത്തുകൊള്ളും.

യേശുവിന്റെ കല്പന അനുസരിക്കുന്നവര്‍ക്ക് അവര്‍ അപേക്ഷികുന്നതൊക്കയും യേശു ചെയ്തു തരുമെന്ന്!!!

ഇപ്പോള്‍ മനസ്സിലായോ എന്തുകൊണ്ടാണ് യേശു പ്രാര്‍ത്ഥിക്കുന്നതെന്നും എന്തുകൊണ്ടാണ് ക്രിസ്ത്യാനികള്‍ യേശുവിനോട് പ്രാര്‍ത്ഥിക്കുന്നത് എന്നും?
(ബീമാപള്ളിയെഴുതിയ ഈ ബ്ലൊഗാണ് ഇതെഴുതാന്‍ പ്രചോദനം)

ബൈബിള്‍ വൈരുദ്ധ്യങ്ങള്‍- ത്രിത്വം

2010-03-01T15:23:00.000+05:30

ബൈബിളില്‍ ഈ പദം നേരിട്ട് ഒരിടത്തും ഉപയോഗിച്ചിട്ടുണ്ടാവില്ല.(എങ്കിലും ഉണ്ട്.) കൂടാതെ മനസ്സിലാകാന്‍ വളരെ സങ്കീര്‍ണ്ണമായ പദവും. (എന്നാല്‍ ആകുന്ന വിധം ഒരു ശ്രമം ഈ ബ്ലോഗില്‍)

എന്താണ് ബൈബിള്‍ ഭാഷയില്‍ ത്രിത്വം?
പിതാവായ ദൈവം, പുത്രനായ ദൈവം(യേശു) , പരിശുദ്ധാത്മാവായ ദൈവം. ഇവര്‍ മൂന്നു പേരും ദൈവമണെന്നു പറയുന്നു. പക്ഷേ ദൈവം ഒന്നേയുള്ളൂ എന്ന് പഴയനിയമത്തിലും പുതിയ നിയമത്തിലും ആവത്തിച്ചു പറയുന്നു. ഇതെങ്ങിനെ ശരിയാകും.

ഒന്ന് + ഒന്ന് + ഒന്ന് = മൂന്ന് എന്ന് മനസ്സിലാക്കുന്നിടത്തു നിന്ന് തുടങ്ങും നമ്മുടെ സംശയങ്ങള്‍.
ഒന്ന് x ഒന്ന് x ഒന്ന് = ഒന്ന് എന്ന ഗണിതശാസ്ത്രമാണ് നമ്മള്‍ ഉപയോഗിക്കേണ്ടത്. നമ്മുക്കു പരിചയമുള്ള ഉദ്ദാഹരണം എടുക്കാം. H₂O. ഇതെന്താണ്? വെള്ളം(ജലം). മഞ്ഞ് (ice), നീരാവി (steam) ഇങ്ങനെ രണ്ട് വേറേ അവസ്ഥകള്‍ കൂടിയുണ്ട് വെള്ളത്തിന്. അതിന്റേയും രാസ നാമം H₂O തന്നെയാണ്. എന്താണിതിങ്ങനെ? മൂന്ന് വസ്തുക്കള്‍ മൂന്നു അവസ്ഥകള്‍ പക്ഷേ ഒരേ രാസഫോര്‍മുല.

ട്രിനിറ്റി(Trinity) എന്നപദം ഉത്ഭവിച്ചത് Tri+Unity നിന്നാണ്. മൂന്നും കൂടി ഒന്നായിരിക്കുന്ന അവസ്ഥ.

പിതാവായ ദൈവവും പരിശുദ്ധാത്മാവായ ദൈവവും ഒന്നാണെന്ന്‌ മനസ്സിലാക്കാന്‍ വലിയ ബുദ്ധിമുട്ടോന്നും വിശ്വാസികള്‍ നേരിടേണ്ടീ വന്നിട്ടുണ്ടാകില്ല. കാരണം രണ്ടു പേരും അദൃശരാണ്. മനുഷ്യനായി പിറന്ന യേശുവും ത്രിത്വത്തില്‍ വരുമ്പോളാണ് സകല സംശയങ്ങളും കടന്നു വരുന്നത്.

എന്താണ്‌ ദൈവം? ഒരു സൂപ്പര്‍ നാച്ച്യുറല്‍ ശക്തി. ശാസ്ത്രത്തിനു വിവരിക്കാന്‍ പറ്റാത്ത വണ്ണം അത് പ്രവര്‍ത്തിക്കുന്നു. അചേതനമായ വസ്തുക്കളില്‍ നിന്ന്‌ ജീവന്‍ പ്രധാനം ചെയ്തത് ദൈവമാണ് വിശ്വാസികള്‍ വിശ്വസിക്കുന്നു. ബൈബിളില്‍ ഉടനീളം യേശൂവിനെ കാണുന്നത് ജീവന്‍ നല്‍കുന്നവനായിട്ടാ‍ണ്. മരിച്ചവരെ ഉയിര്‍പ്പിക്കുന്നു, പ്രകൃതിയെ നിയന്ത്രിക്കുന്നു, രോഗികളെ സുഖപ്പെടുത്തുന്നു, സ്വയം ഉയിര്‍ക്കുന്നു തുടങ്ങി ചെയ്തതും പറയുന്നതും മുഴുവന്‍ ഒരു ദൈവത്തിനു ചെയ്യാന്‍ സാധിക്കുന്ന കാര്യങ്ങള്‍ മാത്രം. (ഇവിടേയും, ഇവിടേയും വായിക്കുക).

ത്രിത്വം എന്ന പദം ബൈബിളില്‍ ഇല്ലെങ്കിലും അതിലേക്ക് വിരല്‍ ചൂണ്ടുന്ന വചനങ്ങള്‍ അനവധി.

Genesis 1:26 -- Then God said, "Let us make man in our image, in our likeness, and let them rule over the fish of the sea and the birds of the air, over the livestock, over all the earth, and over all the creatures that move along the ground."

ബഹുവചനം ശ്രദ്ധിക്കുക. നമ്മുടെ ഛായയില്‍, നമ്മുടെ സാദൃശ്യത്തില്‍ എന്നാണ് വചനം പറയുന്നത്.

Jesus said: "I and the Father are one." (John 10:30)
"He who has seen Me has seen the Father." (John 14:9)
ഞാനും പിതാവും ഒന്നാണ്!!! എന്നെ ‘കണ്ടെത്തിയവന്‍‘ പിതാവിനേയും ‘കണ്ടെത്തിയിരിക്കുന്നു‘. വ്യക്തമായി തന്നെ യേശു പറയുന്നു.

"Go therefore and make disciples of all the nations, baptizing them in the name of the Father and the Son and the Holy Spirit." (Matt. 28:19)

പിതാവിന്റേയും പുത്രന്റേയും പരിശുദ്ധാത്മവിന്റേയും നാമത്തില്‍ സ്നാനം നല്‍കുവിന്‍ എന്ന്‌.

And the angel answered and said to her [Mary], "The Holy Spirit will come upon you, and the power of the Most High will overshadow you; and for that reason the holy offspring shall be called the Son of God." (Luke 1:35)
എന്തുകൊണ്ടാണ് യേശു ദൈവപുത്രന്‍ എന്നു വിളിക്കപ്പെടുക എന്നതിന്റെ കാരണം ഇവിടെ കാണുന്നില്ലേ?

പിതാവ്, പുത്രന്‍ , പരിശുദ്ധാത്മാവ് എന്നത് ദൈവത്തിന്റെ ഓരോ ഭാവങ്ങളെ സൂചിപ്പിക്കുന്നു. മൂന്ന് വ്യക്തിത്വങ്ങള്‍ എന്നു പറയാം. പിതാവിനെ പഴയനിയമത്തില്‍ തലങ്ങും വിലങ്ങും കാണുവാന്‍ കഴിയും. സൃഷ്ടാവായ ദൈവം! ജീവന്‍ നല്‍കിയ ദൈവം . പുത്രനെ പുതിയനിയമത്തില്‍ നമ്മള്‍ കാണുന്നു. രക്ഷകനായ ദൈവം! മനുഷ്യരെ (അവരുടെ പാപങ്ങളില്‍ നിന്ന്) മോചിപ്പിക്കാന്‍ വന്ന ദൈവം. അപ്പസ്തോല പ്രവര്‍ത്തനങ്ങളില്‍ മുതല്‍ പരിശുദ്ധാത്മാവിന്റെ പ്രവര്‍ത്തനങ്ങള്‍ കൂടുതലായി കാണുവാന്‍ കഴിയും. ശിഷ്യരെ ശക്തിപ്പെടുത്തുന്ന ദൈവം. യേശുവിന്റ് വചനങ്ങളെ ഓര്‍മ്മപ്പെടുത്തുന്ന ദൈവം! സഭയെ(വിശ്വാസികളുടെ സമൂഹത്തെ) മുന്നോട്ട് നടത്തുന്ന ദൈവം.

പിന്നെയൊരു സംശയം. ദൈവത്തിനു ആദിയും അന്ത്യവും ഇല്ലെന്നാണ് വിശ്വാസം. യേശൂവിന്റെ ജനനം ഒരു തുടക്കമല്ലേ? യേശുവിന്റെ മരണം അതൊരു അവസാനമല്ലേ?

കൂടുതല്‍ കുഴയ്ക്കുന്ന ചോദ്യം. ഉത്തരം യേശു തന്നെ പറയുന്നുണ്ട്.. യോഹന്നാന്‍ 8:53-59 വരെ നോക്കുക.

യോഹന്നാന്‍ 8:58 യേശു അവരോടു: ആമേൻ , ആമേൻ , ഞാൻ നിങ്ങളോടു പറയുന്നു: അബ്രാഹാം ജനിച്ചതിന്നു മുമ്പേ ഞാൻ ഉണ്ടു എന്നു പറഞ്ഞു.

ഫരിസേയരുടെ മുമ്പില്‍ മറ്റൊരു ചോദ്യം കൂടി യേശു എറിഞ്ഞു കൊടുക്കുന്നുണ്ട്.
ദാവീദിന്റെ പുത്രനാണ് ക്രിസ്തു എങ്കില്‍ എന്തുകൊണ്ട് ദാവീദ് അവനെ കര്‍ത്താവേ എന്നു വിളിക്കുന്നു എന്ന്‌? ഇവിടെ വായിക്കൂ...

മത്തായി 22:44 “ഞാൻ നിന്റെ ശത്രുക്കളെ നിന്റെ പാദപീഠം ആക്കുവോളത്തിന്നു എന്റെ വലത്തുഭാഗത്തു ഇരിക്ക എന്നു കർത്താവു എന്റെ കർത്താവിനോടു അരുളിച്ചെയ്തു” എന്നു അവൻ പറയുന്നുവല്ലോ. “ദാവീദ് അവനെ ‘കർത്താവു’ എന്നു പറയുന്നുവെങ്കിൽ അവന്റെ പുത്രൻ ആകുന്നതു എങ്ങനെ” എന്നു ചോദിച്ചു.

അബ്രാഹത്തിനും ദാവീദിനും മുമ്പേ താന്‍ ഉണ്ടെന്ന് യേശു അടിവരയിടുന്നു.

പിന്നെ മരണം. മരണത്തില്‍ എല്ലാം അവസാനിച്ചെങ്കില്‍ ശരി, ഒരൊറ്റ ക്രിസ്ത്യാനികളും ഈ ലോകത്തില്‍ ജനിക്കില്ലായിരുന്നു. മരണത്തെ കീഴടക്കി യേശു ഉയിര്‍ത്തു എന്നതാണ് വിശ്വാസത്തിന്റെ ആണിക്കല്ല്.

ത്രിത്വം മനസ്സിലാക്കാന്‍ ബുദ്ധിമുട്ടുള്ള വിഷയമാണ്. അപ്പോള്‍ മറ്റൊരാളെ ബോധിപ്പിക്കാന്‍ അതിലും ബുദ്ധിമുട്ടാകും. സ്വയം ശ്രമിക്കൂ... അതാണ് നല്ല വഴി. (വെള്ളം, ഐസ്, നീരാവിയുടെ ഉദ്ദാഹരണം ത്രിത്വവുമായി പൂര്‍ണ്ണമായി ചേരില്ലെങ്കിലും ഉള്ളതില്‍ ഏറ്റവും നല്ലത് അതാണെന്നു മാത്രം)

-----------added on 4th March----a story from St.Augustine's Life---------
The Mystery of the Trinity

There is a story that St. Augustine was walking on the beach contemplating the mystery of the Trinity. Then he saw a boy in front of him who had dug a hole in the sand and was going out to the sea again and again and bringing some water to pour into the hole. St. Augustine asked him, “What are you doing?” “I’m going to pour the entire ocean into this hole.” “That is impossible, the whole ocean will not fit in the hole you have made” said St. Augustine. The boy replied, “And you cannot fit the Trinity in your tiny little brain.” The story concludes by saying that the boy vanished as St. Augustine had been talking to an angel.
-----------added on 8 March-----Links from Nasiyansan--------
വിക്കി-ത്രിത്വം
http://www.newadvent.org/summa/1039.htm

ബൈബിളിലെ വൈരുദ്ധ്യങ്ങള്‍ - സ്നാപകനും ഏശയ്യയും

2010-02-25T21:53:00.000+05:30

മത്തായിയുടെ സുവിശേഷത്തില്‍ യേശു പറയുന്നു സ്നാപകയോഹന്നാന്‍ ആണ് ഏശയ്യ പ്രവാചകന്‍ എന്ന്.യോഹന്നാന്റെ സുവിശേഷത്തില്‍ സ്നപകയോഹന്നാന്‍ പറയുന്നു താന്‍ ഏശയ്യ അല്ലെന്ന്.
തികച്ചു വൈരുദ്ധ്യം നിറഞ്ഞ വചനങ്ങള്‍. വിപരീത ദിശയില്‍ ഉള്ള ഉത്തരങ്ങള്‍. ഇതില്‍ ആരു പറഞ്ഞതാണ് ശരി?

ഇതിനാധാരമായ വചനങ്ങള്‍ താഴെകൊടുക്കുന്നു.

മത്തായി

17:12 എന്നാൽ ഏലീയാവു വന്നു കഴിഞ്ഞു എന്നു ഞാൻ നിങ്ങളോടു പറയുന്നു; എങ്കിലും അവർ അവനെ അറിഞ്ഞുകൊള്ളാതെ തങ്ങൾക്കു തോന്നിയതു എല്ലാം അവനോടു ചെയ്തു. അവ്വണ്ണം മനുഷ്യപുത്രന്നും അവരാൽ കഷ്ടപ്പെടുവാനുണ്ടു” എന്നു ഉത്തരം പറഞ്ഞു.

17:13 അവൻ യോഹന്നാൻ സ്നാപകനെക്കുറിച്ചു തങ്ങളോടു പറഞ്ഞു എന്നു ശിഷ്യന്മാർ ഗ്രഹിച്ചു.

യോഹന്നാന്‍

1:19 നീ ആർ എന്നു യോഹന്നാനോടു ചോദിക്കേണ്ടതിന്നു യെഹൂദന്മാർ യെരൂശലേമിൽ നിന്നു പുരോഹിതന്മാരെയും ലേവ്യരെയും അവന്റെ അടുക്കൽ അയച്ചപ്പോൾ അവന്റെ സാക്ഷ്യം എന്തെന്നാൽ: അവൻ മറുക്കാതെ ഏറ്റുപറഞ്ഞു;

1:20 ഞാൻ ക്രിസ്തു അല്ല എന്നു ഏറ്റു പറഞ്ഞു.

1:21 പിന്നെ എന്തു? നീ ഏലീയാവോ എന്നു അവനോടു ചോദിച്ചതിന്നു: അല്ല എന്നു പറഞ്ഞു. നീ ആ പ്രവാചകനോ? എന്നതിന്നു: അല്ല എന്നു അവൻ ഉത്തരം പറഞ്ഞു.

യഹൂദന്മാരുടെ ഒരു പ്രതീക്ഷയുണ്ട്. ഏശയ്യ വീണ്ടും വരും എന്ന്. വെറുതെ പ്രതീക്ഷിച്ചതല്ല കേട്ടോ? ദൈവം വാഗ്ദാനം കൊടുത്തിരുന്നു.

മലാഖി 4:4 ഞാൻ ഹോരേബിൽവെച്ചു എല്ലാ യിസ്രായേലിന്നും വേണ്ടി എന്റെ ദാസനായ മോശെയോടു കല്പിച്ചിരിക്കുന്ന ന്യായപ്രമാണവും ചട്ടങ്ങളും വിധികളും ഓർത്തുകൊൾവിൻ.

4:5 യഹോവയുടെ വലുതും ഭയങ്കരവുമായ നാൾ വരുന്നതിന്നു മുമ്പെ ഞാൻ നിങ്ങൾക്കു ഏലീയാപ്രവാചകനെ അയക്കും.

4:6 ഞാൻ വന്നു ഭൂമിയെ സംഹാര ശപഥംകൊണ്ടു ദണ്ഡിപ്പിക്കാതിരിക്കേണ്ടതിന്നു അവൻ അപ്പന്മാരുടെ ഹൃദയം മക്കളോടും മക്കളുടെ ഹൃദയം അപ്പന്മാരോടും നിരപ്പിക്കും.

മാത്രവുമല്ല ഏശയ്യ ഉടലോടെ സ്വര്‍ഗ്ഗത്തില്‍ പോയ വ്യക്തി കൂടെയാണ്. രാജാക്കന്മാരുടെ രണ്ടാം പുസ്തകത്തില്‍ രണ്ടാം അദ്ധ്യായം അതു പറയുന്നു. അതുകൊണ്ടു തന്നെ അവര്‍ ഏശയ്യ പ്രവാചകന്‍ വീണ്ടും അതേപടി ഉടലോടെ ഇറങ്ങിവരും എന്ന് ന്യായമായും പ്രതീക്ഷിച്ചിരുന്നു.

ഇതാണ് പഴയനിയമ അവലോകനം. ഇനി പുതിയ നിയമത്തില്‍ എന്തു പറയുന്നു എന്നു നോക്കൂ.. ലൂക്ക 1:11-17. സ്നാപകയോഹന്നാന്റെ അപ്പനായ സക്കറിയാക്ക് മാലാഖ കൊടുക്കുന്ന ദൂത്.

ലൂക്ക 1:13 ദൂതൻ അവനോടു പറഞ്ഞതു: സെഖര്യാവേ, ഭയപ്പെടേണ്ടാ; നിന്റെ പ്രാർത്ഥനെക്കു ഉത്തരമായി: നിന്റെ ഭാര്യ എലീശബെത്ത് നിനക്കു ഒരു മകനെ പ്രസവിക്കും; അവന്നു യോഹന്നാൻ എന്നു പേർ ഇടേണം.

1:14 നിനക്കു സന്തോഷവും ഉല്ലാസവും ഉണ്ടാകും; അവന്റെ ജനനത്തിങ്കൽ പലരും സന്തോഷിക്കും.

1:15 അവൻ കർത്താവിന്റെ സന്നിധിയിൽ വലിയവൻ ആകും; വീഞ്ഞും മദ്യവും കുടിക്കയില്ല; അമ്മയുടെ ഗർഭത്തിൽവെച്ചു തന്നേ പരിശുദ്ധാത്മാവുകൊണ്ടു നിറയും.

1:16 അവൻ യിസ്രായേൽമക്കളിൽ പലരെയും അവരുടെ ദൈവമായ കർത്താവിങ്കലേക്കു തിരിച്ചുവരുത്തും.

1:17 അവൻ അപ്പന്മാരുടെ ഹൃദയങ്ങളെ മക്കളിലേക്കും വഴങ്ങാത്തവരെ നീതിമാന്മാരുടെ ബോധത്തിലേക്കും തിരിച്ചുംകൊണ്ടു ഒരുക്കമുള്ളോരു ജനത്തെ കർത്താവിന്നുവേണ്ടി ഒരുക്കുവാൻ അവന്നു മുമ്പായി ഏലീയാവിന്റെ ആത്മാവോടും ശക്തിയോടും കൂടെ നടക്കും.

ഏശയ്യയുടെ ആത്മാവോടും ശക്തിയോടും കൂടെ സ്നാപക യോഹന്നാന്‍ നടക്കും എന്നാണ് ദൂത്. പിന്നെ എന്തുകൊണ്ടാണ് സ്നാപകയോഹന്നാന്‍ താന്‍ ഏശയ്യ അല്ല എന്നു പറഞ്ഞത്? ഏശയ്യ അല്ലാത്തതു കൊണ്ടു തന്നെ. അദ്ദേഹം സ്നാപകയോഹന്നാന്‍ ആയിരുന്നുവല്ലോ!

പിന്നെന്തിനാണ് യേശു തന്റെ കസിന്‍ കൂടിയായ യോഹന്നാനെ എന്തുകൊണ്ട് ഏശയ്യ ആക്കിയത്. തികച്ചും ലളിതമായ കാരണം കൊണ്ട്. നൂറ്റാണ്ടുകള്‍ക്കു മുമ്പു ഒരിക്കല്‍ ജനിച്ച ഏശയ്യ വീണ്ടും ജനിക്കുന്നത് സംഭവിക്കില്ല എന്ന് യേശുവിന് അറിയാം (വീണ്ടു ജനിക്കുന്നതിനെ കുറിച്ച് നിക്കമോദേസിനോട് പറഞ്ഞത് ഓര്‍ക്കുക). അതുകൊണ്ടു തന്നെ ഏശയ്യ വീണ്ടും പുനര്‍ജനിക്കുന്നത് അസംഭവ്യം. അതു ഓക്കെ. എന്തുകൊണ്ട് സ്നാപകന്‍ ഏശയ്യയുടെ സ്ഥാനം എടുത്തു?

അതറിയാന്‍ മുകളില്‍ കൊടുത്തിട്ടുള്ള മലാഖി 4:6 ഉം ലൂക്ക 1:17 ഉം വീണ്ടും വായിക്കുക. കൂടാതെ

മലാഖി 3:1

എനിക്കു മുമ്പായി വഴി നിരത്തേണ്ടതിന്നു ഞാൻ എന്റെ ദൂതനെ അയക്കുന്നു. നിങ്ങൾ അന്വേഷിക്കുന്ന കർത്താവും നിങ്ങൾ ഇഷ്ടപ്പെടുന്ന നിയമദൂതനുമായവൻ പെട്ടെന്നു തന്റെ മന്ദിരത്തിലേക്കു വരും; ഇതാ, അവൻ വരുന്നു എന്നു സൈന്യങ്ങളുടെ യഹോവ അരുളിച്ചെയ്യുന്നു.

എന്നിട്ട് എന്താണ് സ്നാപകയോഹന്നാന്റെ ദൌത്യം എന്നു നോക്കുക. യേശുവിനു വഴിയൊരുക്കുക എന്നതായിരുന്നു സ്നാപകന്റെ ദൌത്യം. മാനസാന്തരപ്പെടുത്തുവാനും കര്‍ത്താവിനു വഴിയൊരുക്കുവാനുമാണ് അദ്ദേഹം വന്നത്. യഥാര്‍ത്ഥ ഏശയ്യയുടെ വരവിന്റെ ഉദ്ദേശം തന്നെ മിശിഹായുടെ രണ്ടാം വരവിനു മുമ്പ് ഇസ്രായേലിനെ ഒരുക്കുക എന്നതാണ്. സ്നാപകന്റെ വരവ് മിശിഹായുടെ ആദ്യ വരവിനു മുമ്പ് ഇസ്രായേലിനെ ഒരുക്കുന്നതിനും. യേശുവിനറിയാമായിരുന്നു സ്നാപകന്‍ ഏശയ്യയുടെ ആത്മാവിലാണ് പ്രവര്‍ത്തിക്കുന്നത് എന്ന്‌. അതുകൊണ്ടാണ് യേശു പറഞ്ഞത് ഒരിക്കല്‍ ഏശയ്യ വന്നിട്ടു പോലും അവര്‍ അതറിഞ്ഞില്ല എന്ന്.

എന്തിന് സ്നാപകയോഹന്നാനും പോലും ഇത് അക്ഷരം പ്രതി അറിയാമായിരുന്നു. അതുകൊണ്ടു തന്നെ സ്നാപകന്‍ ഏശയ്യയുടെ അതേ വാക്കുകള്‍ മറുപടിക്കായ് ഉപയോഗിക്കുന്നത്. താന്‍ ക്രിസ്തുവല്ല, ഏശയ്യ അല്ല, (മോശ പറഞ്ഞ) ആ പ്രവാചകനും അല്ല എന്ന് സ്നാപകന്‍ പറഞ്ഞതിന്റെ പിന്നാലെ അവര്‍ ചോദിച്ചു. പിന്നെ നീയാര്?

യോഹന്നാന്‍ 1:22: അവർ അവനോടു: നീ ആരാകുന്നു? ഞങ്ങളെ അയച്ചവരോടു ഉത്തരം പറയേണ്ടതിന്നു നീ നിന്നെക്കുറിച്ചു തന്നേ എന്തു പറയുന്നു എന്നു ചോദിച്ചു.

1:23 അതിന്നു അവൻ : യെശയ്യാപ്രവാചകൻ പറഞ്ഞതുപോലെ: കർത്താവിന്റെ വഴി നേരെ ആക്കുവിൻ എന്നു മരുഭൂമിയിൽ വിളിച്ചുപറയുന്നവന്റെ ശബ്ദം ഞാൻ ആകുന്നു എന്നു പറഞ്ഞു.

മനസ്സിലാക്കുവാന്‍ കഴിവുള്ളവര്‍ മനസ്സിലാക്കട്ടേ എന്ന രീതി തന്നെ സ്നാപകനും. ഈ ചോദ്യം ചോദിച്ചവര്‍ക്ക് ഏശയ്യ ആരായിരുന്നു അദ്ദേഹം എന്താണ് പറഞ്ഞിരുന്നത് എന്ന അറിയാമായിരുന്നെങ്കില്‍ അവര്‍ ഏശയ്യയുടെ പുസ്തകം അറിഞ്ഞിരിക്കണമായിരുന്നു.

ഏശയ്യ 40:3 കേട്ടോ ഒരുത്തൻ വിളിച്ചുപറയുന്നതു: മരുഭൂമിയിൽ യഹോവേക്കു വഴി ഒരുക്കുവിൻ; നിർജ്ജനപ്രദേശത്തു നമ്മുടെ ദൈവത്തിന്നു ഒരു പെരുവഴി നിരപ്പാക്കുവിൻ.

ഏശയ്യ 40:9 സുവാർത്താദൂതിയായ സീയോനേ, നീ ഉയർന്ന പർവ്വതത്തിലേക്കു കയറിച്ചെല്ലുക; സുവാർത്താദൂതിയായ യെരൂശലേമേ, നിന്റെ ശബ്ദം ശക്തിയോടെ ഉയർത്തുക; ഭയപ്പെടാതെ ഉയർത്തുക; യെഹൂദാനഗരങ്ങളോടു: ഇതാ, നിങ്ങളുടെ ദൈവം എന്നു പറക.

ഇനി പറയൂ... താന്‍ ഏശയ്യ അല്ലെന്ന് മാത്രമാണോ സ്നാപകന്‍ പറഞ്ഞത്. ഒരിക്കല്‍ കൂടി കൂട്ടി വായിക്കൂ...

യോഹന്നാന്‍ 1:19 നീ ആർ എന്നു യോഹന്നാനോടു ചോദിക്കേണ്ടതിന്നു യെഹൂദന്മാർ യെരൂശലേമിൽ നിന്നു പുരോഹിതന്മാരെയും ലേവ്യരെയും അവന്റെ അടുക്കൽ അയച്ചപ്പോൾ അവന്റെ സാക്ഷ്യം എന്തെന്നാൽ: അവൻ മറുക്കാതെ ഏറ്റുപറഞ്ഞു;

1:20 ഞാൻ ക്രിസ്തു അല്ല എന്നു ഏറ്റു പറഞ്ഞു.

1:22 അവർ അവനോടു: നീ ആരാകുന്നു? ഞങ്ങളെ അയച്ചവരോടു ഉത്തരം പറയേണ്ടതിന്നു നീ നിന്നെക്കുറിച്ചു തന്നേ എന്തു പറയുന്നു എന്നു ചോദിച്ചു.

ഇനി പറയൂ..യേശുവും സ്നാപകയോഹന്നനും പറഞ്ഞതില്‍ എന്തേങ്കിലും വൈരുദ്ധ്യമുണ്ടോ?
സ്നാപകന്‍ ആരായിരുന്നു എന്നതില്‍ ഉപരി ‘ഞാന്‍ ’ തന്നെയാണ് യഹോവ/കര്‍ത്താവ് എന്ന് യേശു ഭംഗിയായി സൂചിപ്പിക്കുകയായിരുന്നു. മനസിലാക്കാന്‍ കഴിവുള്ളവര്‍ മനസ്സിലാക്കട്ടേ എന്ന രീതി പുള്ളികാരന് വളരെ പ്രിയമാണ്.
-----added on 1st march, 2010------
ഏലിയാവ്/ഏശയ്യ/ഏലിയ എന്ന പദങ്ങളുടെ കണ്‍ഫ്യൂഷന്‍ ഒഴിവാക്കാന്‍ ഇംഗ്ലീഷ് പരിഭാഷ ഇവിടെ കൊടുക്കുന്നു. Elijah എന്ന പദമാണ് എല്ലായിടത്തും.

source : http://net.bible.org/bible.php

2Ki 2:1 Just before the Lord took Elijah up to heaven in a windstorm, Elijah and Elisha were traveling from Gilgal.
Mal 4:5 Look, I will send you Elijah 1 the prophet before the great and terrible day of the Lord arrives.
Joh 1:21 So they asked him, “Then who are you? Are you Elijah?” He said, “I am not!” “Are you the Prophet?” He answered, “No!”
Mar 9:13 But I tell you that Elijah has certainly come, and they did to him whatever they wanted, just as it is written about him.
Mat 17:3 Then Moses and Elijah also appeared before them, talking with him

ബൈബിള്‍ വൈരുദ്ധ്യങ്ങള്‍-യേശുവിന്റെ വംശാവലി.

2010-02-24T09:20:00.000+05:30

യേശു ദാവീദിന്റെ 'പുത്രന്‍ ' ആകുന്നതെങ്ങിനെ? മത്തായി ഒന്നാം അദ്ധ്യായത്തില്‍ തന്നെ യേശു->ജോസഫ് വംശാവലിയാണ് കാണുന്നത്? അതില്‍ ദാവീദിന്റെ മകന്‍ സോളമനിലൂടെ തുടങ്ങുന്ന വംശപരമ്പര ജേക്കബിലൂടെ ജോസഫില്‍ എത്തുന്നു.ലൂക്കായുടെ അദ്ധ്യായത്തില്‍ മറ്റൊരു വംശാവലി കാണാം. അതില്‍ ദാവീദിന്റെ വംശപരമ്പര നാഥാനില്‍ നിന്ന് തുടങ്ങി ഹേലിയില്‍ എത്തി ജോസഫിലേക്ക് എത്തുന്നു. ദാവിദിന്റെ അവിടുന്നങ്ങോട്ട് രണ്ടു വംശവലിയിലും അടിമുടി മാറ്റങ്ങള്‍ കാണാം.

ഇപ്പോള്‍ എന്തായി? ഒരാള്‍ (മത്തായി 1:2-16) പറയുന്നു ജോസഫിന്റെ അപ്പന്‍ ജേക്കബ് ആണെന്ന്. മറ്റൊരാള്‍ (ലൂക്ക 3:23-38) പറയുന്നു ജോസഫിന്റെ അപ്പന്‍ ഹേലിയാണെന്ന്. ഉഗ്രന്‍ കോണ്ട്രഡിക്ഷന്‍ ആയില്ലേ? ഇതു രണ്ടായാലും ജോസഫ് യേശുവിന്റെ (ഒറിജിനല്‍) പിതാവല്ല. അതായത് യേശു ദാവിദിന്റെ പുത്രന്‍ അല്ലെന്നായി എന്നു ചുരുക്കം. ഒന്നാന്തരം ഇര തന്നെ.

ഇനി പരിശോദിക്കാം; സുവിശേഷകന്മാരുടെ രീതിയും അവരുടെ ശൈലിയും .

ഏതൊരാള്‍ക്കും രണ്ടു വംശാവലി കാണും.ഒന്നു അച്ഛന്റെ വംശാവലിയും രണ്ട് അമ്മയുടെ വംശാവലിയും. ഇവിടെ ജോസഫിന്റെ വംശാവലി ദാവീദിന്റെ മകനായ സോളമനിലൂടേയും മേരിയുടെ വംശാവലി ദാവീദിന്റെ മറ്റു പുത്രനായ നാഥാനിലൂടേയും വരുന്നു.

മത്തായി സുവിശേഷത്തില്‍ യേശുവിന്റെ ജനനം വിവരിച്ചിരിക്കുന്നത് ജോസഫിന്റെ കണ്ണിലൂടെയാണ്. ഇതില്‍ ഗബ്രിയേല്‍ മാലാഖ മാതാവുമായുള്ള സംഭാഷമില്ല, പ്രത്യുത ജോസഫിന് നല്‍കപ്പെട്ട സന്ദേശമാണുള്ളത്. ജോസഫാണ് താരം. അതുകൊണ്ട് ഇദ്ദേഹം ജോസഫിന്റെ വംശാവലിയാണ് കൊടുത്തിരിക്കുന്നത്.

നേരെ മറിച്ച് ലൂക്ക സുവിശേഷത്തില്‍ മറിയത്തിന്റെ സംഭവവികാസങ്ങളാണ് കൊടുത്തിരിക്കുന്നത്. മറിയത്തിന്റെ ബന്ധുവായ എലിസബത്തിന്റെ പ്രസവം (സ്നാപക യോഹന്നാന്റെ ജനനം) തുടങ്ങി ഗബ്രിയേല്‍ മാലാഖ മറിയത്തിനു പ്രത്യപ്പെടുന്നതുമായ സകലതും ഒരു ഓര്‍ഡറില്‍ കാണാന്‍ കഴിയുന്നത് ലൂക്കായുടെ സുവിശേഷത്തിലാണ്. സ്വാഭാവികമായും ലൂക്ക മറിയത്തിന്റെ വംശാവലിയിലാണ് താത്പര്യം കാണിക്കുക. കൂടാതെ ലൂക്കയുടെ സുവിശേഷത്തിലെ വംശാവലി തുടങ്ങുന്നതു തന്നെ ഇങ്ങനെയാണ്

ലൂക്ക 3:23

യേശുവിന്നു താൻ പ്രവൃത്തി ആരംഭിക്കുമ്പോൾ ഏകദേശം മുപ്പതു വയസ്സായിരുന്നു. അവൻ യോസേഫിന്റെ മകൻ എന്നു ജനം വിചാരിച്ചു;

അദ്ദേഹം തന്നെ വംശാവലിയുടെ ആദ്യത്തില്‍ പറയുന്നു ‘യേശു ജോസഫിന്റെ മകന്‍ എന്ന് മറ്റുള്ളവര്‍ വിചാരിക്കുന്നു‘ എന്ന്. പിന്നെന്തിനാണ് ജോസഫിന്റെ വംശവലി അന്വേഷിച്ച് ലൂക്ക പോകണം? അപ്പോള്‍ പിന്നെ അദ്ദേഹം മേരിയുടെ സ്ഥാനത്ത് ജോസഫ് എന്ന് എന്തിനെഴുതി. ഒന്നാമത് വംശാവലിയില്‍ സ്ത്രീകളുടെ പേര്‍ എവിടേയും കാണില്ല. അപ്പോള്‍ പിന്നെ സാധാരണ സുവിശേഷകര്‍ ചെയ്യുന്നപോലെ ഹേലിയുടെ മകന്‍ യേശു എന്നഴുതിയാല്‍ പോരേ? പേരകുട്ടിയാണെന്ന്‌ ജനം മനസ്സിലാക്കി കൊള്ളുമായിരുന്നില്ലേ? ശ്രദ്ധിക്കുക ലൂക്കായുടെ വംശപരമ്പര മത്തായിയുടേതു പോലെ അബ്രഹാമില്‍ നിറുത്തിയില്ല. നേരെ ആദത്തിലാണ് ചെന്നു നില്‍ക്കുന്നത്. അതായത് സൂക്ഷ്മമായിട്ടാണ് ലൂക്ക വംശാവലി എഴുതിയിരിക്കുന്നത്. ഹേലിയുടെ മകന്‍ യേശു എന്നെഴുതിയാല്‍ ഹേലിയാണ് യേശുവിന്റെ അച്ഛന്‍ എന്ന ധ്വനി വരും. അതുകൊണ്ടാണ് ഹേലിയുടെ son-in-law ആയ ജോസഫിനെ ആ സ്ഥാനത്തു നിറുത്തി ഇദ്ദേഹം യേശുവിന്റെ പിതാവല്ല എന്ന് കൂട്ടിച്ചേര്‍ത്തത്.

ശ്രദ്ധിക്കുക, മത്തായിയുടെ സുവിശേഷത്തില്‍ വംശാവലിയുടെ ആരംഭത്തിലോ അവസാനത്തിലോ ലൂക്ക ചെയ്തപോലെ ജോസഫിനെ പറ്റി വിശദീകരണം ഇല്ലാത്തതിനാലും രണ്ടു പേരുടേയും വംശാവലി ദാവീദില്‍ എത്തും വരെ അടിമുടി മാറ്റങ്ങള്‍ ഉള്ളതിനാലും ജോസഫിന്റെ യഥാര്‍ത്ഥ പിതാവ് ജേക്കബ് ആണെന്നു കരുതാം. മേരിയുടെ അച്ഛനേയും അമ്മയേയും പറ്റി സുവിശേഷങ്ങളില്‍ ഒരിടത്തും പറയുന്നില്ല. എന്നിരുന്നാലും അന്നയും ഹേലിയുമാണ് മറിയത്തിന്റെ മാതാപിതാക്കള്‍ എന്നത് ആദിമക്രിസ്തവപാരമ്പര്യമുള്ളതാണ്.

സംഗ്രഹം.
മത്തായി കൊടുത്തിരിക്കുന്നത് യേശുവിന്റെ (വളര്‍ത്തു) അച്ഛനായ ജോസഫിന്റെ വംശാവലിയും ലൂക്ക കൊടുത്തിരിക്കുന്നത് യേശുവിന്റെ അമ്മയായ കന്യകാമറിയത്തിന്റെ വംശാവലിയും ആണ്. സാധാരണ വംശാവലിയില്‍ സ്ത്രീകളുടെ പേര് യഹൂദന്മാരോ മറ്റുള്ളവരോ (പണ്ടുള്ളവര്‍ പ്രത്യേകിച്ചും) ഉപയോഗിക്കാറില്ല. അതുകൊണ്ട് ജോസഫിനെ മറിയത്തിന്റെ ജനറേഷനില്‍ പ്രതിഷ്ഠിച്ചു, ഒരു വിശദീകരണത്തോടു കൂടി (ലൂക്കാ 3:23 ന്റെ രണ്ടാമത്തെ വാക്യത്തില്‍ കാണുക)

ലൂക്ക 3:23

അതുകൊണ്ടു തന്നെ ജോസഫിന്റെ വംശാവലിയല്ല കന്യകാമറിയത്തിന്റെ അച്ഛനായ ഹേലിയുടെ വംശാവലിയാണ് ലൂക്ക വിവരിക്കുന്നത്.

ചുരുക്കത്തില്‍ യേശുവിന്റെ (ബ്ലെഡ് റിലേഷന്‍ ) വംശാവലി മേരിയിലൂടെയും ഔദ്യോഗിക വംശാവലി ജോസപ്പിലൂടേയും രണ്ട് സുവിശേഷകര്‍ എഴുതി വെച്ചിട്ടുണ്ടെന്ന് ചുരുക്കം. എല്ലാ അര്‍ത്ഥത്തിലും ദാവീദിന്റെ മകന്‍ തന്നെയല്ലേ, യേശൂ!

മോശയും യേശുവും നബിയും

2010-02-23T05:04:00.000+05:30

നബിയുടെ കാര്യങ്ങള്‍ എനിക്ക് അറിയാത്തതിനാല്‍ ചോദ്യചിഹ്നമായി ഇടുന്നു. മുസ്ലീം സഹോദരങ്ങള്‍ക്ക് പൂരിപ്പിക്കാം.

മോശയുമായിയുള്ള യേശുവിന്റെ സാമ്യങ്ങള്‍.

1. ദൈവം മോശയ്ക്കും ഈസായ്ക്കും നേരിട്ട് സാക്ഷ്യം നല്‍കിയിട്ടുണ്ട്. ജനങ്ങളുടെ മുമ്പില്‍. ഇടിമുഴക്കത്തിന്റെ ശബ്ദത്തില്‍? നബിക്കോ? ഒരു മാലാഖ വന്നു എന്ന്‍ നബി അവകാശപെടുന്നു എന്നതില്‍ കവിഞ്ഞ് ഒരു കുഞ്ഞു മനുഷ്യന്‍ പോലും ആ പരിസരത്ത് ഉണ്ടായിരുന്നോ?

2. യേശൂവും മോശയും മലയുടെ മുകളിലാണ് മരിച്ചത്. നബിയോ?

3. മോശയും (സംഖ്യ13) യേശുവും 12 ശിഷ്യന്മാരെ/ആ‍ളുകളെ തിരഞ്ഞെടുത്ത് അയച്ചിരുന്നു. നബിയോ?

4. മോശ ജോഷ്വയേയും യേശു പത്രോസിനേയും തന്റെ ദൌത്യം തുടരാന്‍ ഭാരമേല്‍പ്പിച്ചു. നബി ആരെ ഏല്‍പ്പിച്ചു?

5. മോശയും യേശുവും ചെയ്തിട്ടുള്ള അത്ഭുതങ്ങളില്‍ വരെ സാമ്യമുണ്ട്.
അ). യേശു അഞ്ചപ്പം അയ്യായിരം പേര്‍ക്ക് കൊടുത്തു. മോശ ഇസ്രായേല്‍ക്കാര്‍ക്ക് മന്ന ഭക്ഷിക്കാന്‍ കൊടുത്തു. നബിയും രണ്ടു പേര്‍ക്കുള്ള ഭഷണം കിടങ്ങു കുഴിക്കുന്നവര്‍ക്കായി വീതിച്ചു; (അഹ്‌സാബ് യുദ്ധസന്ദര്‍ഭം. സൂക്തം അറിയില്ല. സി.കെ.ലത്തീഫിനു അറിയുമായിരിക്കും)
ആ) രണ്ടു പേര്‍ക്കും വെള്ളത്തില്‍ കളിക്കാന്‍ വലിയ ഇഷ്ടമായിരിക്കണം.
യേശൂ: വെള്ളം വീഞ്ഞാക്കി (കാനായില്‍), വെള്ളത്തിന്റെ മുകളിലൂടെ നടന്നു.
മോശ: വെള്ളം രക്തമാക്കി (ഫറവോന്റെ മുമ്പില്‍), കടലിനെ രണ്ടായി പകുത്ത് അതിലൂടെ നടന്നു (ഇസ്രായേലിനെ രക്ഷപ്പെടുത്തുന്ന രംഗം)
മെക്കയിലും മദീനയിലും വെള്ളമോ ‘തടാകമോ’ ഇല്ലാത്തതിനാല്‍ വള്ളത്തില്‍ ഒരത്ഭുതം ചെയ്യാന്‍ സ്കോപ്പ് ഉണ്ടായിരുന്നില്ല നബിക്ക്. വല്ല മദ്യമോ മറ്റോ തിരിച്ചു വെള്ളമാക്കാമായിരുന്നു.

6. യേശുവും മോശയും മരണം വളരേ മുമ്പേ വ്യക്തമായി പ്രവചിച്ചിരുന്നു. നബി മരിക്കുന്നതിനു തെട്ടു മുമ്പായിരുന്നു മരണം ‘പ്രവചിച്ചത്’. (110:3)

7. യേശുവിന്റെ ജനത്തോടനുബന്ധിച്ച് ഹേറേദോസ് രണ്ടു വയസ്സുള്ള ശിശുക്കളെ കൊന്നൊടുക്കി.അതില്‍ നിന്ന് യേശു രക്ഷപ്പെട്ടു. ഇസ്രയേലിന്റെ ആദ്യ ജാതരെ(ആണ്‍ മക്കളെ) കൊല്ലുക എന്നതായിരുന്നു ഈജിപ്തില്‍ ഫറവോന്റെ കല്പന. അതില്‍ നിന്ന് മോശ രക്ഷപ്പെട്ടു. നബിയ്ക്ക് മാതാപിതാക്കള്‍ നഷ്ടപ്പെട്ടതുകൊണ്ട് ബന്ധുവിന്റെ ഒപ്പം വളരേണ്ടി വന്നു.

8. യേശു ഒരു തുട്ടു ഭൂമി പോലും അധീനതയില്‍ വരുത്തുകയോ ഭരിക്കുകയോ ചെയ്തിട്ടില്ല. മോശയ്ക്കും കാനാന്‍ ദേശം കീഴടക്കാനോ ഭരിക്കാനോ കഴിഞ്ഞിട്ടില്ല. (FYI: മോശയുടെ പിന്‍‌ഗാമി ജോഷ്വയാണ് കാനാന്‍ ദേശം പിടിച്ചടക്കുന്നത്). മെക്കയും മദീനയും നബി കീഴടക്കി ഭരിച്ച സ്ഥലങ്ങളാണ്.

9. ആവര്‍ത്തന പുസ്തകം 17:15, 18:02, 18:15, 18:18 പ്രകാരം ഇസ്രയേലില്‍ നിന്നാണ് അവര്‍ക്ക് മോശയെ പോലെ ഒരു വനെ നല്‍കും എന്ന് ദൈവ വാഗ്ദാനം. യേശുവും മോശയും യാക്കോബിന്റെ പുത്രന്മാരുടെ വംശത്തില്‍ (അതായത് ഇസ്രയേലിന്റെ) പുത്രന്മാരാണ്. ദൈവം വാഗ്ദാനം നടത്തിയതും ഇസ്രയേലിനോട്. നബി അറബ് വംശജനും. (17 നു മുകളില്‍ വംശവലി നോക്കാന്‍ നബി അനുവദിച്ചാല്‍ തന്നെ അബ്രഹമിന്റെ ദാസിയുടെ പുത്രനായ ഇസ്മയേലിന്റെ വംശം. മോശയുടെ അര്‍ദ്ധ സഹോദരനേ എന്നാലും ആവുകയുള്ളൂ.)

10. യേശുവിന് അടിമകള്‍ ഉണ്ടായിരുന്നില്ല. മോശയ്ക്കും അടിമകള്‍ ഉണ്ടായിരുന്നില്ല എന്നാണ് എന്റെ അറിവ്. നബിയ്ക്ക് അടിമകള്‍ ഉണ്ടായിരുന്നു.

11. മോശയും യേശുവും കൊടുത്ത കല്പനകളില്‍ അവരവര്‍ക്ക് ഒരു പ്രത്യേക ഒഴിവുകിഴിവും കൊടുത്തിരുന്നില്ല. നബിയുടെ കാര്യം അങ്ങിനെയല്ല. വിവാഹം മുതല്‍ ഒട്ടുമിക്ക കാര്യങ്ങളിലും ഒരു എക്സെപ്ഷന്‍ നബിയ്ക്കുണ്ടായിരുന്നു.
(യേശു പറയുന്നു..നിന്റെ ദൈവമായ കര്‍ത്താവിന്റെ പരീക്ഷിക്കരുത് എന്ന്‌. പക്ഷേ പ്രവാചകന്മാരെ അവരുടെ യോഗ്യതകള്‍ ചോദ്യം ചെയ്യാന്‍ അനുവദിക്കുന്നുണ്ട്. മോശയും അങ്ങിനെ തന്നെ. അവിടേയും നബി വ്യത്യസ്തനാണ്. അവസാന പ്രവാചകനാണെന്ന് സ്വയം അവകാശപ്പെടുകയും അതിനെ ചോദ്യം ചെയ്യുന്നതിനെ നിശിതമായി എതിര്‍ക്കുകയും ചെയ്യുന്നു)

യേശുവുമായുള്ള മോശയുടെ വ്യത്യാസങ്ങള്‍.

0. സാധാരണ ജനനമായിരുന്നു മോശയുടേയും നബിയുടേയും. യേശു ജനിച്ചത് കന്യകയില്‍ നിന്നായിരുന്നു. (അവസാനമാണിത് ഓര്‍മ്മ വന്നത്. നമ്പറുകള്‍ മാറ്റാനുള്ള മടിക്ക് നമ്പര്‍ പൂജ്യം കൊടുക്കുന്നു)

1. മോശ ഒരിക്കല്‍ ദൈവത്തെ ധിക്കരിച്ചിരുന്നു. യേശു അങ്ങിനെ ചെയ്തതായി കാണുന്നില്ല. നബി ദൈവത്തെ ധിക്കരിച്ചിരുന്നതായി ഖുര്‍ ആന്‍ പറയുമെന്ന് പ്രതീക്ഷിക്കുകയേ വേണ്ട.

2. മോശ ഫറവോയുടെ കൈയ്യില്‍ നിന്ന് ഇസ്രായേല്‍ക്കാരേയും കൊണ്ട് രക്ഷപ്പെട്ടു പോന്നു. യേശു റോമന്‍ പടയാളികളാല്‍ മരിച്ചു.യഹൂദന്മാരെ ഒരാളെ പോലും റോമന്‍ പടയാളികളില്‍ നിന്ന് രക്ഷിച്ചതും ഇല്ല. നബിയുടെ കാര്യം എനിക്ക് അറിയില്ല. അങ്ങിനെ ആരുടെ കൈയില്‍ നിന്നും സ്വന്തം ജനതയെ രക്ഷിച്ച് എവിടെയെക്കെങ്കിലും ഓടി രക്ഷപ്പെട്ടതായി അറിവില്ല.ഒരിക്കല്‍ യുദ്ധത്തില്‍ തോറ്റ് ഓടിപോയിട്ടുണ്ട്. അത് ഈ ഗണത്തില്‍ പെടത്തണമോ എന്നറിയില്ല.

3. മോശ നിയമപുസ്തകം എഴുതിയിട്ടുണ്ട്. യേശു എഴുതിയിട്ടില്ല. നബിയും നിരക്ഷരന്‍ ആയിരുന്നു എങ്കിലും അനുയായികള്‍ ഖുര്‍ ആന്‍ എഴുതിയിട്ടുണ്ട്.

4. സാധാരണ മരണമായിരുന്നു മോശയുടേത്. യേശു കുരിശില്‍ മരിച്ചു. നബിയുടേയും സാധാരണ മരണം ആയിരുന്നു. (അസുഖ ബാധിതനായിയാണ് മരിച്ചത് എന്ന് എവിടേയോ വായിച്ചതായി ഓര്‍മ്മ.ഉറപ്പില്ല)

5. മരിച്ചതിനു ശേഷം മോശ സമകാലീയരായ ആര്‍ക്കും പ്രത്യക്ഷപ്പെട്ടിട്ടില്ല. (യേശുവിന്റെ ഒപ്പം നില്‍ക്കുന്നതായി കണ്ടു എന്ന് സുവിശേഷകര്‍ പറയുന്നുണ്ട്). യേശു മരണ ശേഷം സമകാലീനര്‍ക്കും പലതവണ പ്രത്യക്ഷപ്പെട്ടിരുന്നു. നബിയും സമകാലീനര്‍ക്ക് മരണ ശേഷം പ്രത്യക്ഷപ്പെട്ടിട്ടില്ല.(വഴിയില്ല; കാരണം അത്ഭുതങ്ങളില്‍ ഇദ്ദേഹത്തിനോ അനുയായികള്‍ക്കോ ഒരു താത്പര്യവും ഉണ്ടായിരുന്നില്ല)

6.മോശ ആരേയും സുഖപ്പെടുത്തിയതായി കാണുന്നില്ല. യേശു അനേകരെ സുഖപ്പെടുത്തിയിരുന്നു. നബിയും ആരേയും സുഖപ്പെടുത്തിയിരുന്നതായി കാണുന്നില്ല. (ഉണ്ടെങ്കില്‍ ചേര്‍ക്കുന്നതാണ്)

7. യേശു 33 വയസ്സില്‍ മരിച്ചു, നബി 62 വയസ്സില്‍ മരിച്ചു, മോശ 120 വയസ്സില്‍ മരിച്ചു.

8. യേശു കല്യാണം കഴിച്ചിട്ടില്ല. മോശ ഒന്നു കെട്ടി, നബി 12 കെട്ടി. (ഇതില്‍ 10 വയസ്സില്‍ താഴെയുള്ള പെണ്‍കുട്ടിയും (വളര്‍ത്തു) മകന്റെ ‘മുന്‍ ‘ ഭാര്യയും പെടും)

ഇനി ഇതിനെ ഒരോന്നായി എടുത്തു ചര്‍ച്ച ചെയ്യാന്‍ ഞാന്‍ മുസ്ലീം സഹോദരങ്ങളെ ക്ഷണിക്കുന്നു. (എവിടെ പോയി ക്ഷണിക്കും?)

അടുത്ത ബ്ലോഗ്:
നബിയുടെ ഒരു പഠനം ഓര്‍മ്മവരുന്നു. ഓരോ കാര്യത്തിനും നാലു സാക്ഷികള്‍ വേണം എന്നോ മറ്റോ ആണത്. ഇവിടെ നാലു സിവിശേഷകര്‍ യേശുവിനെ പറ്റി സാക്ഷ്യം നല്‍കുന്നു. യേശു ഉയിര്‍ത്തു എന്നും മറ്റും. പക്ഷേ നബിക്ക് അങ്ങിട്ട് അത് ബോധിച്ചിട്ടില്ല.

ബൈബിള്‍ വൈരുദ്ധ്യങ്ങള്‍- ശവകുടീരത്തിങ്കല്‍

2010-02-21T23:44:00.000+05:30

നാലു സുവിശേഷകരും ഉയിര്‍പ്പു ഞായര്‍ സംഭവങ്ങള്‍ വിവരിക്കുന്നത് ചില വ്യത്യാസങ്ങളോടെയാണ്. (ആമുഖം ഇവിടെ. ) എന്നിരുന്നാലും ഒരാള്‍ പറഞ്ഞതിനു നേരെ വിപരീതമായി ആരും പറഞ്ഞിട്ടില്ല. നോക്കൂ..

1.എത്രപേരാണ് അന്ന് യേശുവിന്റെ കല്ലറയിലേക്ക് പോയത്?
മദ്ഗലേന മറിയം മാത്രമോ? John 20:1
അതോ (യാക്കോബിന്റെ അമ്മയാകാം) മറിയം ഒപ്പം ഉണ്ടായിരുന്നോ? Matt 28:1
അതോ മൂന്നാമതായി ശലോമയും ഉണ്ടായിരുന്നോ? Mark 16:1
ഇവരെ കൂടാതെ മറ്റു സ്ത്രീകള്‍ ഉണ്ടായിരുന്നോ? Luke 24:10

എല്ലാ വചനങ്ങളും എടുത്തെഴുതാം

യോഹന്നാന്‍ 20:1
ആഴ്ചവട്ടത്തിൽ ഒന്നാം നാൾ മഗ്ദലക്കാരത്തി മറിയ രാവിലെ ഇരുട്ടുള്ളപ്പോൾ തന്നേ കല്ലറെക്കൽ ചെന്നു കല്ലറവായ്ക്കൽ നിന്നു കല്ലു നീങ്ങിയിരിക്കുന്നതു കണ്ടു.
മത്തായി 28:1
ശബ്ബത്തു കഴിഞ്ഞു ആഴ്ചവട്ടത്തിന്റെ ഒന്നാം ദിവസം വെളുക്കുമ്പോൾ മഗ്ദലക്കാരത്തി മറിയയും മറ്റെ മറിയയും കല്ലറ കാണ്മാൻ ചെന്നു.
മാര്‍ക്കോസ് 16:1
ശബ്ബത്തു കഴിഞ്ഞശേഷം മഗ്ദലക്കാരത്തി മറിയയും യാക്കോബിന്റെ അമ്മ മറിയയും ശലോമയും ചെന്നു അവനെ പൂശേണ്ടതിന്നു സുഗന്ധവർഗ്ഗം വാങ്ങി.
ലൂക്കാ 24:10
അവർ ആരെന്നാൽ മഗ്ദലക്കാരത്തി മറിയ, യോഹന്നാ, യാക്കോബിന്റെ അമ്മ മറിയ എന്നവർ തന്നേ. അവരോടുകൂടെയുള്ള മറ്റു സ്ത്രീകളും അതു അപ്പൊസ്തലന്മാരോടു പറഞ്ഞു.

ഒറ്റ നോട്ടത്തില്‍ മനസ്സിലാകും.. മഗ്ദലേന മറിയം അവിടെ പോയിട്ടുണ്ട് എന്ന് നാലു പേരും ഒരേ പോലെ സമ്മതിക്കും. മൂന്നു പേര്‍ യാക്കോബിന്റെ അമ്മയും ഒപ്പം ഉണ്ടായിരുന്നു എന്ന് എഴുതിയിട്ടുണ്ട്.സ്വന്തം അമ്മയെ പറ്റിയും മറ്റുള്ളവരെ പറ്റിയും പക്ഷേ യോഹന്നാന്‍ നിശബ്ദന്‍ ആണ്. അതു പക്ഷേ ആദ്യ വചനത്തില്‍ മാത്രമാണ്.
യോഹന്നാന്‍ 20:2
അവൾ ഓടി ശിമോൻ പത്രൊസിന്റെയും യേശുവിന്നു പ്രിയനായ മറ്റെ ശിഷ്യന്റെയും അടുക്കൽ ചെന്നു: കർത്താവിനെ കല്ലറയിൽ നിന്നു എടുത്തു കൊണ്ടുപോയി; അവനെ എവിടെ വെച്ചു എന്നു ഞങ്ങൾ അറിയുന്നില്ല എന്നു അവരോടു പറഞ്ഞു;

ആരാണീ ഞങ്ങള്‍?? അതായത് യോഹന്നാനും പറയുന്നുണ്ട് മറ്റുള്ളവരെ പറ്റിയും. ഈ സംഭവത്തില്‍ ഒരൊറ്റ ശിഷ്യന്മാരെ(പുരുഷന്മാരെ) പറ്റിയും ഒരു സുവിശേഷകനും പറയുന്നില്ല. സ്ത്രീകളാണ് ഇതിന്റെ ദൃക്‌സാഷികള്‍ എന്നു നമ്മുക്ക് നിഗമനത്തില്‍ എത്താം.

2.ഇനി സ്ത്രീകള്‍ എപ്പോള്‍ ശവകുടീരത്തിലേക്ക് പോയി?
സൂര്യന്‍ ഉദിച്ചതിനു മുമ്പോ? John 20:1
അതിനു ശേഷമോ? Mark 16:2

മാര്‍ക്കോസ് 16:2
ആഴ്ചവട്ടത്തിന്റെ ഒന്നാം നാൾ അതികാലത്തു സൂര്യൻ ഉദിച്ചപ്പോൾ അവർ കല്ലറെക്കൽ ചെന്നു:
Very early on the first day of the week, just after sunrise, they were on their way to the tomb

യോഹന്നാന്‍ 20:1
ആഴ്ചവട്ടത്തിൽ ഒന്നാം നാൾ മഗ്ദലക്കാരത്തി മറിയ രാവിലെ ഇരുട്ടുള്ളപ്പോൾ തന്നേ കല്ലറെക്കൽ ചെന്നു കല്ലറവായ്ക്കൽ നിന്നു കല്ലു നീങ്ങിയിരിക്കുന്നതു കണ്ടു.
Early on the first day of the week, while it was still dark, Mary Magdalene went to the tomb and saw that the stone had been removed from the entrance.

ആഴ്ചയുടെ ഒന്നാം നാള്‍ അതിരാവിലെ എന്നു മാത്രമേ മറ്റു രണ്ടു സിവിശേഷകരും രേഖപ്പെടുത്തിയിട്ടുള്ളൂ... ഈ രണ്ടു പേരാണ് സൂര്യന്റെ സാന്നിധ്യം എഴുതിയിട്ടുള്ളൂ. അതുകൊണ്ട് അത് പഠനവിഷയയമായി. തീര്‍ച്ചയായും ഈ ശവകുടീരം ഈ സ്ത്രീകളുടെ വീടിന്റെ തൊട്ടടുത്താകാന്‍ വഴിയില്ല. കാലത്ത് ആറു മണിയുടെ കുര്‍ബ്ബാന ചെറുപ്പത്തില്‍ നടന്നുപോയി പരിചയമുള്ള എനിക്ക് ഇതില്‍ ഒരു കോണ്ട്രഡിക്ഷനും കാണുന്നില്ല. പുറപ്പെടുമ്പോള്‍ സമയം 5:40AM . പള്ളിയില്‍ എത്തുമ്പോള്‍ സമയം 05:57AM. പുറപ്പെടുമ്പോള്‍ സൂര്യന്‍ എവിടേയും ഇല്ല.സ്ട്രീറ്റ് ലൈറ്റ് മാത്രം. പള്ളിയില്‍ ചെന്നത്തുമ്പോള്‍ മിക്കവാറും സൂര്യന്‍ എന്നെ വെയ്റ്റ് ചെയ്യുകയായിരിക്കും. ഇവിടേയും അതു തന്നെ സംഭവിച്ചിരിക്കാം. മറ്റൊരു സാധ്യത... കൂട്ടം കൂടി പുറപ്പെട്ടതാകാം സ്ത്രീകള്‍. അതില്‍ മുമ്പേ എത്തിയത് മഗ്ദലേന മറിയമാകാം. സൂര്യന്‍ ഉദിക്കുന്നതിനു തൊട്ടു മുമ്പേ. യോഹന്നാന്‍ ഈ മറിയത്തിന്റെ കാര്യം മാത്രമേ പറഞ്ഞിട്ടുള്ളൂ എന്ന നിലയ്ക്ക് അതും തള്ളികളയാവുന്നതല്ല.

[അക്ഷരങ്ങളേക്കാളും ഉപരി സംഭവങ്ങള്‍ക്ക് പ്രാധാന്യം കൊടുത്തു കൊടുക്കുന്നതു കൊണ്ടാകാം മിക്ക ക്രിസ്ത്യാനികളുടേയും ശ്രദ്ധയില്‍ ഈ വ്യത്യാസങ്ങള്‍ വരാത്തത്. വ്യത്യാസങ്ങള്‍ ഉണ്ട് എന്നു മനസ്സിലാക്കുന്നതും അതിന്റെ കാരണങ്ങളെ പറ്റി ചിന്തിക്കുന്നതും ഇര പിടുത്തക്കാരുടെ കൈയ്യില്‍ നിന്നും രക്ഷപ്പെടാ‍ന്‍ വളരെ നല്ലതാണ്.]